مساعدة ايقاف جامعة هيدرزفيلد تماما !!

ان شاء الله فيها حل لان المحلق لما اعلن الايقاف قال انه من سبتمبر 2011 ماقال من جانيوري انت يبدو انك ارسلت الطلب عن طريق البوابه شوف روح لهم وحول فيهم خصوصا انك مادريت الا متأخر يعني انت بهرها زين قل مايمدي اجيب قبول خلال 10 ايام خصوصا اذا المشرف ماقد ارسل لك ايميل وقال غير الجامعه من بدري يعني يمديك تتكلم مع رئيس قسم المبتعثين الحكوميين لانه انسان عسل وهو الدكتور مساعد العبداللطيف جدا متعاون ومتفاهم

اللي احب اقوله ان الامر فيه مرونه ترى بس يبي صبر على الملحقيه ومطارد وراهم لانك حسب كلامك انهم رفعوا الطلب من الملحقية الى عملك وماقالوا ان فيه مشاكل وعطوك قبول البريسيشنال ومافيه مشاكل اجل كيف لما بقى على الدارسه اسبوعين او اقل يقول عليك البحث عن جامعه ثانيه

صدقني ان الحجه معاك بس انشب لهم جدا خصوصا انك من عمل يعني قول لو ارسلت طلب راح يطول ومايرد العمل بسررعه ومن هالكلام وقول لهم انتم رفعتوا الطلب لي وقبولي تغييري الى هدرزفيلد اجل كيف الحين تقولوا موقفه


ملاحظه : ترى المشرفين اي كلام الله يهديهم يقول لك كلام ولما تقابله يتغير او لما تروح اللي اكبر منه بقول لك مثال انا لما طلب الضمان المالي حق الماجستير جاني رفض من المشرف الموقر!!!! طبعا كاتب سبب الرفض ارتفاع رسوم الدراسه وان عليك ان تبحث عن جامعه اخرى

تصدق جلست اضحك !!!!! لاني انا طالع من العمل والقبول موافق عليه مسبقا وعلى رسوم الدراسه مسبقا المهم ركبت القطار وعلى الملحقية وجيت للمشرف

وقلت له الكلام وراح دور بالملف ولقى القبول والمبلغ وقال انا اسف ومدري ايش وهذا حقك وبعدا اصدر لي الضمان المالي وبصراحه كان شيء يقهر لانه خسرني مشوار على الفاضي


اللي اقوله لك انشب لهم وبس

مرحبا أخوي طلال

من جد حزني الخبر ولكن ما عليك منهم

انصحك تقدم على الفيزة من الرياض بناء على قبول الماستر من الجامعة وخطاب التعريفي من الملحقية

مكتب الفيزة من الرياض ما يطلب الضمان المالي وتخلص أمورك وتجي هنا تبدء الدراسة وتسوي انرولمينت وبعدها تطلع الملحقية وتحطهم قدام الأمر الواقع وغصب عنهم بيعطونك الضمان... والحجة معك

تمنياتي لك بالتوفيق

هلا اخوي انا مثلك رفوا رفض تام بعطوني الضمان قال لان جامعة هيدرزفيلد الان ماهو معترف فيها والله انصدمت بس الشكوي لله والحين ادور جامعات والله ييسر وعطاني القرار ان
جامعة هديرزفيلد قد أوقفت الوزارة التوصية بها بناء على خطاب سعادة مدير عام الإدارة العامة لمعادلة الشهادات الجامعية رقم 79869 وتاريخ 14/8/1431هـ لأسباب أكاديمية وليس بسبب التكدس وتم التوجيه بنقل الطلاب المسجلين حالياً بالجامعة تدريجياً إلى جامعات أخرى.

سليمان 88:
شكرا لتفاعلك معي وانا راح انشب لهم على قولتك بس مااتوقع تجيب نتيجة لانهم يقولون راجع الوزارة وبالنسبة للدكتور مساعد ترك القسم ...وصار مدير قسم الموظفين الحكوميين د. مصطفى البار .. دعواتك

اهلين موارد : شكل السكن راح وماعاد فيه رجعة لمانشيسترالحبيبة هههههه ، انا مخلص الفيزا لان الجامعة عطتني الكاس نمبر مدة سنة ونصف قبل ابدا البريسشنال كورس..ومااتوقع يخلوني ابدا الدراسة قبل الضمان المالي لانهم شارطين عليه بالقبول اللي وصلني

زيزو : انت موظف حكومي والا مبتعث على البرنامج ؟؟ وبعدين الظاهر اللي صار لنا من تحت راس صابر وسحبتنا عليه ..

لا انا تبع برنامج خادم الحرمين لكن بالله اي شي يصير معك بلغنا لاني انا بصراحه فقدت الأمل

اخوي طلال2010

حاول في مرجعك في السعوديه اذا وافق لك على الدراسه في هذي الجامعه خلهم يرسلون للملحقيه هنا خصوصا اذا في خطاب ابتعاثك مكتوب اسم هذي الجامعه بالذات.

هلا اخوي
مرجعي موافق ومعطيني قرار ابتعاث على هذة الجامعة بس وش تقول للاخوان في الملحقية ؟؟

دام مرجعك موافق فالاصل انك تدرس في هذي الجامعه. اتصل بمرجعك ( المسئول عن ابتعاثك بالتحديد) واشرح له ظروفك كامله وان شاء الله تتيسر امورك. الملحقيه في حالتك عباره عن وسيط بينك وبين مرجعك والاصل ترى مرجعك.

اتمنى لك التوفيق والسداد

شكرا لك ولدعواتك .. الله يسهل علينا وعلى كل مبتعث