استفسار ابي اززور برايتون بس مو عارفه كيف ..ممكن مساعده؟

مساء النور والسرور

بإمكانك الذهاب عن طريق محطة فيكتوريا .. القطار راح ياخذ تقريبا 50 دقيقة .. والتكلفة تختلف من وقت لآخر لكن في الغالب راح تكون أقل من 20 باوند خارج أوقات الذروة .. رايح جاي

برايتون فيها محطة واحدة .. انزلي فيها وقصي تذكرة باص يوم كامل تقريبا بـ 3.60 باوند إذا هي على ما هي عليه

الأماكن الجميلة في برايتون غالبها قريب من البحر .. الشاطئ جميل وفي الشاطئ يوجد برايتون بير (الرصيف البحري) فيه ملاهي ومطاعم وجبات خفيفة .. أيضا منطقة قصر البافيليون قريبة من برايتون بير .. فيه مدينة ملاصقة لبرايتون وهي مدينة هوف أيضا جميلة والتمشية فيها حلوة ..

فيه منطقة جميلة اسمها سفن سسترز Seven sisters بالباص ساعة تقريبا عن برايتون .. وبنفس التذكرة اليومية .. منطقة خضراء وجميلة إلى البحر ..

توجد مطاعم عربية كثيرة .. أشهرها مطعم الروشة ومطعم صحارى وكلها قريبة من المسجد الجامع .. أو يوجد مطعم هندي شغلهم جيد يقع بالقرب من البافيليون .. بجانبه مطعم بيتزا بوفيه مفتوح

بالتوفيق

بالاضافه الى الاخ طموح جامعي
Brighton Pire على البحر , فيه العاب مصغره حلوه , والعاب الكترونيه ومطاعم وجبات خفيفه , انتبه تشتري بطاطس مقلي, راح تهاجمك الطيور الشرسه ( لالالالا امزح )
سنتر المدينه حلوه جدا , خاصه الجلسات قبل مدخل السوق , بصراحه في قمه الروعة


انصحك بزياره المارينا على البحر
باص رقم 7 المتجه من محطه القطار الى اخر محطه رقم 7 ( اخر stop هو قريب من مطعم ماك )
فيها مجمع ترفيه , سينما, قوارب (خاصه), بولينج , وسوبر ماركت ASDA
وايظا فيها مطاعم ايطاليه اسبانيه برازيليه و صينيه ( انصح بطعم بيتزا اكسبرس , اطلبي بولو بستو الايطاليه) المطعم على البحر


رحلة سعيده

الله يذكر برايتون بالخير .......... ايام كورس وساعة الصدر < يقصد كورس اللغة

الاخوان كفوا ووفوا لكن التذكرة تقريبا اقل من 20 باوند اذا معاك الريل كارد حقة الطلاب عليها تخفيض ممتاز rail card اذا ماقصيتيها اطلبي من المعهد يعطيك خطاب انك طالبة وعن طريقه تأخذيها من محطة القطار فيه منطقة اسمها ديفيل دايك وهي قريبة ومنطقة خضراء وتروحي لها عن طريق باص رقم 77 يطلع من السنتر حق برايتون نفس السفن ستتر بس انها اقرب

والله يوفقك ورحلة سعيده

برايتون ماتصلح ابدا الفترة هذي باالصيف .. فيها مناظر كثيررررة خصوصا على البحر لا تليق بفتاة الرؤية لها ..

لا .......ياشيخ؟؟؟

ارخص تذكره من لندن الى برايتون
1- من محطه لندن بردج الى برايتون المده ساعه وربع ب 11 باوند مع خصم كارد
2- من محطه لندن فكتوريا الى برايتون المده ساعه ب 20 بواند مع الخصم كارد ( ولكن ماني متأكد من السعر)

الفرق ان القطار من لندن بردج قديم , ومن فكتوريا اجدد


enjoy your time
don't worry, will be happy and enjoy there

اذا كنتي من الرياض برايتون كبر البطحاء او من جدة زي سوق البلد اذا الدهنا زي العوشزيه. . ههههههه
المهم برايتون صغيره جداً لكن المناطق حولها كثيره تشتهر بزيادة المعامرين وهي مثل اي مدينة ساحلية بالعالم . فكرة المناظر السيئة المعلنة من بعض الأخوة ولهم نظرة متصلبة السيئين لهم مواقع خاصة يجتمعون بها مثلهم مثل غيرهم من المنحرفين وتجار المخدرات. المنطقة ممتازة في حالة الجو جيد
اهلها طيبين جداً. *

الله يجزاكم خير كلكم واحد واحد . كل الشششششششكررر . فعلا افدتوني بمعلومات قيمه ومنها ممكن ابحث في النت عن المناطق اللي تستحق الزياره .

الله يسهل لكم امووركم ويحقق لكم اللي تبونه