استفسار معهد اللغه + الجامعه بسوانزي

اتمنى منكم مساعدتي
يعني من اول شي اسويه الي اخر شي اسويه لاني عليميه ولا اعرف شي
يعني الخطوات كلها لاني بسويها بنفسي الله يجزاكم خير

وعليكم السلام ورحمة الله وبركاته ،،

وأنتي بخير ،، وتقبل الله منا ومنكم صالح الأعمال

بالنسبة لسوانزي ككل لا أنصحك في دراسة اللغة فيها ،، سواء الجامعة أو معهد تجاري ،،

عموما ،، بالنسبة للماجستير في جامعة سوانزي ،، على حسب تخصصك

مركز اللغة في الجامعة سيء جدا ،،

ICWS على حسب علمي متخصص في البري ماستر وغيره

عموما شهر ونص فترة طويله للرد على قبول اللغة عادة ماياخذ اكثر من 48 ساعة ،، لذلك يجب عليك مراسلتهم مرة أخرى للتأكيد ،،

أهم شيء حاليا للفيزا هو قبول اللغة

بإمكانك التقديم على الجامعات وانتي في بريطانيا ، ،

بالنسبة للفيزا حاليا مافيه فيزا لتر ،، فيه الكاس نمبر

هناك تغيير في قوانيين الفيزا ،، ادع اصحاب الخبرة والتجربة يردون على استفساراتك بهذا الشأن

الله يجزاك خير انك رديت علي
ابشرك جاني قبول اللغه لكن كان من ٣ اكتوبر الى ١٣ مارس
راسلتهم قلت لهم احتاج اكثر لانهم هيك عطوني بس كورسين كل كورس شهرين ونص فقلت لهم بليز احتاج ٣ كورسات
الجامعات مثل ماقلت ممكن اراسلهم وانا ببرطانيا
لكن الحين احتاج الكاس نمبر لكن اول خلهم يمددون لي الكورس بحيث تكون ٩ شهور
وادفع لهم الفلوس ويرسلونه لي
لكن احتاج الحين ان تكون الفيزا تاير ٤ من غير مااختبر ايلتس

علما اني رحت عندهم وجلست اتكلم معهم وصارت كانها اختبار محادثه
هل بيدين المعهد يقول انهم اختبروني واني على ضمنتهم ؟

وعليكم السلام ورحمة الله وبركاته
بالنسبة لموضوع الفيزا لما تقدمي اون لاين اختاري من
type of visa -
visit
purpose of application-
special visitor
type of application-
special student visitor,to study english language
وبعدين باقي معلوماتك اهم شي نوع الفيزا اذا كان غلط يرجعوكي
وبعد ما تكملي معلوماتك خدي موعد وروحي
اذا في اي سؤال عن الفيزا انا حاضر
والباقي انشالله الشباب يفيدوكي فيه

اهلين ياخوي الله يجزاك خير علي المعلومات
طيب هالفيزا تكون ايش ؟ اسمها
وهل الملحقيه تعترف فيها ؟

وهل ممكن اخذ التاير فور من غير الاختبار ؟

جذبتني معلوماتك انك بسوانزي هل هذا صحيح ماعندك خبره عن الجامعه هناك ومعهد اللغه ؟

نصيحتي لك ابحثي عن مكان غير جامعة سوانزي

المدينة حلوه وهادية بس الجامعة ابدا لاانصح فيها وخاصة اللغة

ايش تخصصك في الماستر ؟

من ناحية معهد اللغة لا انصحك فيه. وايضاَ لا انصحك بدراسة فترة اللغة في سوانزي. لكن كورسهم البريسشنال قوي في الجامعه. طبعا بعد ما تخلصين اللغة في مكان ثاني على حسب نصيحتي لك ترجعين بعدها جامعة سوانزي وتدخلين البريسشنال او البري ماستر. الجامعة محتاجه جهد ومع الجد والاجتهاد اتوقع امورك تمشي.

المدينة هادئة وحلوه وآمنه والاسعار فيها معقوله.

على فكرة اذا قالوا انهم يضمنونك عشان دخول الماستر فهذا الكلام غير صحيح. الجامعة بتطالبك في النهاية الدرجة الي يبغونها او لو جبتي درجة اقل بقليل ممكن تكلمين القسم ويمشونها على حسب في النهاية وضع القسم . و في اختبار للجامعة اسمه السولت باامكانك تختبرينه ولو جبتي الدرجة هم يصير بديل عن الايلتس وهو مقارب له بشكل كبير.

انا درست البريسشنال هناك واختبرت السولت و في طلاب الي ما جاب الدرجة ما قدروا يدخلون الجامعه. الي ابغى اوصله حاولي تختبرين الايلتس اكثر من مرة وتكون الدرجة المطلوبه هي هدفك ولا تسمعين كلام انه بمجرد انك تخلصين الكورس يمديك تدخلين الجامعة.

الخطة المقترحة لك.. اللغة مكان غير سوانزي.. وتحاولين في هالوقت تجبين الدرجة المطلوب في الايلتس.. بعدها برييسشنال او بري ماستر في سوانزي.. وبعدها الماستر في سوانزي

بالتوفيق لك أختي

والله يااختي جامعة سوانزي سمعتها مع السعوديين سيئه جدا
وكثير ناس ياخذون البرسشنل كورس ولا يدخلون الجامعه
والللي يجيب الدرجه ويدخل يواجه تعقيد
حسب نصيحة احد الزملاء اللي يدرس فيها العام الماضي
انا كنت ابي ادخل فيها بعد ماتقفلت جامعة قلامورقان
لكن بعد ماسالت عنها اضطريت انقل من كاردف كلها ومن ويلز
واوروح شمال لندن
على العموم القبول للجامعات بسيط
واذا تبين مساعده ممكن ارسل لك ايميل شخص يجيب قبولات ولا ياخذ شي
ياخذ من الجامعات ليبي ومحترم جدا وصادق
تعاملت معه كثير وكثير ناس يشكرونه

والله يوفقك