استفسار هل مدينة نوتنجهام خطرة ؟؟

وعليكم السلام والرحمة
هلا وغلا شباب قطر كلهم

مافي داعي للخوف الدراسة بالخارج == بالعكس تتعلم وتستفيد اكثر من الغرب ولكن يضل ديينا مستمك به,


مدينه نتقهام , ليس لدي اي خلفيه لكن اتوكل على الله
بريطانيا وكل مدنها متوفر جميع الخدمات ,
نظام مدن بريطانيا من الساعه تسع الصباح الى خمس او ست المساء دوام عمل , زي المدارس , محلات , المطاعم... ماعدا مدينة الضباب ( لندن ) ليل نهار= الناس رايحه جايه نفس الوقت

ولكن اتمنى من الاعضاء ان يفدونك اكثر واكثر على المدينة


اتمنى لك التوفيق والنجاح الدائم

هلآ فيك ي آلغآليّ ..
أدريّ بس تعرفِ هي 4 سنوآتِ مو شويّ ..
بس ربك بيعينِ وبنقدر نسوي كل شيءّ إن ششاء الله ..

بس تعرف أبي أعرف عن آلمنطقة أكثر عشان يمكن مو أمآن ..
لآهنت أخوي عآلمسآعدة آلله يقويك يآرب ..

بأنتظآر آلبقية ..

وينكم صرآحة أنآ حيل متوترِ ..
عالأقل ريحونيّ وجيبوا لي معلومات عنهآ ..
الاماكن الي فيه السكن والشقق المطاعم الحلال ..
معلومات تحسون بتفيدني في سفرتي ..

وعليكم السلام ورحمه الله وبركاته

أهلين وسهلين أخوي الله يوفقك يارب بدراستك وترا مافيه شي صعب توكل على الله وربك بيسهلها

انا صراحه شفت اسم المدينة وقلت لازم ارد عليك وما أبي أخوفك أنا أدرس بمدينة ليدز والحمد لله كل شي متوفر ومدينة حلوه وكبيرة

بالنسبة لنوتنقهام أنصحك تبعد عنها ما أقولك الكلام هذا الا وانا متأكد انا فكرت أجيها سنة 2008 لكن الله ماكتب وبحثت عنها بالنت صراحه لقيت كلام يخوف

وقبل أسبوع تقريبا تأكدت من معلومة ان المدينة مو حلوة وفيها شوية عنصريه بعد كلام المدرسة الانجليزية اللي تدرسني بالمعهد أنها أخوها كان ساكن هناك وتعرضت شقته للسرقه 10 مرات

وبعدها والله بكم يوم واحد من أصحابي اتصل فيه واحد ساكن بنوتنقهام ومعاه أهله مبتعثين للدراسه ويقول أهلي مره متضايقين بسبب العنصرية ودايم يتعرضون لمضايقات

أخوي ترا هذا مو يعني بريطانيا مو حلوه و فيها عنصريه بالعكس انا مرتاح وأحس بأمان ولا فيه شي يخوف بس حبيت أخبرك عن المدينة وهذا واجب علي

فيه مدن كثيره حلوه مانشستر ليدز مدن الجنوب حلوه وفيه ويلز حلوه والكثير مدينة يورك حلوه لدراسة اللغة والسكن لمرحلة اللغة والجامعة حسب القبول حقك

بالنسبة للسكن حسب شخصيتك تحب تاخذ راحتك وتسكن بشقة لحالك أو عادي تكون في سكن الجامعة أغلب الشباب يسكنون برا وممكن فترة اللغة تسكن مع عائلة أفضل

وعسى الله يوفقك وان شاء الله الاخوان ما راح يقصرون معك

هلآ وآللهِ ..
حتى انآ خآيف حيل بس آلمشكلة أعتقد أن خلاص أنقبلتِ هنآك ..
بس وش أنا قدمت على ليدز وابي أدرس فيها لكن للآسف معدلي فالثانوية يأثر 78.5 ..
مع العلم أن دخلت معهد عندنا مثل السنة التأسيسية وقوي مرة وجبت A والايلتس 5.5 يعني أوكي ..
اتمنى من كل قلبي انك تقدر تسآعدني مع قبولي عندهم انا الي ردت علي أسمها كرستين من مكتب القبول ..
يعني لو تقدر تسآعدني وتحاول تكلمها ومن هالشيء مع العلم اني جداً مجتهد وشآطر ..


1- عندي كم سؤآل ..
الحين لو انا انقبلت وخلاص ملفي صار في نوتنقهام ..
ما اقدر اسحب ملفي او انقل لجامعة ثانية او تصير مششاكل ..

2- وبعد على قولتك ليدز حلوة واعتقد تبعد ساعه ونص بالقطار من نوتنقهام ..
لو سكنت بـ ليدز أو بيرمنقهام ودرست بـ نوتنقهام تنصحني بهالشيء دامك تقول المنطقة تخوف ..
وهل تكلفة القطار حيل غالية لو بروح 5 أيام اسبوعياً روحة وردة ..
واذا لآ ليش أتمنى ترد علي بأسرع وقت ممكن ..

اخوي انت بتدرس لغه وبعدين جامعه او ايش ياليت لو توضح لي اكثر

وسالفه ان تنقل ملفك مو صعبه ولا شي ولا هي مستحيله تقدر ان شاء الله

وهل طلعت فيزا او لا اذا ما طلعتها عادي تجيب قبول جديد وتقدر على الفيزا

لكن اذا فيزتك طلعت وخلاص معاك لازم تجي وتدرس فترة وتغير المدينة والمعهد والفيزا طبعا و اتوقع دام معك أيلتس 5.5 امورك بتتسهل اكثر ان شاء الله


واذا بتسكن بمدينة ثانية وتداوم يوميا اشوفها متعبه واريح تكون بنفس المدينة افضلك لو المسافه 20 دقيقه بين المدينتين سهله بس ساعه ونص كثير اشوفها


الله يوفقك يارب وان شاء الله اقدر افيدك باللي اقدر عليه

المدينة كنت بدرس فيها لكن حصلت معلومات انها مو تمام من حيث الامن بالاضافة انها مدينة كئيبة

ومع هذا فيها جاليه مسمله كثيره وفيها عرب

تقدر تغير المدينة حتى لو قبلوك وارسلوك القبول المهم طلعت فيزة على القبول او لا اذا لا دور قبول ثاني

بالتوفيق

لآ أنا بروح للسنة التأسيسية موب لغةِ ..
لآ مآطلعت آلفيزآ للحين والله ..
زين أنت وشش رآيك وش آلمدن القريبة من آلمنطقة ..
وتكون منطقة أمان وفيها ناس كثيرينِ ..
أنتظر ردكِ أخوي آلعزيز ..

هلآ أخوي آلعزيز ..
حتى انا قريت عنهآ أنهآ خطرة وفيها عنصرية وكلآم يخوفِ ..
وانا ماني دارس كم شهر وخلاص بدرس فيها فترة ..
لا للحين ماسويت الفيزآ ..

---


عندي أسئلة ي ليت تفيدونيّ ..

1- انا أبي قبول في واحدة من هالجامعات آلثآلثة [ بيرمنقهآم - ليدز - مآنشستر ] ؟؟
انا خايف ومتردد من هالشيء لان نسبتي في الثانوية نازلة قريبة من الثمانين ؟؟
كنت أكلمهم من أيام وماردوا علي وانا خايف من هالششغلة .. ؟؟

2- وش رآيكم في المدن الثلاثة [ بيرمنقهام - ليدز و مآنشستر ] ؟؟
فيه أحد يقدر يسآعدني ويجيب لي قبول منهم ويكون صلة الوصل بيني وبينهم ؟؟

3- لو ما قبلتني غير نوتنقهام أفكر أني أشيل فكرة الدراسة من بالي لان المنطقة خطرة
ولا لا اروح واردس واتحمل مع العلم أني ما اعرف أي أحد هنآك ورآيح بروحي ؟؟

ي ليت مسآعدتكم ألي ردودكم بأقرب وقت عشآن أقرر ..