استفسار تكفوون ساعدوني ابي اخذ دووورة شهر واحد ببريطانيا ولا اعرف شلون

http://www.mbt3th.us/vb/forum66/thread68941.html

رابط المعاهد المعترف بها..راسلهم و شف كم اسعارهم بالصيف..الاسعار دايم بالاسبوع..واذا اخترت معهد هم يسألونك عن السكن..فيه معاهد توفر لك السكن مع عوائل او سكن مع طلاب..بعد ما تجمع المعلومات..ابدا باجراءات الفيزا..و لسة عندك وقت..

مشكوورة اختي طيب اراسل المعهد قبل واذا كنت مابي سكن مع عائلة ولا طلاب ابي انا احجز سكن اقدر ؟ لي انا واخوي
وكم تتووقعون تكلفنا السفره كله تتوقعون انا واخوي اذا درسنا بارخص معهد تكفينا لـ 4 اسابيع 15 الف ؟

وابي الخطوووووووات تكفون على شكل ارقام
يعني 1 طلع جواز
2 اراسل المعهد ( مع ذكر الطريقة )
3 كذا

يعني هذا مثال
ومتى احجزز التذكرة ؟ لاني خايف يروح علي الحجز تعرفون الحجوزات صعبه هاليومين

1-احجز على الخطوط البريطانية أو BMI لان تقدر تحجز بالتلفون و تقص التذاكر بعد فترة هم يحددون لك متى اخر يوم.
2-اختار المعهد في أي مدينة (طبعا لندن غالية جدا من ناحية السكن شوف نيو كاسل يمدحونها مرة و اسعارها معقولة).
3-راسل المعهد و اعطيهم تاريخ وصولك و تاريخ بداية الدراسة و كل المعاهد تبدأ كل يوم اثنين من كل اسبوع. يعني اختار تبي تبدأ في اي اثنين.
4-على بال يردون عليك دوّر على سكن مناسب في البلد اللي قررت تروح لها و الافضل تكون حول المعهد.
5-بيردون عليك و يعطونك الاسعار على حسب الكورس و الساعات اللي بتاخذها.
6- رد عليهم بالموافقة او الرفض و اتفق معهم على طريقة الدفع.
7- بيرسلون لك الاوفر و الفيزا لتر. ابدأ باجراءات الفيزا و هي Student Visit ابداً ما تاخذ وقت 5 ايام كحد اقصى.

هذا اللي عندي و اكيد الزملاء و الزميلات بيفيدونك اكثر.

الله يوفقكم و يسهّل دروبكم..

بارك الله فيك ليونا

اخوي قبل كل شي طلع جوازك هالايام .. لأنه بياخذ وقت على ما تجدد بطاقة الاحوال ثم تستخرج الجواز
فانتهي منه اول شي بعدها تكون جمعت معلومات وتراسل االمعهد

الله يوفقكم

اخوي احذر من نصب مكاتب القبولات .. استهلاك فلوس وتضييع وقت .. انت اسأل واستفسر وش احسن معهد واختر المعهد وراسلهم بنفسك ولو احتجت اي مساعده في اللغة او الصيغة
لاتتردد ارسلي خاص لأني ما اشيّك على المنتدى يومياً ..

مشكوووووورين والله يعطيكم الف عافية

يعني اول شي اروح اليوم ان شاءالله صباحا وابدا معاملة الجواز وتبيلها يمكن خمس ايام مع البطاقة الجديده
وبعده وش اسوي ؟ بعده احجز طيران لبريطانيا او اكلم المعهد لاني لقيت معهد كويس سعره رخيص Regency College هذا اسموه ببرايتون او زي كذا

وجد والله ماقصرتو يعني اهم شي معي وقت ماراح يروح علي شي ان شاءالله ؟

المشكله تجديد الاثبات يبيله اسبوعين .. الا اذا كانك تعرف احد يخلصه لك بسرعه

والجواز يبغاله يومين ثلاثه .. حاول تخلص الاثبات والجواز وبعدين قدم على المعهد لانهم لما تجي تسجل يطلبون منك رقم الجواز .. عشان كذا ماتقدر تقدم على المعهد وانت توك ماطلعت جواز

انت اهم شي مثل ماقلت لك حاول تخلص موضوع الجواز بسرعه يعني بهالاسبوعين وبعدين قدم على المعهد .. والمعهد ترى يقدر يدبر لك سكن مع عائلة او اذا تبي سكن الطلاب يعني لحالك بدون عائلة

وطبعا بعد ماتضمن وقت الكورس .. وبدايته روح احجز على الخطوط السعودية ( انا أشوف ان اسعارها مناسبة مرة بالنسبة للصيف ) .. وبعد الحجز وقبول المعهد .. ضبط الفيزا ماتاخذ وقت منك بس اهم شي قبول المعهد عشان تقدمه مع الفيزا ويعطونك اياها على انك راايح تدرس .

والله يوفقك ان شاء الله انت واخوووك ..

ياحبيبي انا اقولك اول شي تطلع جواز والجواز لما خرجتوو مااخذ مني غير يوم بس اذا بطاقتك جديدهـ البطاقه الوطنيه بعد كذا شوف نفسك تقدر تخاطب المعهد وتجيب قبول باسبوع وقبل القبول تجيب تذاكر طيران عشان تروح تحجز الموعد عليها وبعدين تروح تخاطب السفارة ولا القنصليه اذا قريب من جدة وتنتهي اوضاعك بسرعه يعني كل واحدهـ من هذا الكلام ماياخذ اكثر من اسبوع من ناحية الجواز تعتمد بعد اللله عليك ومن ناحية المعهد تقدر اذا انت ماتقدر تجيب قبول باسبوع في بعض المعاهد لها مكاتب وكاله بالسعوديه ماتاخذ منهم وقت مرا ابداً لو فلوسك جاهزهـ وانت جاهز من ناحية الوقت يعني تكون قاص التذاكر مو تقولهم وقت وبعدين ترجع تغير الوقت وتتعب نفسك وبعدين والمعهد يجيبلك القبول وقت ماتحول الفلوس قبل مايرسلوو خطاب السفارة المعهد تخلص الابليكشن وتاخذ موعد يدوك موعد بعد عشرهـ ايام تقريباً ولا كنسل بريطانيا كلهأ واتجه الى نيوزلندا نفس اللغة تقريباً واقل تكاليف تقريباٍ بشي بسيط و ومايحتاج فيزا بس قص تذاكر تحجز معهد من هنا ولا من هناك كلها واحد ويسمحولك بالدخول بدون اي شي يعني لما توصل المطار يختمولك وتدخل عادي وتدرس معاك فرصه ثلاثه شهور بفيزة سايح تدرس بعد كذا ترجع السعوديه وانا العام روحت نيوزلندا والسنه هذا رايح بريطانيا بس الفرق بين الدولتين ممكن بالطياران اتوقع بس على حسب خبرتي لكن من ناحية لغة لكن من ناحية جامعه فرق كبير بينها وربي يوفقك واي خدمة انا حاضر وانشاءالله ربي يكتبلك الي فيه الخير

الله يجززززاكم خييير
يعني لو بروح لنيوزولندا ارخص

واسهل يعني اقدر بس احجز تذاكر الطيران واسجل بالمعهد من هناك
وثانيا وش رايكم بواحد جاني رقمه قال انه يساعدني ويجيبلي قبولات من بريطانيا ومادري متردد اتعامل معه ولالا

وولقيت معهد ببريطانيا ريجنسي كولج كذا اسمه الاسبوع بـ 75 وش رايكم فيه دراسة وقت الضهر ببرايتون ووتوقعون ثلاث اسابيع كفايه او لا ؟
والله يعطيكم العافية جميعا وبالنسبة للتذاكر احجزها الحين بعد الجواز مباشره ولا اصبر لما اجيب قبول المعهد واخلص اموري ؟