هبولنا قبول دكتوراه باصحاب المكاتب

وعليكم السلام ورحمة الله وبركاته

مساااك الله بالنور ..

اول شي قبول الدكتوراه سهل .. لو اتبعت الطريقه اللي بقول لك عليها ..

اول شي تروح تدور على الاقل ١٥ جامعه فيها تخصصك وتشوف اسامي الدكاتره في القسم .. وترسل لهم كلهم السي في حقك مع نتيجة الماستر او اي شي انت تحبه ترسله بشكك جدا منمق

الرساله تقول لهم انه انت طالب مدعوم من الملحقيه وانت انترست للتخصص اللي هو كاتبه طبعا وقول له انت وش تحب انك تكمل .. وترسل لكل هذه الجامعات .. وراح يردون يابالرفض او القبول .. مع كثرة المحاوله بتلاقي اكيد ..

انا جربتها في ناس طلبوا بربوزل وجامعات ماطلبوا ..الدكتور عنده خطه ويبيك تكملها ...

لاتياس لانه انا تخصصي طبي .. والحمد لله مع المحاوله جاني قبولين غير مشروط من جامعه ليدز ونيوكاسل بهذي الطريقه . .

واي سوال او مساعده انا حاضره

بالتوفيق

الله يستر عليك أختي روح ماقصرتي والله انها طريقه زينه, وبمشيئه الرحمن بحاول بها

اكرر شكري وتقديري لجهدك

اخيك

تبين اهب لك قنبله.... خخخخخخ
يالله حي ابوحربي.... والله اكتشفت انك مصري صز وينك يارجل ماتنشاف ولا شي كله عشان الدراسه هههههه.... عموما الله يوفقك
انا مثلك قاعد ادور.... حصلت لك موقع تقدم عن طريقه وهو بدوره يرسل للجامعه اللي تبي وماياخذ منك التقديم اذا عبيت النموذج مره وحده يمكن نص دقيقه،،،، بعدين بيردون عليك الجامعه اللي قدمت عليهم بعضهم بيقول نبي بروبوزال وبعضهم مايبي ولكل واحد نضام،،،،
هذا الموقع
PhD Programmes, Research Projects & Studentships in the UK & Europe
اي خدمات ياعزيزي انغز الرسايل الخاصه وارسل لاني ماتواجد كثير هنا،،،،

شكرا ابو جبل هههههههه من اول ادور هالموقع لاني استخدمته ونفع معي لقيت فيه كم دكتور.. بس برضوا الافضل انه تدور بالجامعه بنفسك لانه الاغلبيه لما اراسلهم يقولون هذا له شهر او شهرين وخلاص ماعاد لهم حاجه ...

بالتوفيق للجميع

أهلا أهلا يابو جبل,

أجل مصري انا هاه .. ههههههههاااي أجل ماتدري أني مصيف في ربوع بلادي عز الله ان حرها يسوى لندن وشويه من ضواحيها ههههه

الله يسعدك على هالموقع يابو جبل, وتوي بفتحه وبقول بسم الله بدينا وعلى الله توكلنا

انت بشرنا عن دراستك ياااخي أن شاء الله امورك ماشيه على السستم؟

اسأل الله التوفيق لي ولك وللجميع

حياك ياروح وبياك وعسا الله يوفقك

بس انا ماني موافق على دراستك ؟؟

أيه ماهو منك يقول المثل من لقى احبابه نسى اصحابه,, وينك يابو عبدالعزيز لو تشوف اللي انا فيه بس ههههههه

لهادرجه اخخخويا جوليا اطلق مني ياطلوو هههههههه نايف وماجد الله يستر عليهم

والله يابو عبدالله المشرف قالي وراك بتقفل الملف رقي البعثه يجوز انك تتحمس تكمل ,, قلت وش ورانا حنا .. بالاصل الماستر زي كذا ماجا بالخاطر ابد لكن سبحان مغير الاحوال

بالتوفيق واتمنى انك توافقلي اكمل يابو عبدالله .. ولك مني نفرين كبسه من السوري ( ابو مامو )

نصيحتي لكم ابوجبل
وم. الحربي
طالما درستم الماستر هنا
كملوا للدكتوراه افضل
مرة وحدة
وأرجعوا سالمين غانمين