الداعية حسن القعود يؤكد لـ"سبق": سأعتذر في أية وسيلة إعلامية إذا ما تبين خطأي

اش حارق رزّه ؟؟

الموضوع يرجع للشخص وضميره ووازعه الديني ،، كثير ناس راحت ورجعت بشهادات وكثير ناس راحت ورجعت بخيبتها

عساس كلّش الحين اللي بالسعوديه على سنّه ورمح ،، البحرين جنبهم ومو مقصرين ماشالله كل ويك اند يغثّونا بزحمه الجسر والبلاوي اللي تصير هناك ،، حنا اهل الشرقيه تأذينا منهم

الله المستعان بس ،، الواحد صار بس فالح بالانتقادات كأننا قاعدين على قلوبهم ،، بكل مكان ( برامج اليوتيوب كل واحد مستانس بعمره وبكاميرته الخطيره الهاي ديفينشن والستاند تبع الكاميرا ويجيك ينتقد ويتفلسف وهو ماهمّه الا التمييلح ،، بالجلسات ،، بالاخبار ،، ماخلو شي )

اعذروني عالعصبيه ،، توني راد من الجامعه وحدّي متنرفز من الزحمه والدوام الطويل

يا اخوان
الموضوع بسيط جدا
اذا عرفت بشخص او سمعت ان شخص يشرب الخمر او المسكر, انصحه بأحاديث الرسول والقرآن لان الشخص يحتاج الى تذكير , والابتعاد عن الغفلة

اما المصيبه الكبيره والكبيره
قابلت طالب جديد على بريطانيا كان عمره 19 سنة , وكان معاه بعض الشباب السعودييين الطيبين , وبعد مرور السنوات, قابلت احد الشباب في لندن, وكنت متواصل معاه , وكنت اسأل عن الشباب اللي كنا في المطعم
قال لي: تعرف فلان بن فلان اللي شكله كذا وكذا, قولت اكيد ومعروف, خير؟ ايش السالفه؟؟
والله العظيم قالها لي من قهره وتعصبه, قال انه : صار يذهب للكنيسة واعلن ديانه المسيحية في الكنيسة,, انا انصدمت بالموضوع, وصار ايام مايجني النوم, أحاول اني انصحه ولكن كان يتهرب مني
وصار وصار وووو
بعد مدري ايش صار عليه,,,,

المهم

اما الطلاب اللذين يشرب الخمر او يلعبون القمار, يجب علينا النصح والتذكير والابتعاد عن الغفله في بلد الغربة

بصراحه الموضوع اخذ اكبر من حجمه

اصلحو حالكم يصلح من حولكم

وهذا شئ وارد ومتوقع لان لوعنده نية نصيحه كان توجه الى اصحاب القرار سواء وزارة التعليم العالي او الملحقية وتخاطب مع المسؤولين وبلغهم بنصيحته حتى يلتفتوا للشباب الضايع حسب وجهة نظرة مهوب يطلع بالقنوات ويثير مواضيع يتوقع انها راح تلقى رواج بين الناس عشان يترزز اكثر ....


مثل هذه القصة سبق وحدثت في عهد التابعين وزمن الجهاد والفتوحات وهي ان جيش من جيوش المسلمين كان يحاصر احد حصون الروم واطلعت عليهم من الحصن فتاة في غاية الجمال مما جعلها تقع في نفس احد شباب المجاهدين وفتن بها وحاول التسلل للحصن واستطاع وذهب داخل المدينة المحاصره من قبل اهل دينه المسلمين ومع ذلك كان هدفه الوصول لبيت الفتاة ولما التقى بها شرطت عليه ترك دينه ففعل وبعدها اطلع على المسلمين من الحصن وقالوا له اعنا في فتح الحصن ثم رد عليهم انه تنصر وترك الاسلام بل انه سوف يقاتل ضد المسلمين دفاعا عن الحصن ...


القصة موثقة وصحيحه المصدر وحصل في موقع جهاد فما بالك بحالنا الله يصبرنا بس

وانا ذكرتها عشان نعرف اننا اذا بغينا ندور عيوب راح نلقى لليل لكن مثل ماقال اخوي الحربي :

اذا اصلحنا حالنا يصلح من حولنا

الله يسهل عليكم ياشباب وانشاء الله ترجعون لاهلكم سالمين غانمين كولوا امين

سمعت مؤخرا بفتح قسم للهيئة بالملحقيات
اتمنى ذلك من قلبي
ليش ؟؟؟
لنزال العقوبات
لكل شخص يسيء للاسلام والمسلمين ووطنة
لان لابي حرام
مثل هؤلاء تصرف عليهم الحكومة وهم بتصرفاتهم مايستحقوا لعب وشرب وخراب والعكس في اشخاص تتمنى الابتعاث لتعدم الفائدة للوطن
شبابا وبنات اتمنى يوضع حل اذا شافوا منهم اساء للاسلام .... لان للاسف الغرب تحكم على الاسلام بتصرفاتهم
البنت تشيل الحجاب وسفور علنا والشاب يسكر ويتسكع بالشارع ... بلاللة هل يستحقوا نعمة وفرصة الابتعاث
الملحقية لا ردع ولا عقاب ؟؟؟
وربي في اخر مرة جيت الملحقية وشفت البنات ........ شيء رهيب سفور سفور علنا ......اللة المستعان

ايجاد الحل والعمل بة افضل بكثير من كل يوم يجي واحد ويفتي ويشوة سمعة الالاف من المبتعثيين

Kosb2
اخي الكريم
الموضوع مش بسيط جدا
تشوية سمعة المبتعث بصورة هذي واثارة جدل واعادة عدة مرات بجرائد والتي في
من وجهة نظري
اتمنى يحاسب على ذالك لان تم قذف بسمعة الالاف من الطلاب من غير وجه حق
مين راح يحاسب هؤلاء الاشخاص ؟؟؟؟

السلام عليكم ورحمة الله وبركاته

حقيقة ما ذكره القعود مردود علية وهذا ما نختلف علية ابدا جميعا لان ذكره مثل هذي النسبة معناها ان اغلب الطلاب المبتعثين يدخلون تحت هذه النسبة الا من يعرفهم هو او غيرة ممن نستطيع ان نضعهم في نطاق نسبة الجانب السليم 20% ، لكن اصرار الشيخ وتاكيدة على ان هناك ثمانية رؤساء اندية هم من صرحوا له بذلك وهو يؤكدها بانه على ثقة وانهم من اخبروه وان ذلك في ذمتهم الى يوم القيامة وكما قال عن نفسة انه ناقل لذلك ، فسؤالي هو كيف عرف رؤساء الاندية أجل الله قدرهم ان 80% من الطلاب في مدينتهم يشربون الخمر ، واسمحوا لي ان اقول عبارة - هل وظيفتهم مراقبة شاربي الخمر في مدنهم - وهل وظيفتهم التلصص على الطلاب ومن خولهم التكلم باسم الطلاب والحرص عليهم ان كانوا فعلا حريصين على الطلاب فان النصيحة ستكون اولى دون التعرض لسمعة ابناء الناس ، ولا اتهمهم ولا اكذب الشيخ ولكن ماذكره القعود عن انه استقى تلك المعلومة منهم امر لايصب اللوم على القعود في تجنية فقط ولكن ان صح وقيلت له هذه النسبة من هؤلاء الروساء فهذه مصيبة فعلا ، لاني وكما اعلم والمس من اكثر من خمس سنوات هنا ان وظيفة رئيس النادي المجتهد المحب للخير والمتعاون هي اقرب لفعل الخير منها للتشهير ومتابعة الغير ،،،، هذا وارجوا من الله للجميع كل التوفيق والجميع به الخير ولا ننكر وجود بعض الانحراف ولكن ليس بتلك النسبة القاسية التي وضعتنا حتى انا كاتب هذا الرد ضمن النسبة المؤلمة ، فوالله ان شبابنا فيهم من الخير الكثير واخواتنا كذلك وهذا شي نلمسة ونراه يوميا والجميع طلع من اسر تعبت في تربيته .