البحث عن مبتعث

بالتوفيق وان شاء الله تلقيني الزوج الصالح

ياجماعة اختنا الكريمة ماطلبت شي حرام ويا بخت مين وفق راسين بالحلال وموقع مبتعث بيكون صاحب البخت

على العموم يا اختي الكريمة انا ادعيلك بالتوفيق وانشاءالله تلقي ضالتك كما اني اقترح على الملحقية ان يكون لديها قسم خاص للشي ذا مو عشان يشتغلوا خطابين

لكن عشان البنات الي انضلموا بسبب ماقدروا يبتعثوا عشان ماستوفوا شروط المحرم وللبنات حق الابتعاث مثل الشباب

فانا اشوف ان موضوعك عادي وانشاءالله يرزقك بالزوج الصالح

السلام عليكم :
اول شئ حاب اقولك إني تنطبق علي كل شروطك ولا بعد قايل لأمي الله يحفظها تدورلي بس لي تعليق على ردودك وياليت تأخذينها بصدر رحب
حسيت انك منفتنه بالإنفتاح اللي عايشينه بالسعودية وياخوفي انه يأثر على دينك
ثاني شئ احس انك تعتقدين ان الابتعاث هو احسن شئ بالعالم لأني انا كنت كذا
وعلى فكرة ومن واقع تجربه اتمنى اني ما اغتربت واني افضل اني كملت دراستي بالسعوديه
اكتفي بذلك
( اتحداك يا طلال 2010 تلقى اخطاء إملائيه ..... قاهرني هههههههههههه )

نايف هههههههههههههههههههههههههههههه موتني ضحك على طلال وع عاد يارب مايجي ويتفلسف وجع ...


تعليق على العروسة يارب يوفقك .. صدقيني لو جيتي بعريسك هنا راح تكرهي اليوم اللي جيتي فيه والله لاتحسبي البعثة هناء وفرفشة بالعكس هم وغم وتعب لدرجة تجيكي ايام راح تكرهي زوجك والله ..

انا بادعيلك انه الله يرزقك بابن الحلال اللي يقدرك ... على فكرة تقدري تكملي دراستك بالسعودية والله افضلك واحسلك وان حبيت موضوع السفر روحو شهر عسل اللين يطلع اللي في راسك افضلك من مرمطة الدراسة اسئليني والله ياشوفنا المر


لاتغتري بغيرك وكلامهم المعسول عن البعثة لكل شيء وجهان وجه جميل وهو القليل ... ووجه صعب ويمكن يكون بطعم العلقم ...

تحيتي لك

الله يجزاك خير وماقصرت
وصادق بكل كلمه قلتها اكيد
ولا هي اخر الدنيا ولعلها خيره
الحلو الانسان يكون طموح عنده اراده يبحث عن هدفه دام هناك طرق يبحث عنها
ليه اكون انسانه سلبيه ولا اكمل طريقي وحلمي
يمكن ربي كاتبها لي لكن انا اللي ابحث عن نصيبي مو هو اللي يبحث عني

لكن مو اجلس واقول ربي ماكتبها
انا كان ممكن اني اروح واجلس هناك لحالي بدون محرم
لكن بعدت عن الشيء الحرام وجلست ابحث عن حل يفيدني بدنيتي واخرتي

بعدين المنتدى هذا منتدى يحمل ناس كبار مثقفين متعلمين وجهة نظرهم تكون عميقه مو سطحيه
يتفهمون هذا الموضوع
لانهم ناس جربو الثقافتين الاسلاميه السمحه والاجنبيه فمهما كانت اكيد بتكون لها اجابيات
وبيدمج هالحضرتين مع بعض

ارجع اقول لله الحمد مو نقص فيني اكتب هالموضوع يجوني رجال حلال لكن مايكونو طموحين او يبون هذا الشيء
وانا انسانه لا اطلع ولا اجي ولا في احد من مجتمعي سن زواج لاني اكبر الاهل

الله يعطيك العافيه اخوي وماقصرت

الله يجزاك خير والله كلامك ريحني كثير واسعدني ان في احد يفهمني
واكيد مراح اضحي بعمري الباقي عشان بعثه ولا دراسه
كلها فتره سنتين او 3 ثم بعدين مراح يبقى معي الا زوجي
فانا ابي الاستقرار اكيد ثم الابتعاث
ويشهد علي كان ممكن اشوف لي حل غير الزواج لو اروح لحالي
لكن مهما كان شيء مكروه وحرام اصير لحالي هناك
ومهما كان الوحده بالغربه تحتاج احد جنبها يوقف معها بتكون بعيده عن اهلها مالها الا هالشخص
مع احترامي للاهل من اخ او اب لكن بيكون وضع الزوج غير
سكينه واستقرار واحتواء والاشياء الحلوه بالزواج وانتي تدرسين برا قربك لزوجك وقربه لك لان ماله الا انتي ولا لك الا هو لا اهله ولا اهلي معنا
بيكون هناك ارتباط اقوى وتمسك كل واحد بالثاني تجربه حلوه يمرون فيها المتزوجين بالغربه
صحيح لها ايجابيات وسلبيات
لكن الانسان الناجح يشوف الايجابيات اكثر ويطمح ان يحققها

الله يوفقك عزيزتي ويسهل الامور باذنه

الله يعطيك العافيه اخوي والله يعطيك بمثل دعوتك يارب
الشرط اللي حطيته والكل على عيني وراسي
لكن اكون واقعيه انا اشوف كل الناس واحد
ولا يميز احد عن احد الا بالتقوى

لكن نرجع ونقول حنا في مجتمع يحكمه عادات وتقاليد ولا اقصد هالشيء لاني ابي هالشيء
لكن اهلي من ضمن هالمجتمع وتعني لهم هالشيء
والرسول بحديث له قال فيه

( تنكح المرأة لأربع مالها وجمالها وحسبها ودينها )

وواكيد جانب الدين والاخلاق ضروري وجدا بعد

الله يعطيك العافيه

الله يعطيك العافيه
من جد انبسطت كثير من ردودكم الاجابيه وصراحه كنت متوقعه العكس

ماتقصر اخوي وتاكد انك لك مثل هالدعوه عند اللله
من ناحية شرطي انو قبيلي انا ماتفرق معي
لكن نرجع ونقول المجتمع والعادات والتقاليد
ويضلون اهلي من هالمجتمع يعني حتى لو تقبلو هم الفكره اللي حوليك مايخلونك بحالك
حتى ممكن يتكلمون بشرف الوحده وبيقلون ايه اكيد غلطة معه واهلها يبون يسترونها
ايه جد توصل لهذه المرحله
المشكله بمجتمعنا انه مزاجي ياخذ اللي يبي من الحضاره والثقافه واشياء يرفض انه يغيرها
ياما بنات تزوجو ازواج مختلفين تماما عنها من ناحية البيئه والعادات واهلهم رفعو قضايا للمحاكم وجات من صالح الاهل ويتطلقون
يعني شيء موجود بالاسلام والناس الى يومك هذا متمسكين فيه
اللي هو ان يكونو متكافئين بالنسب
انا ماتفرق معي لكن عند اهلي ايه
وانا ماكتبت الموضوع الا جاده وابحث عن شريك اقتنع فيه 100% واكيد اهلي يقتنعون فيه
وانا كمان مو ملاك منزل من السماء يمكن ماعجبه ولا اعجب اهله كل واحد له نظرته وذوقه

وارجع اقول حديث الرسول صلى الله عليه وسلم
( تنكح المرأة لأربع مالها وجمالها وحسبها ودينها )

الله يجزاك خير جدا احرجتني بذوقك وكرم اخلاقك
وكلامك جدا منطقي
ياجماعه البيوت مليانه بنات فيهم الطموحه النتعلمه وفيهم ربة البيت السنعه وفي وفي
مااحد يدري عن احد ليه نشوف الموضوع بسلبية
دام انا ماسوي شيء حرام وقدام الناس والغرض الاساسي حلال وزواج شرعي

الله يعطيك العافيه

الله يعطيك العافيه اخوي وماتقصر
من ناحية التفتح نجي هنا كل واحد له تعريف خاص بالتفتح فممكن انا اشوف وحده تدرس برا متفتحه ممكن انت تشوف وحده لابسه عبايه على الكتف متفتحه
ممكن روح السعودية تشوف وحده تتكلم عن الثقافة الاجنبية وايجابيته واخذ الاشياء الكويسه ودمجها مع الحضاره الاسلامية متفتحه فنفس المصطلح هذا عند كل انسانه له مفهومه الخاص

اشوف نفسي معتدله بين الانفتاح والتمسك واعرف ايش الصح وايش المعقول والمقبول اجتماعين واللي لا
لان المجتمع ايش هو عباره عن مجموعة افراد تعيش بنطاق واحد تحكمهم عادات وتقاليد وحده واي انسان يطلع عنهلا يكون منبوذ
حتى لو كانت افكري صح بس تخالفهم اكون مرفوضه فالانسان الذكي اللي يكيف نفسه بين اللي يبي واللي يبيه مجتمعه
ومهما كان الانسان بطبع اجتماعي ولا يحب الانعزال
من ناحية الغربه انا مااشوف حلم او مغروره فيه انا اسافر واجي برا كثير وعارفه العالم وكيف طبيعة العيش واكيد الدراسه مو سهله شيء طبيعي
يعني في حملين حمل التخصص وحمل اللغه
وباذن الله اني قدها لان طموحي اكاديمي وليس مهني هذه الفتره خصوصا اول 3 سنوات او 5 من حياتي حاليا
اريد ان احقق نفسي وذاتي واطمح للدراسه لنفسي ليس للوظيفه او مكانه اجتماعيه
واكيد لها سلبيات الغربه لكن مهما كان لها ايجابيات
والغربه مع الزوج غير عن الاب والاخ
يكون هناك قرب وسكينه استقرار راحه سند بمعنى الكلمه
تقرب الزوجين من بعض لان مالهم احد الا بعض بعيد عن الاهل والاقارب تعرفهم على بعض اكثر
ويتحملون المسؤليه مشتركه مع بعض

يعني انت الان تبحث لانك تدري تحتاج الى سند ودعم هناك خصوصا انشار الفتن والمتع بطريقه كبيره وطريق الحرام صار اقرب واسهل كثيرر والواحد يبي يقاوم هذا الشيء

الله يكتب اللي فيه الخير والبركه لي ولك ولجميع المسلمين