ارجوووكم أفيدوني , فأنا لا أعلم

وعليك السلام والرحمه

راح اختصر ( لان ماشاء الله المحامي او الدراسين قانون كلامهم كثير , لالالالا امزح)
الله ويفقك ويسهل امورك


بما انو لغتك صفر , وتبغي تجي بريطانيا على شان تدرسي قانون , انصحك قبل سفرك الى بريطانيا هو كسب او فهم القواعد الاساسيه في اللغه , لان سوف تتواجدين صعوبات كثيرة , وايظا لا بد تكوني sociable كونك محامية او في مجال القانون,,,

هذا الرابط يدل على افضل الجامعات في بريطانيا ولكن فكري بالجامعات الاسهل ( الان القاتون في بريطانيا صعب ,,, لا يوجد صعب في الحياة)
University guide 2011: Law | Education | guardian.co.uk

ومعرفة الجامعات هل هي معترفه او لا
الدخول على موقع الوزاره
نظام الجامعا الموصى بها - تنبيهات

لكي تكوني في السليم من ناحية الدراسة او القبول
احصلي على قبول معهد لغة في اي مدينة ترغبين في الدراسة , في هذه الفتره تختاري وتبحثي عن الجامعه السهلة والمعترفة
احصلي على قبول لغة في الجامعه يبدأ في شهر سبتمبر الى سبتمبر القادم, للاعفاء عن درجه الايلتس , ولكن شرط دراسة اللغه في الجامعه 5 في الايلتس

للطلاب الماستر مو شرط احضار القبولين في وقت واحد
المهم هو احضار قبول معهد لغة, وبعدها تبحثين بنفسسك ( لان اعرف كثير طلاب الماستر في بريطانيا ليس معهم قبول جامعة عند ابتعاثهم )

اي استفسار لا بردك الا الكي بورد

اتمنى لك التوفيق والنجاح الدائم

انتي مبتعثه عن طريق جامعتك ؟

اذا مبتعثة عن طريق الجامعة اللي اعرفه انك لازم تجيبين قبول لغة وقبول جامعة معترف فيها بالبداية وترفعينه لقسمك وبعدها يصدر قرار ابتعاثك

اعرف 2 من اخوياي يدرسون قانون واختارو ايست لندن

فيه شغله ثانية اللغة الافضل لك تدرسين سنتين لغة مدري هل جامعتك توافق او ترفض

اختنا الفاضلة حفظك الله

من الافضل انك تحصلين قبول الجامعة اولا وهذا سهل اذا اوراقج كلها جاهزة القبول ياخذ 20 يوم بالكثير

ثم بعد الحصول على قبول تذهبي لمعهد او كلية في نفس المنطقة اللي فيها الجامعة وقبول اللغة لا ياخذ اكثر من 3 ايام

منها تعرفين المنطقة اللي راح تدرسين الجامعة فيها ومنها ضمنتي قبول الجامعة وتدرسي براحتك من غير ما تشغلي نفسك بقبول الجامعة

هنالك 18 جامعة معتمدة لتخصص القانون في بريطانيا لدى الملحق الثقافي

وبالتوفيق اختي *

في جامعه الملك سعووود اتوقع مايحتاج تجيبين قبول لغه وقبول ماستر لكن يمكن تغير الآن الموضوع لان زي ماانتي عارفه بعض الجامعات تطبق هذا الشي وجامعات ثانيه تعارض وترفض بتاتا البته فارجعي لرئيس قسمك وعميد الكليه او الوكيل بهذا الخصوص

ومع احترامي لاراي الاخ الفاضل الكسب2 اختاري الجامعه اللي تناسبك مقدرتك . يعني انتي ممكن تكونين مميزه ونابغه ليه تدخلين جامعه اقل من مستواك
بعدين مهم الجامعه اللي تتخرجين منها تكون من افضل الجامعات حتى لو طلبوا سبعه ونصف في الايلتس وهي الدرجه المعتاد يطلبونها الجامعات القويه في تخصصك

بالنسبه لي لو اجلس ثلاث سنوات في اللغه لكن ادخل الجامعه اللي ابي وانجح واتميز فيها
يعني فرضا قلنا انك الحين انت صفر في اللغه. اطلبي من رئيس القسم في خطاب تكتبينه له انك تسافرين السنه الجايه لانك ودك تتميزين ولغتك الحين صفر وتبين تدخلين كورسات في السعووديه لحد مايوصل مستواك على الاقل 5.5 في الايلتس وتتأسسين صح بعدين تجين سنه ونصف وتطورين لغتك اكثر وتجيبين سبعه ونصف وتدخلين الجامعه اللي تبينها وتحلمين فيها

يعني انا اشوف كثير طلاب يختار الجامعه بناء على درجه الايلتس . طبعا كل شخص وقدارته ورغباته . لكن بالنسبه لي قلت لك رااي وانتي شوفي اللي يناسبك واتخذي قرارك

خططي كل شي مسبقا ولا تخلينها للصدف
يعني لا تجين ومستواك صفر في اللغه وتبين فيه سنه ونصف تحققين درجه سبعه ونصف او سبعه
مااقولك مستحيل لاني مااعرفك ولا اعرف قدراتك لكن اقدر اقول صعب اذا تبين تبدين من الصفر

واذا افترضا انك جبتي سبعه في الايلتس هل يعني هذا ان مستوى لغتك فعلا كويس وقوي ويعطيك فرصه للتميز ؟
او مثلا في مرحله الماستر تقرين كتب ومقالات وانتي لسى تحاولين تترجمين اللغه وتفهمينها ومو بس تحاولين تحللين الافكار..

زي ماقلت لك هذا رأيي وانتي اتخذي القرار الانسب لك ..

بالتوفيق

مجمل اللي فهمته من ردودكم انه صعب علي السفر ولغتي صفر !
طيب انا اشوف ليش اضيع وقتي في معاهد في السعودية!
لو اروح لبريطاينا بحسب خبرتكم ماترون انه ممكن اكتسب اللغه في خلال سنة؟
مع العلم اني رايحه بنيه جااااده جدا للدارسه ومتفرغه لها بإذن الله بكامل وقتي .
وبعد سؤال : اختبار الايلتس هل قبولي في الجامعه متوقف عليه؟
اوضح سؤالي اكثر هل يعني لو خاطبت جامعه خلال الايام القادمه عشان تعطيني قبول عندها لابد ان اجتاز هذا الاختبار؟ او انها تترك الاجتياز لحد مااخذ اللغه ويجي وقت الدراسه يعني بعد سنه ؟!

واذا ذهابي لاخذ اللغه سيكون صعب جداا لان لغتي صفر ارجووكم ارشدوني بعدم الذهاب الان ، لاني لا ارضى بالفشل نهائيا .

شاكره للجميع تعاونه معي .. *

من الصعب جدا للمبتدي انهاء اللغة خلال عام لوالحصول على درجة 6 ونصف في الايلتز


اوصي وبشدة تعلم شي من اللغة في اللمملكة قبل السفر حتي تديري امورك اليومية المعيشية الاساسية

طيب هل تشوفون اني اروح بالصيف لبريطانيا لمدة شهرين ونصف تقريبا على حسابي ادرس انجلش , وبعد كذا ارجع للسعودية ,, عشان اكمل اجراءات ابتعاث الجامعه لي وارجع مره ثانيه في ادرس طبعا في المعهد اللي بتوافق لي الجامعه عليه؟؟
بكذا بأكون ان شالله اشتغلت على نفسي 3 شهور ..

أفيدوني .

أختي الكريمة الله يحفظك ويوفقك
من خبرتي وتجربتي في اللغة ، وحتى أكون صادقة معاكِ عشان تكونين في السليم ولا تتحطمين ، اللغة من الصفر إلى 7 في الآيتلس أمر صعب جدا جدا ، عندي بنات في الكلية من الهند ومن الصين يدرسون من سنتين ما جابوا سبعة في الآيتلس وعاد انتي عارفة الصينين والهنود كيف يدرسون ، والله العظيم إنهم يناقشون المدرسين ويتحدثون بشبه طلاقة وياكلون الأكل كتب ليل نهار لكنهم ما جابوا السبعة خاصة وحدة صينية اختبرت حتى الآن 4 مرات وكانت أعلى درجة لها 6.5 ، واللي أعرفه إن معظم تخصصات القانون يطلبون بين 6.5 و7.5 للماجستير .
ويعني لو قلنا أقل جامعة تطلب 6.5 فأنت تحتاجين سنة ونص إلى سنتين كحد أدنى عشان تمشين من الصفر لغاية هذي الدرجة .
الطموح زين أختي ، بس الواقع مهم إنك تعرفيه والحقيقة لازم تكون واضحة لك حتى لا تتفاجأي بالوضع .
يمكن تشوفين بعض الأعضاء يقولك لا ما هو مستحيل وشدي حيلك ومن هذا الكلام ، بس والله من معرفة وتجربة 7.5 درجة ليست من السهل الوصول إليها في سنتين بدون جد واجتهاد وتفرغ كامل بدون أطفال وبدون مشاغل أو مشاكل ، يعني تفرغ في تفرغ مع تركيز ومجهود شديد يمكن توصلين لهذي الدرجة بعد سنة ونصف ، لكن بوضعنا الطبيعي كسعوديين وسعوديات أعتقد إننا نحتاج أكثر من سنتين .

اللي أعرفه إن الجامعات تسمح بسنة لغة ويمكن تمديدها سنة أخرى ، ولكن هذا للدكتوراة مش للماجستير ، لأن الماجستير أعتقد يمددون ستة أشهر ، ولازم تتأكدي من جامعتك قبل كل شئ .

نصيحتي اشتغلي على الإنجليزي صح وخاصة في المفردات والقواعد ، وما عليك من المحادثة ، لأن قواعد + مفردات = محادثة ناجحة بشكل سهل .
كل هذا قبل لا تبدأين البعثة يعني على الأقل لمدة 5 أو 6 أشهر ، بعدين تبدأين البعثة وانتي مرتاحة ويمكن تحققين الدرجة المطلوبة في مدة قصيرة مقارنة بوضعك السابق .
الله يوفقك أختي ، وإذا بغيت شي من بريطانيا احنا تحت الخدمة .
أختك حواء .

نصيحة مني استغلي الوقت و ابدإي دورات لغة هنا في السعودية..على الاقل الاساسيات او حتى المحادثة..ليش تضيعين الوقت؟

فيه معاهد هنا في الرياض المعلمات فيها اجانب (كنديات، انجليز، استراليات) منها معهد دايركت انجلش و اكاديمية سراي..

بالنسبة لسؤالك الثاني عن الايلتس..الجامعة ممكن تعطيكي قبول مشروط باجتيار الايلتس و تحقيق الدرجة..و المدة تكون الى قبل ما تبدإين دراسة الماجستير..يعني يمديك تدخلين في كل شهر اختبار الى قبل تبدأ دراستك للماجستير..