استفسار بكالوريوس: هندسة ميكانيكية ، استفسار ارجو المساعدة..

اي معلومات ؟

ساعدوني ياشباب انا بحثت وجميع المواضيع في نتائج البحث تكون قديمة واخشى ان يكون النظام مختلف عن السابق ولا اريد ان ابني على معلومات قديمة .

الشروط الخاصة للابتعاث في مرحلة البكالوريوس ( يقتصر التقديم على التخصصات الطبية فقط )


• ألا تقل نسبة الثانوية العامة عن 90% في قسم ( العلوم الطبيعية أو ما يعادلها ).
• أداء اختبار القدرات العامة، والحصول على درجة لا تقل عن 80% .
• أداء الاختبار التحصيلي، والحصول على درجة لا تقل عن 80% .
• ألا يكون قد مضى على حصوله على شهادة الثانوية العامة أكثر من ثلاث سنوات.
• إذا كان المتقدم حاصلاً على شهادة علمية من خارج المملكة فيشترط معادلتها من جهة الاختصاص قبل التقدم إلى البرنامج .
• ألا يزيد عمر المتقدم على اثنتين وعشرين سنة.
• يشترط للقبول في الجامعات الأوربية الحصول على درجة ( 5 ) في IELTS.


هذي الشروط من وزارة التعليم العالي
اول شئ النسبه لازم فوق الـ 90 %
ثاني شئ لازم ماتكون تعديت ثلاث سنوات من حصولك على شهادة الثانوي

انا ماجيت احطمك
بس انتظر فتح باب التسجيل في 10 / 8 / 1432 هـ
وان شالله يقبلونك وتفرح بقرار القبول
واذا بتروح على حسابك ما راح تضمن ان الابتعاث يلحقك به
سواء ان كان عندك واسطه

بالتوفيق يالغالي ..
ودعواتك

يعطيك العافية اخوي يوسف على التفاعل..

انا ما أملت بشكل كبير على اني انقبل بالبعثه من هنا مباشرة لاني سبق واطلعت على الشروط..

لكن بالنسبة للدراسة على حسابي الخاص كم نسبة اني مارح انقبل وهل فيه شروط ولا لازم واسطة وشروط عشان الالتحاق ؟

شوف انا بعطيك كذا مثال وانت وبراحتك :
في واحد قريت له موضوع يقول انه اول ثلاث ايام على حسابه ثم التحق للبرنامج حق الابتعاث
وفي واحد يقول انه شهرين والتحق
وفي واحد يقول لما خلصت اول سنه لغه

وانت وحظك وانا اخوك
والله يوفقك

بس اهم شئ في الهدف انك ناوي الابتعاث صدقني بتوصل له
وراح تتيسر لك الامور بأذن الله
بس انت خل والدينك يدعون لك
وانت انتظر التقديم وشف يمكن الله يكتب لك في هالبعثه
واذا ماتبي الابتعاث من البدايه
روح بس لـ ولايه متوسطه بالسعر وانا اقول حول الـ 100 الف ريال سعودي بالسنه كـ شكل تقريبي ولـ الولايه المتوسطه بالاسعار
بـ استثناء لندن لأنها غاليه
وان شالله بـ تتيسر الامور وانا اخوك
بس اهم شئ لاتسمع كلام الناس الي يقولون اجلس هنا ويحطم فيك الابتعاث اهم الحلول المستقبليه لك

أتمنى اني افدتك
و الله يوفقك و يوفقنا
تقبل مروري

يعطيك العافية اخوي يوسف والله ماقصرت معي بهالموضوع تعبتك ..

الله يجزاك خير ويعطيك على قد نيتك يا الغالي..

دام الله جمعنا بهالموضوع حبيت اسألك..

ماعندك فكرة عن الاجراءات المطلوبة للدراسة بالخارج ، على حسابي الخاص ؟

لاني ماودي اروح لمكتب واتوهق .. وفيه ناس يقولون انتبه تروح جامعة مو معتمده ومن هالكلام..

ياليت تنورني بـ معلوماتك..

UP .............

ولا قصور في الاخ يوسف

المطلوب لقبول الجامعة المعتمدة والغير موقوفة

بما انك في مرحلة البكالوريوس

صورة جوازك

شهادة الثانوية مع كشف الدرجات بالانجليزي

واذا عندك كشف حساب افضل واذا ما عندك هم يجيك القبول

بالنسبة للغة

صورة الجواز فقط

ما يحتاج تروح لا مكتب ولا تدفع الموضوع بسيط *

يعطيك العافية اخوي وماقصرت اشكرك