ايهما افضل ايرلندا ام بريطانيا؟

يمكن تكون في جوائز لاحسن الاجابات ..نشجعكم على التفاعل

من الناحية النفسية الامر راجع لك وين تشوف نفسك

وفي رايي بريطانيا افضل معروفه واكثر امن ولو ان الشعب الايرلندي فرندلي اكثر بس انت تبي تدرس منت ناوي تخطب منهم عشان تدور بالناس الا اذا ودك بالثنتين

اكيد بريطانيا انت ماتشوف وش يصير عندهم من عنصريه شديده وبعدين ماسالت نفسك ليش الطلاب الي بايرلندا شوي لانهم ماقدرو يكملون هناك من العنصريه فرندلي بحالات انا واحد من خوياي كان في ايرلندا وقعد يطارد ورا طلب نقل الى بريطانيا والحمدلله نقل ويقول الطلاب في بريطاينا في نعمه حتى الدراسه هناك سمعة انها صعبه بشكل غير متصور ماهوب مثل بريطانيا يعدون لك بعض الاشياء

اسف على الاطاله بس وجة نظري الشديده بريطانيا ياخي اقل شي لايصير شي لا سمح الله الا عيال ديرتك كثير وفيهم خير بيفزعون لك

ياطويل العمر منب اسأل ادخل ادبي او علمي عشان تقولي وين تشوف نفسك
ابي تجارب تفيدني وتفيدك وتفيد الاخرين. اسعدن تفاعلك

يعني من واقع تجربة خويك ايرلندا اكثر عنصرية من بريطانيا؟!
اسعدن تفاعلك

انا راح اكمل سنة قريبا ان شاءالله في ايرلندا ،، ايرلندا دولة جيدة من كل النواحي ،بالنسبة للشعب فهم فريندلي اكثر من ماتتصور >> عن واقع تجربة اقولك ،، وماعندهم غرور وكبرياء زي الانجليز ،، هم اصلا كانو مستعمرين من قبل الانجليز فتحسهم واجهو حياة صعبة وقاسية بعكس الانجليز ،، وبالنسبة للدراسة فهي جيدة وفي جامعات قوية مثل جامعة ترنتي ومعروف مستواها على اوروبا ،، وعلى فكرة في ناس يدرسون هنا من اولاد المسؤولين !! ليش مادرسوا ببريطانيا او امريكا ..الخ مع انه متوفره عندهم كل الفرص !! الاجابه راح اتركها لك ،، اما بالنسبة لناحية المعيشة فايرلندا دولة عادية جدا ، يعني لاتتوقعها مثل بريطانيا او فرنسا .. وتعقيبا على اللي قال انه اعداد الطلاب في ايرلندا شوي ،طبعا هذا الكلام غير صحيح وكل ماله العدد يزيد .. بالتوفيق

هذا الي قصدته: عرض تجربة شخصية، يكون افضل لانها تكون واضحة المعالم
اذا عندك فكرة عن افضل مدينة للدراسة. اسعدن تفاعلك

هلا بك اختي ،، انا في العاصمة دبلن واشوفها افضل مدينة للدراسة ،ليش ؟ لان فيها 5 جامعات تقريبا معتمده من الوزارة ،
جامعة ucd وهذا موقعهم Welcome to University College Dublin, Ireland's Education Capital
جامعة dcu وهذا موقهم Dublin City University
ترتني كولج وهي الاقدم والافضل والاصعب وهذا موقعهم Trinity College Dublin - The University of Dublin, Ireland
دي اي تي وهذا موقعهم Dublin Institute of Technology - Home
وفي رويال كولج وهي الكلية الملكية للجراحين بس هذي للطب والصيدلة
يعني الفرص عندك اكثر بخلاف باقي المدن مثل كورك وقالواي وماينوث اللي فيها جامعة واحده
واي سؤال ثاني انا حاضره ،بالتوفيق يارب

ممتاز، وتسلمين،،
هل المدينة مليانة عمالة من جنسيات مختلفة زي بريطانيا؟ لآن هذا الي مخرب لندن!
نبي تفاعل من المتواجدين ببريطانيا للرد على المويدين لايرلندا للفائدة