زوجي رافض البعثة....بسبب الاوضاع الامنية والحجاب؟؟؟

الاعلام مبالغ فيه
في لندن من اربع سنوات ولم اشاهد ما يقال هناك جزئيات كما هو بكل عواصم العالم من تجارة مخدرات وغيره لكن مشاكلهم مع بعضهم مثلا بالرياض حي الفيصلية ، او جدة الهنداوية والمكرونة والسمبوسة ، هههه

شكرا لك اخي مشعل

29 رد ولا واحد ابدى رأيه

سؤالي موجه للي ببريطانيا؟؟؟عجلوا علي الله يعافيكم

السلام عليكم
في أي مدينة ستكون دراستك؟ الوضع عموما جيد ولا داع لتخوف زوجك ولكني انصحك ان تطيعي زوجك في نهاية الأمر.. حاولي اقناعه فإن اقتنع فبها ونعمت والا فلا تخرجي عن طوعه.. نصيحة من اخ.

نحن لا نستطيع الخروج عن امر الزوج لا شرعيا ولا نظاميا اخي في الله

وانا قدمت على عدة جامعات من ضمنها مانشستر و ليدز وجامعات في لندن

وآلله شـــوفي .. أللي ينســـمع شي .. وأللي ينـــشآف شي ثآني ..
يعني آلنآس تقول إن بريطآنيآ ممله .. وأهلهآ عنصريين .. لكـــن أنآ أصريت ودرست فيهآ .. وإتضح آلعكـــس تمآمآ ..
مغــزى كلآمي .. حـــآلي تبيني آلصورهـ الإيجآبيه لزوجكـ .. بجلسة هـــدوووء ورمضآن بكرآ إن شآء آلله .. وهآلشيئ بيسآعدكـ ..

ولله آلحمد طيلة سنتين قضيتهآ في بريطآنيآ .. مآوآجهت أي أمر يهدد حيآتي بسبب آلصلآهـ مثلآ .. أو كوني مسلم أو بسبب جنسيتي ..
صح تعرضت للسرقه بآلأندرقرآوند بيوم مزحووم ويووم رحت لمركز آلشرطه بلغووني إنه في عصآبه توآجدت بهآليوم .. ولقيت آلعشرآت مثلي ..

أمآ آلحجآب .. وبآلذآت مدينة مثل لنـــدن أو مآنشستر أو برمنقهآم .. أتوقع مآفي أي مشكله بآلحجآب .. وخلي في بآلكـ آلمدن آلكبيرهـ مآبتوآجهي فيهآ أي مشكله من نآحية آلحجآب ..
أمآ بأسكتلندآ أو بأي مدن كل مآ إتجهتي لأقصى آلشمآل .. في إحتمآليه لكــن جدآ ضئيله .. لآ تشيلي هم من هآلنآحيه .. أصلآ أغلب آلبآكستآنيآت آلمسلمآت محجبآت أكثر من آلعرب ..

آلشعب آلبريطآني مو عنصري ولآ أي شي .. بآلعكس مؤدبين .. يعني مثل عندنآ .. هل كــل آلشعب مؤدب أو عنصري .؟!
ببريطآنيآ .. لقيت آلأغلب جدآ في قمة آلذووق .. آلكل يشكــركـ .. ويبتسموآ في وجهكـ ..
يعني تخيلي شخص يحتكـ فيهم ويتكلم بآلأديآن .. أو بآلسيآسه .. صدقيني بيوآجه مشآكل مآلهآ أول ولآ تآلي ..


طمني زوجكـ .. بريطآنيآ منآسبه لكـ .. بآلأخص آلمدن آلكبيرهـ مثل مآنشستر ... لأني شفت أغلب أللي فيهآ .. عوآئل ..

وبآلتوفيق ..

وفقك الله اخي الى رضاه

وجزاك الجنة ......اسأل الله تعالى ان يوفقني لما فيه الخير لي ولزوجي واولادي

اسئل الله لي ولك التوفيق
اختي انا الآن بلندن
ومضيت سنه بكاردف
وزوجتي ولله الحمد متحجبه
وتدرس في معهد اللغه سنه في كاردف كلاس نسائي
طبعا هي مرافقه لي وليست مبتعثه
وتروح تجي بالباص ولا يوم واجهت اي مشكله ولا مضايقه ابد
والان في لندن لنا قرابة الشهر ونفس وضع كاردف لم نواجه ولله الحمد
اي مضايقات
فالامور تماما ومنه وهنا في بريطانيا ماتكون المضايقات الا بعد الساعه تسع مساء
واضن بعد هذا الوقت مافيه داعي الواحد يخرج خارج المنزل
فحاولي تقنعيه
وتستخيري ان كانت خيره لك ان الله يسهلها وان كانت الخيره في تركها الله يعوضك خيرا منها

والله يوفقك

ودعواتك لنا

السلام عليكم ....
اختى انا الآن صارلى في لندن شهر والله ما كنت اافتكر ان لندن بهذى الحريه ... والله ياكثر النساء المتحجبات والمنقبات اشوفهم في اشهر المطاعم والااسواق ماعمرى شفت احد يضايقهم .... وياكثر السعوديات المحجبات وزيدك من الشعر بيت المعهد الى ادرس فيه في بنتين من السعوديه كلهم محجبات ..

اذا رافض مره عندي حل ؟؟ حاولى تقنعيه يروح لندن لحاله بس اسبووع واحد يشوف الاوضاع كيف ! ونا متاكد ان راح يغير فكرته

من خلال التجربة الاخيره 4 سنوات في بريطانيا

بريطانيا بصفة عامة متقبلين للمسلمين بنقابهم وحجابهم لوجود جالية اسلامية كبيرة ولله الحمد هناك العديد من المدن التي تتميز بنسبة اكبر لتواجد المسلمين منها مدن الكبري لندن ومانشستر وبرمنقهام ومدن متوسطة الحجم منها شفلد وليدز وليستر ونتونقهام وكارديف وبريستول الخ جميعها مريحة جدا للمسلمين وبها اعشرات المساجد ولاتوجد اي مضايقات والجامعات متقبلين لهم

الابناء يمكنهم الدراسة في مدارس بريطانية ومنها مدارس تدرس منهج اسلامي ومنها التي بها طلاب من الجالية الاسلامية وحتي المدارس التي في الاحياء الاخري فهم يرحبون باالطلاب ويساعدوهم على تجاوز صعوبات اللغة ويرحبون بهم كم لا يخفي عليكم ان الصغار اسهل عليهم اكتساب اللغة

الله يسهل دوربكم