كلمة حق تقال في د/ هشام عبد الرحمن خدراوي

..


والله يابنت الحلال كل شخص له تجربه خاصه
وهذا مو معناه أنه الغير فيهم نقص / لكن مثلك عارفه الكمال لله سبحانه ..


عموماً /
الحمدلله على حّل مشكلتك ,’
والله يكتب اللي فيه خير للجميع ..

..

هذا الدكتور طيب وأخلاق ويعالج مشاكل البنات فقط اقصد كل الطلاب المبتثعين ( معروف بالملحقية )

الله يوفقه في جياته ويسهل اموره

الله يوفقه في حيــــاته ويسعده ويسهل امــــــــــــوره كلها يارب

اكتفي بالدعاء له في ظهر الغيب افضل من الكتابه لان فيه البعض ماساعدهم الدكتور وتذكروه وسبوهـ .. وش كسبتي اذن من الموضوع..

بالتوفيق

لولا الله ثم هذا الرجل لكآنت آموري في خبر كآن ... الله يوفقه وين مآكان وييسرله اموره ..

:

يآ فلان .. لا تسوي نفسك كونان كاشف الحقيقه وتتفلسف علي راسنا .. ذا الناس يمين بالله ماتفهم .. من يوم ماشاركنا بذا المنتدي وحنا نرقع بذا الاوادم !! وش تقصد بحل مشاكل البنات فقط؟ .. تسمع بالضرب تحت الحزآم يآ باشا؟

ايوه والله
وانا واحد منهم == ولكن ما ابغى اتكلم عليه لان بصراحه ما اعطاني وجه

احترما وتقديرا للاعضاء المتواجدين في منتدى مبتعث
الحمد الله على كل حال

طبعا نقول للمحسن احسنت وللمسئ اسئت

يشكر هذا الشخص لما قدمه لصاحب الموضوع والله يكتب له الاجر

ولكن ؟

لماذا نرى من يقوم بعمله انه خدمنا خدمه كبيره وانه افضل الناس

هذا يدل على ان المقصرين واللي ما يخافون الله كثير

السلام عليكم

والله انا ما شفت منه خير ابدا و مستفز و لا يعرف شغله ولا أنظمة الجامعات في بريطانيا و حقود و غيار هذا طبعا من تعاملي المباشر معاه و ضرني كثير بسبب فلسفته اللي مالها داعي

لكن يتعامل مع البنات بنعومه مره و أدب , و مره على باله انه بيصرفني على الملحق و يوم طلعت للملحق خمس دقايق وانا جاي بالموافقه و مع ذلك حاول يعقدني لكن غصب عنه مشيت المعامله و الان انا ناجح بفضل الله سبحانه و تعالى ثم بسبب دفعة الملحق لي و موافقة السريعة لطلبي .

ياليت يبطل الفلسفه و يقدم حسن النيه اولا ولا يعامل الطلاب كلهم على اساس مجموعة فاشلة سبق ان تعامل معهم .

و الان بدأت الفلسفه في موضوع ترقية البعثة .

الله يوفقنا و اياكم و انتم طلبتو كلمة الحق , و ما قلته ما فيه شي غريب نحن بشر و كل منا لديه ايجابيات و سلبيات , لكن اذا تعلقت الامور بمصلحة الناس يجب عليه الحذر من دعاء المظلوم .

والله الموفق

السلام عليكم ورحمه الله وبركاته

لو ادري انه الموضوع بيصير كذا وصدق من قال ادعي للي ساعدك بظهر الغيب خير من كتابه موضوع

بس تمنيت انه اللي عنده مشكله يمكن يتصل عليه يحل له المشكله

وعلى فكره اللي يقول يتعامل مع البنات فقط ... ترى مو كل مره اتصل انا مره اخوي كمان ..

انا قلت كلمه حق صارت لي وبس واشكر كل من علق والانسان اكيد بيغلط ...

على العموم لو الموضوع بيكبر اكثر من كذا ويصير كلام يسيء فياليت من المشرفين حذف الموضوع

وعلى فكره الرسول صلى الله عليه وسلم قال اذكروا محاسن موتاكم >>>واغلب الناس ماتذكر الناس بالخير الا بعد الموت

ولا تسامحه على اغلاطه الا لمن تسمع خبر وفاته ...

قدموا الخير تجدوه واحسبوها عند الله