استفسار طلاب جامعة Brunel University افيدوني جزاكم الله خير

وعليكم السلام
انا طالب ماجستير بالجامعه على وشك الانتهاء
بالنسبه للجامعه من وجهة نظري انها ممتازه وغير معقده ومبانيها ومرافقها ممتازه ولم اواجه فيها صعوبات تذكر ( هذه وجهة نظري بشكل عام من طالب ماجستير تخصص موارد بشريه )
بخصوص ما يتعلق بتخصصك نفسه لا اعلم عنه شيئا والذي اعرفه بشكل عام ان الجامعه مشهوره انها متميزه بتخصص الهندسه .
في ما يتعلق بالسكن الجامعه تقع في غرب لندن في زون 6 وفيها خدمة الانرجراوند ( خطين 1- البيكادلي 2- ميتروبوليتان ) تربطك بجميع اجزاء لندن ومن 40 الى 50 دقيقه بالاندرجراوند تكون في سنتر لندن . وبخصوص السكن اعتقد خيار السكن بالجامعه او خارجها يعتمد على شروطك وما ترغب فيها وجميعها متوفره . فسكن الجامعه لا بأس به يوجد زملاء ساكنين فيه ومرتاحين وكذلك خراج الجامعه يوجد مناطق اذا رغبت بالسؤال عنها اقدر افيدك في الشقق فقط لانه لم يسبق لي ان استأجرت منزل .
اذا رغبت بمعلومات اكثر اقدر افيدك بس تحملني شوي لاني ما اخش هنا بانتظام لاني بالسعوديه وكل عام وانت بخير

الأخ yours الله يعطيك العافيه على المعلومات الطيبه وما قصرت وبالتوفيق لك بالدراسه ومنها للأعلى انشالله .
عندي سؤال وطلب اذا ممكن
هل السكن بالجامعه يجبرك ان تكون في وقت معين موجود في الجامعه كأن يحددوا لك وقت في المساء لا تتجاوزه خارج السكن ؟
وكم اسعار الشقق بالمناطق القريبه من الجامعه للعلم انني شخص واحد ؟

لا شكر على واجب عزيزي
بالنسبه لسكن للجامعه لا تفرض عليك اي قيوج بالدخول والخروج يكون معك مفتاح شقتك الالكتروني تقدر تدخل وتطلع باي وقت .
في مايتعلق بالشقق لشخص واحد في قلب منطقة اكسبردج الي هي موجود فيها الاسواق ( سوق بافليون وسوق شيمز ) والمحلات والبنوك والاندرجراوند واغلب مواقف الباصات . وبالباص الى الجامعه لا يتعدى 5 دقايق تقريبا الشقه غرفه واحده من 800 الى 900 باوند بس لاحظ انا اتكلم عن افضل الشقق من حيث الموقع والمستوى . وأكيد فيه شقق ارخص بس لا اعلم عن اسعارها وكذلك استوديوهات قريبه من الجامعه بس لا اعلم هل هي كثيره او قليله او متوفره .
انا ارجح السكن في الجامعه او في اكسبردج high street
يوجد ايضا كامباوند جدا ممتاز من حيث النظافه والترتيب والامن يقع في منطقة ويست درايتون اتوقع شقه غرفه واحده هناك بحدود 800 ويبعد عن الجامعه 20 دقيقه بالباص بس عيبه انه لا توجد محلات قريبه منه يعني تحتاج تمشي شوي للوصول الى المحلات انا شبق ان سكنت فيه وتركته لهذا السبب . ولكن للشخص الي يخطط شراء سياره اعتقد انه جدا مريح .

لدي نفس الاستفسار

ونفس التخصص

ممكن تفيدني بتجربتك في الجامعة وهل تنصح فيها؟