استفسار تكفوون ساعدوني ابي اخذ دووورة شهر واحد ببريطانيا ولا اعرف شلون

اخواني لقيت معهد وراسلتهم ومافهمت شي بس ان شاءالله بحاول معهم
regency college

هذا هو
وسعره للاسبوع الواحد 75 للدراسة بالضهر من 12 الى 5 وش رايكم بالسعر ؟
شفت انه ارخص شي
ووبرايتون

وش رايكم اتووكل على الله بس وانا ابي اتعامل معهم مباشرة تكفون وش الطريقة للي عمره جرب لاني اراسلهم ولا افهم بالضبط ولا ودي اغلط
الله يعطيكم العافية

بخصوص المعهد ما عندي معلومات عنه

لكن اخوي اغلب المعاهد الافتر نون يبدأ من 1.30 الى 4.30 ( 12 الى 1.30 فترة غدا ) اذا هذا فهو جدا غالي

لكن اخوي الافضل تاخذ من الصباح الى 12 زبدة الدراسة في المعهد تاخذها من الصباح الى 12 بعده الافتر نون يكون جنرل انقلش مايكون فيه شرح قواعد .. الخ يعني بالمختصر يكون دراسة اي كلام ويضطر السعوديين يدرسونه عشان الملحقية تطلب 21 ساعة

اهاه طيب اذا هذا المعهد جدا غالي وش فيه من معاهد تنصحني اشوفها ؟ ارخص من كذا


لاني ماتوقعت ابد القى بهالسعر واكثر المعاهد الي لقيتها اغلى بكثثثثثير من هالسعر

وهم كاتبين بموقعهم انه نفس الدورة ومادري بامكانك تشوفها هينا Regency College Language School, Brighton : Prices

والله يعافيك اخي واذا تعرفون معاهد رخيصه وحلوه عطوني اياها اراسلهم

والله يا حبيب اخوه ما ودي احطّمك

بس اتوقع شهر مو مستاهلة خسارة و و و و مدري اذا بيشاطروني الاخوان الرأي او لا

بس بنسبة 80 % ما بتساوي الفائدة ولا تتعدى 5 % كحد اقصى

يعني لو تقدر تسحب رمضان هنا ممكن تستفيد

اذا مصرّ على الجيّة ابرسل لك رقم شخص بيفيدك كثير مع العلم انه في ( بورنموث )

الموقع هذا يقول لك فيه كورس AM 15 يعني صباحي لمدة 15 ساعة في الاسبوع ويكلفك لـ4 اسابيع 420 باوند للشخص

ويقول لك فيه كورس PM 15 يعني مسائي لمدة 15 ساعة في الاسبوع ويكلفك لـ4 اسابيع 300 باوند للشخص

ويقول لك فيه كورس AM 20 يعني صباحي لمدة 20 ساعة في الاسبوع ويكلفك لـ4 اسابيع 520 باوند للشخص

ويقول لك فيه كورس PM 20 يعني مسائي لمدة 20 ساعة في الاسبوع ويكلفك لـ4 اسابيع 400 باوند للشخص

طبعا AM = من 9 الصباح الى 12
PM = من 1 الظهر الى 4

وتصنيف المعهد حسب الـ British Council هو 275 من 400 معهد, وعدد نقاط التقييم 0 من 9

من رأيي انه غير مناسب

مشكوور اخوي والله يعطييك العافية
طيب اسف اني بتعبكم بكثر اسالتي بس لان الموضوع جديد علي
مو مناسب عشان ايش ؟ السعر او كيف
وانا للمعلوميه المعهد بحاول ادور اقل معهد تكلفة لاني لغتي شبة كويسه يعني بس احتاج لهالشهر درس خفيف بالمعهد وممارسة اللغة مع العامة يعني

وياليت لو تقترحون علي معاهد رخيصه الله يخليكم ويوفقكم ان شاءالله والي تقول معك رقمه يساعدني كيف يساعدني باي شي يعني ؟

وياليت لو تقترحون علي مدن يعني لاي مدينة تنصحوني ؟

اولا خسارة مادية .

ثانيا انت بتجي في وقت العرب اشبه ما يكونون مستحلين بريطانيا خاصة في ظل الظروف الراهنة في مصايف العرب ( لبنان , سوريا , مصر , الأردن , البحرين , تونس , .... الخ )
يعني بيكون العرب اضعاف ما كانوا عليه في السنوات الماضية بتلقاهم في كل جحر عشان كذا حطيت لك حد اقصى 5%.

ثالثا المدن تقريبا تختلف ولكن عندك لندن ومانشستر وبرايتون وكامبريدج تلقاها متكدّسه بالعرب بدرجة كبيرة جدا.

رابعا المعهد ممكن تاخذ ارخص شي ولكن ممكن تتفاجئ يسوون لك اختبار تحديد مستوى وتطلع النتيجة اسوأ من توقعاتك وتضطر تنزل للمستوى المبني على النتيجة على كذا بيروح عليك الشهر في هذا المستوى.

يعني حاول تاخذ الموضوع من ابعاد كثييييرهـ.

اي خدمة تحت امرك

اهاه مشكوور بس تقريبا انا مصر للذهاب تقدر تقول

وبعد اذنك اقترح علي معاهد اذا تعرف :$

ومآآآآآآله

خلاص اصبر لي خلال فترة وجيزة اجمع لك كم معهد مصنّفه كويساً

التصنيف 6 من 10 :
Lake School of English, Oxford
English Language Centre, Bristol

التصنيف 5 من 10 :
St Giles, Eastbourne
English Study Centre, Colchester
English in Chester, Chester
English Language Centre, Hove

التصنيف 4 من 10
Eastbourne School of English, Eastbourne
Language Specialists International, Portsmouth
Park House Training, Hyssington

هذي اقدر اقول لك انها من افضل 50 معهد في بريطانيا وكلها في مدن قليل العرب فيها
ابحث بالاسماء في قوقل وشف الاسعار وقرر اذا المناطق ما ناسبتك وتبي مناطق حيوية وسياحية زي لندن ومان و و و على راحتك
بس على قولتهم (( العوض ولا القطيعة )) على الاقل تستفيد هالشهر اخيَر من مقابلة العرب

تحياتي