مبتعث فعال Active Member
المملكة المتحدة
مبتعث في زحل , ذكر. مبتعث فعال Active Member. من السعودية
, مبتعث فى المملكة المتحدة
, تخصصى English
, بجامعة university of UK
- university of UK
- English
- ذكر
- London, England
- السعودية
- Jan 2010
المزيدl January 19th, 2011, 02:58 AM
January 19th, 2011, 02:58 AM
ودي اعرف ياجماعه ليش الماء وفواتير الماء غاليه في بريطانيا
اللي مستغرب منه السماء تمطر عليهم صبح ومساء
حتى اني صرت اشك ان السحب تمطر عليهم واذا وصلت البحر ديورت وجت تمطر عليهم مرة ثانيه
واظن والعلم عند الله ان فيه كم سحابه ماسكين بريطانيا شفتات تمطر واذا خلصت راحت البحر تغرف ثم جت تصب عليهم
ومع كثرة المطر الماء غالي ...
ليتها على المطر ,,, لا وبكل مدينه نهر وش عرضه وتحيط فيهم بحار ومحيط ...
احس انهم مايستفيدون من توفر الماء حولهم عشان يحلون هالمشكلة
سألت الشايب بالهوست فاميلي حقي
وقلت له حنا بالسعودية اغلبها صحراء والماء مايتوفر بكثرة ومع ذلك فواتير الماء ارخص من هنا
قال يمكن السبب يرجع في معالجة وتصريف المياه وقال قصه طويلة عريضه ومافهمتها
اتمنى يوم من الايام اعرف السر من غلاء فواتير الماء .. !
حياك حبيبي مبتعث زحل .
أتوقع يا طويل العمر هم عارفين قيمة الماء وهو أصلا كثير ....يدرون لو يخلص الماء ماتوا .
مو إحنا بالسعودية .تلاقي الشغالة فاتحه البزبوز وتسولف مع عمتها .
على اي حال ...يا طويل العمر ... : سبب غلاء كل شيء هنا هو اليد العاملة .
بمعنى لو تشتغل هنا حلاق ....أو عامل كوفي ...راتبك الف باوند إذا هو فل تايم فما أكثر ...
بمعنى الحلاق وعامل الكوفي : يعيش زي الدكتور عندهم : يقدر يفتح بيت ويكون أسرة ويشتري سيارة ويعيش .
لكن عامل الكوفي عندنا بالسعودية أو عامل الكابينة >>كان يشتغل في كابينة أتصالات : هل يقدر يفتح بيت ويكون أسرة
أو اصلا ما يلاقي انثى توافق عليه ..
مثلا بسيط : تبتغى تشتري دجاجة : مشوية : تدفع عليها في ناندوز عشرة باوند.
بينما تشتريها : نية بدون طبخ : بباوند وخمس وسبعين بنس .
بمعنى : تبي تهايط الله لايهينك أدفع قيمة اليد العاملة .
تبي توفر : روح لباوند لاند وخذ حاجتك .
صدقني هالديرة فيها أشياء حلوة وفوق الخيال :
أول ماجيت كنت أحسبهم أغبياء وكسلانين .
يعني عمرك شفت بقالة تسكر بالويكند .>>>>>لحد الحين مو فاهم .
عمرك شفت بقالة تسكر الساعة خمسة الظهر (بالصيف ).
والله مو فاهم .
تهاوشت مع مدرسة لما كنت ادرس لغة .
وقلت وش هالنظام البقالة تسكر بالويكند ...ووتسكر خمسة الظهر ...وبالاعياد.
قالت ليش عندكم ما يسكرون .
قلت لا احنا كل يوم لين الساعة 11
وسبعة أيام بالاسبوع .
قالت والعامل واحد .
قلت ايه هندي او بقنالي .
قالت طيب هذا ما عنده عائلة يهتم فيهم.
هذا ما عنده حياة يبغى يعيشها .
ما عنده اشغال يبغى يخلصها.
ففعلا ...من حق هالعمال يعيشون حياة كريمة زي الناس ...مو معناها احتاجوا الشغلة هذه ينهانون .
الله لايهينك تبغى خبز وزبادي :تعال بدري مو لامسكت معاك اخر الليل وقمت شبعان نوم رحت للبقالة ..تعلم التنظيم .
أذكر مصري عندنا بالحارة : هو صاحب البقالة .كل يوم من الساعة 7 الصبح يفتح
لين 11 بالليل
سبعة أيام بالاسبوع .
تجي تلاقيه نايم على الطاولة .
طبعا معاه اطفاله وزوجته ....اربع وعشرين ساعة زوجته تبكي ..تقول وش هالحياة .
فيعني لازم نحس بالناس .
طولت عليك بس توني قايم من النوم وصبحت في موضوعك .
الدكتور/عادل العتيبي January 19th, 2011, 05:36 AM
7 " الله يعينكم على دفع الفواتير.. لو عند اختيار السكن تاكدت من الفاتوره تشمل الماء والا لاء يمكن كان افضل
صحيح سبحان الله الواحد مايعرف قيمة الاشياء الا لما تسلب منه ..
انا فاتورة الشقة تتضمن فاتورة الماء وعشان احلل الموضوع فاتحه المويه 27 ساعة >>> بدون مبالغة وسواسة نظافة
بس الواحد لازم يقدر النعمه.. اللهم لك الحمد ولك الشكر ولك الثناء الحسن على اعظم واجل نعمه وهي الماء
حتى بالسعوديه ماشاء الله لاقوة الا بالله ماعمري خبرت اهلي دفعو فاتورة مياه >> اللهم لك الحمد والشكر
مرمر زمانو January 19th, 2011, 09:55 AM
7 " انا لي سنتين وماجاتني فاتورة مويه غير الكهرباء اللي ادفعها وكمان انتقلت من مدينة لاخرى وسلمت الشقة ولا في اي فواتير وصلتني الى الان آمل من الاعضاء الافادة لفواتير الماء هل تسأل عنها ولا ايهز
فواز القوفي January 19th, 2011, 12:00 PM
7 " تحيا وتدوم يادكتور
كلامك عن اليد العاملة صح بس وش علاقتها بفاتورة الماء
اتوقع ان البلا في شركة المياه عندهم ويمكن فيه شي يخليها ترفع اسعار الفواتير ...
بس وش هذا الشي او السبب اللي يخليها تهري البرتش كل شهر بفاتورة كنها مهر عروس مهوب فاتورة ماء
يمكن كلنا لاحظنا بالهوست فاميلي دايم يحرصون على الماء ...
حتى فيه عجوز سكنت عندها تقول لي لاتروش الا مرة بالاسبوع ولا تزيد عن عشر دقايق
والتواليت (الله يكرمك) تقول لا تعلق على السيفون ...
وش هالحاله .. شوي وتقول خلك وسخ وراح احبك حب عظيم
مبتعث في زحل January 19th, 2011, 01:11 PM
7 " لا وابشرو بهالخبر الحلو .. جتني رسالة من شركة الكهرب تقول انهم رفعو التسعيرة حقت قراءة العداد وجايبين كتاب مقسمينه .. اللي فهمته انهم زادوا الغاز 2% والكهربا 8.9%.!!!
الله المستعان ..
الشلباق January 19th, 2011, 05:33 PM
7 " تو كنت بسال عن قيمه الماء
الله يعين .
املي كبير January 19th, 2011, 05:48 PM
7 " 
LinkBack URL
About LinkBacks
January 19th, 2011, 02:58 AM
ودي اعرف ياجماعه ليش الماء وفواتير الماء غاليه في بريطانيااللي مستغرب منه السماء تمطر عليهم صبح ومساء
حتى اني صرت اشك ان السحب تمطر عليهم واذا وصلت البحر ديورت وجت تمطر عليهم مرة ثانيه
واظن والعلم عند الله ان فيه كم سحابه ماسكين بريطانيا شفتات تمطر واذا خلصت راحت البحر تغرف ثم جت تصب عليهم
ومع كثرة المطر الماء غالي ...
ليتها على المطر ,,, لا وبكل مدينه نهر وش عرضه وتحيط فيهم بحار ومحيط ...
احس انهم مايستفيدون من توفر الماء حولهم عشان يحلون هالمشكلة
سألت الشايب بالهوست فاميلي حقي
وقلت له حنا بالسعودية اغلبها صحراء والماء مايتوفر بكثرة ومع ذلك فواتير الماء ارخص من هنا
قال يمكن السبب يرجع في معالجة وتصريف المياه وقال قصه طويلة عريضه ومافهمتها
اتمنى يوم من الايام اعرف السر من غلاء فواتير الماء .. !