مكتب مرزاي

من راي انك ماتتعامل مع المكاتب الخاصه في السعوديه لانهم الاغلب نصابين
ولكن اتجه نحو الشباب
طبعا ماراح يقصرو معاك
الجامعات تعطيك قبول لغه وقبول جامعه بس انت اش تخصصك ؟ ماستر؟
وضح اكثر
لكي يرد على أسالتك (الشباب ما يقصرو معاك)
اتمنى لك التوفيق والنجاح الدائم

شمالية ما تحتاجين مكاتب ابدا .. حددي المعهد والجامعة ثم من موقعهم تعبية الطلب ويرسل اونلاين

ولا يكلف شي ابدا ولا يحتاج اي مبلغ كل الشغلة ان اوراقك تعملينها على صيغة pdf وترسل مع

الطلب.. اذا صعب عليك استمارة او شي اكتبيه... ثلاثة اسابيع ويجيك الرد... بالنسبة للضمان المالي مع كثرة الابتعاث الجامعات

البريطانية عرفت ان السعوديين يجون مبتعثين واكتبي في الطلب انك على حساب العمل..وجربي اذا

بغوا شي ممكن يرسلون ايميل للاستفسار...

مشكورين
يعطيكم العافيه
باصبر ع المكتب اسبوع
واشوف وش يصير معاه
ادور قبول ماستر

حبيب اكتب المعهد والمدينه وكل شي تبيه
و راح يجيك قبولك وببلاش
مكاتب السعوديه يا خذون فلوس على لا شي
بالتوفيق

الله يجزاكم كل خير
بس بسألكم وان شاءالله ماتقصرون والله يكثر من امثالكم
بخاطب الجامعة نفسها واتاكد منهم اذا فعلا المكتب قدملي عندهم بس وش صيغة الايميل وا اذا احد عنده طريقة ثانيه لايبخل علينا

هلا خيتو ,,,,,
بالنسبه للجامعه اعتقد والله اعلم حتقلك ارجع للأيجنت
فأنتي ارسلي اوراقك للجامعه وقولي لهم ابي ادرس عندكم
فاذا اسمك موجود عندهم قبل حيقولوا لكي ارجع للمكتب
واذا مو موجود حيسجلوكي

أتوقع لو تقدم عن طريق الأون لاين ويكون مقدم لها عن طريق المكتب يلغوا الطلب.
بس من رأيي اسألي المكتب عن رقم الطلب في الجامعه اذا قال ما فيه فأتوقع نصاب ما قدم واذا عطاك الرقم اذا تعرفين أحد يدرس بالجامعه أو تكتبين هنا اللي يدرس بالجانعه الفلانيه وتعطينه الاسم وتاريخ الميلاد ورقم الجواز ورقم الطلب وهو يتابع الموضوع ويسأل.
أنا حصل لي زي كذا وقلت للمكتب عطني رقم الطلب واعطانيه وراسلت واحد هنا الله يجزاه خير وعطيته المعلومات بس جامعه ثانيه ومكتب ثاني ما هو نفس مكتبك وتابع الموضوع الين ما طلع القبول.

مشكوريين ماقصرتوا
مانستغني عنكم
الله يوفقكم يارب

السلام عليكم

انا معروف لمكتب مرزاي وعارف اذا شافو الموضوع راح يعرفوني

طبعا جيتهم في تاريخ 10/8/2011 و كنت اعمل في الرياض وقلت لحسن موظفهم اني ابي قبول مشروط من بريطانيا او استراليا او امريكا و عبيت في الاستماره الدول اللي ابيها طبعا في الفاتورة كتب التالي


رســــوم قبــــول ماجستـــير من (((( بريطانيا او استراليا )))) .


وقالي ادفع 1500 ريال الان هاذي رسوم قبول

طبعا بعد مرمطه معهم و كذب من الشباب اللي واحسبو التاريخ ومن كثر ما طولت طفشت صرت اقدم بنفسي وغيرت وظيفتي و طلعت خارج الرياض و جبت درجة ILETS

قبل أسبوع 31/1/2013 كلمني حسن وقال حصلنا لك قبول قلت الله يبشرك بالخير

رحت لهم قال انا متأكد راح نحصلك قبول ومن الكلام الفاضي حقهم كالعاده الزبده عطاني الاستماره اللي عبيتها اول وزايد عليها 1900+600 قال هذي رسوم البريد و التعب حقه ولا سلمني ورقة القبول المشروط

طبعا عرفت ان دراهمي ماهي راجعه لأنه مافي حماية من هالاشكال والمشكله معهم موظف سعودي لا يهش ولا ينش يجلس في المكتب

لكن ربي موجود وين يروحون حسبي الله ونعم الوكيل عليهم

وبالعربي اللي يبي يقدم ويبي قبول ما يبيلها اختراع و المكاتب هذي ما هي الا فورم ايميل جاهز ويرسلونه و حط اوراقك في سكنر و ارفقها

و ماحك جلدك كما ظفرك