حوار بصـــــراااحـــــــــــه.....

اثاريني مو انا بس اللي أعاني من هالمشكله هههههههااي

المتكــي >< عز الله أنك عرفتها وأتكيت وأخذت راحتك ولا همك شي.

أخبر مررره من المرااات سويت حادث بسيط >< طبعاً مع الحادث لا أملك تأمين على السياره ولا رخصه سواقه ولسه الاستماره ماجاتني .. وقتها كنت أمس مشتري السيارهـ .. عين ماصلت ع النبي

المهم ذاك الاسبوع شعري موقف ولا هو راضي هجد .. الا ورحت لمقهى فيه شيشى قلت ابي أنسى هم الحادث .. الا وطبيت لك في رجال طاط بطاط .. عاد سولفت معه وقلتله أنا سويت حادث ومامعي رخصه والخ .. عاد كان هو يمز في المعسل .. الا وعيونه تزغلل ويطيح منه اللي حق المعسل .. قلتله وشبك .. الا وقال ((( الله يعينك الله يعينك الله يعينك ))) قلتله يارجل قل خير .. قالي أنت عارف على حسب القانون انت مجرم اللحين .. شفت الدعوهـ كذا .. قلتله فرصه طيبه تعرفنا عليك أشوفك على خير

جلست ثلاثه شهور جاتني ورقه من المحكمه وعبيتها وارسلتها للمحكمه .. ودفعت ٣٦٥ باوند .. وانتهت القضيه. ههههه

^^ شفت كيف خوينا اللي فوق .. أتوقع لو كملت جلستي معه .. لكان أمديني ملغي بعثتي من قديم الزمان. فالرجل بالحقيقه قد ماهو كان مزعجني كلامه قد ماهو فادني كثير.

فكرت موضوعك جميله جداً المتكي, اسأل الله أن يهدي هالنوعيه من الشباب

لك مني أجمل وارقى التحايا
م. الحربي
بريطانيا
هادرزفيلد

م. الحربي هلابك اخوي
يارجال فيه عينات ماودك حتى تسلم عليها . واذا تبي رايي بهالزمان لاتستشير . رح انت بنفسك وطب على اللي تبي ويفرجه ربك
وتشرفت في ردك على موضوع

اخوك المتكي

يقول الشاعر : الناس مثل الأصابع تختلف في القياس ... ياللي تحسب الأوادم في المذاهب سوا
الحمدلله عندنا رئيس طلبه امير من كثر ماهو ناشب لنا اتهمناه انه كان كداد تكسي سابقا..

هلا بك اخوي
والله اللي عندنا شكله دااااج مايدري وين الله حاطه .
الحمدلله اللي الله اغنانا عنه

والله انه صحيح بعض الناس المتشائمين ماودك تعلمه بسالفتك ولا تشاوره

بصراحه فيه ناس من بداية كلامه اعرف هل يفيدني والا لا ... يعني اذا سؤالي عن شئ عادي وطار فيني بالعجه وكبر الموضوع اقول له صادق واروح واخليه مثل قصة اخوي الحربي ... واذا هو واقعي وعطاني اكثر من احتمال لحل الموضوع هذا اللي بالغالب صريح معك

واعتقد ان هالشي راجع لشخصية الانسان وكثيرين منا كوننا في الغربة عندنا تخوف من الاجانب ومن اي شي جديد قبل نجي اذا بالسعودية تلقى ناس تهول وتكبر الامور كيف وحنا خارجها


الله يسهلها وتيسر للجميع