الي التحقو با البعثه يتفضلوون لل افاده........

ترا كل الي بغيته كل واحد التحق يقولنا كم الفتره الي جلسها في بريطانيا الين التحق بس .. مدري ليه عدد مشاهدات وبدون ردود بأنتظاركم....
للرفع....

انا عندي اضافة لسؤالك
هل افضل دراسة المعهد كعذر للماطلة في امور الالحاق ولو الشخص مو مره محتاج

بسم الله الرحمن الرحيم

السلام عليكم ورحمه الله وبركاته

الله يوفقك يارب وجميع الطلاب والطالبات مبتعثين وغير مبتعثين

بالنسبة لأستفسارك بقولك انا وش صار معي وان شاء الله تستفيد يارب منها وتعرف كل اللي تبيه

انا وصلت السنة اللي طافت نهاية شهر سبتمبر وكان معي قبول لغة فقط 6 شهور على حسابي الخاص ودرست يا طويل العمر لغة شهر و 3 أسابيع فقط

خلال الفترة هذي جبت قبول جامعة لمرحلة البكالورويوس عشان أقدر أفتح ملف طالب على حسابه الخاص بالملحقية وسويت أوراقي وكملتها حسب المطلوب من الملحقية

طبعا لازم يسوون فلم هندي لك ويقولون ليه قبولك غير مشروط وكذا المهم ما أعجبهم القبول جبت قبول ثاني من جامعة غير موقفة وقدمته

علما اني كنت بالسعودية وكنت اراسلهم من هناك طبعا هم ما أتوقع يدرون وين الطالب بس مراسلات وكذا المهم كملت أوراقي وتم فتح الملف وكل شي تمام وانا بالسعودية رجعت لأني ماقدرت أكمل على حسابي الخاص

بعدين بعد فترة جت مكرمة الملك الخاصة بطلاب بريطانيا الذين أنهو فترة اللغة فقط ويضمونهم للأبتعاث سويت أنا طلب ألتحاق ولكن تم رفضه بحكم أني للحين بمرحلة اللغة وما كلمتها

مع العلم لو أني كنت أختبرت آيلس وجبت الدرجة الملطوبة من الجامعة كان قدرت أدخل الجامعة بداية السنه ويضموني بس انا ما كان معاي أختبار آيلس

فا كملت جلستي بالسعودية لفترة 5 شهور الله لا يعيده لكن الحمد لله جت المكرمة الثانية لضم جميع الطلاب المبتعثين وضموني بشهر 3 مارس سويت فقط تحديث بيانات وطلب ألتحاق وضموني فقط

ورجعت الحمد لله أكمل فترة اللغة حاليا

فترة الألتحاق ليست ثابته توفيق من الله وطبعا الواسطة لها دور كبير عند ربعنا للأسف

ان شاء الله أكون أفدت أخوي

أختي أفضل الدراسة فترة لغة للفايدة وللمماطلة على قولتك وان شاء الله فترة هذي يكون الألحاق أسهل من قبل

بالتوفيق لكم واي خدمة حاضر


/

يعطيك العافيه اخ يوسف على الرد
والله انت فلم اكشن على ما انقبلت ^^
انا كان قصدي من الموضوع ان كل واحد يقولي من يوم دخل بريطانيا كم جلس على ماجاه الالحاق وهل قبل او بعد المكرمه عشان اعرف يعني متوسط الفتره من كم تالا كم واقدر احدد لي ميزانيه لاني ببروح عما قريب ^^ ودعواتك لي وتراني جايك في ليدز بأذن الله ^^

السلام عليكم
طبعا الالتحاق ارزاق وقسمة ونصيب وحظ وقبل كل شيء توفيق من الله
انا بطلع على حسابي ولكن اصحابي سبقوني بداية الصيف لا امريكا
طبعا درجات المرحلة الثانوية لا توهلهم للالتحاق بالبعثة
واحد منهم جامعي تقريبا معدله مقبول لكنه هندسة
طلعو من هنا معهد لغة وكلفو مكتب يجيب قبول جامعة ما قصر المعهد اعطاهم قبول الجامعه اول ما وصلو وانتظروا فقط اسبوعين والتحقو بالبعثة
هذا الكلام فبل شهرين من الحين
اتمنى لي ولك وللجميع التوفيق والالتحاق بالبعثة

اذا انا فلم أكشن اجل بتشوف أفلام رعب صدقني انا ولا شي بالنسبة لطلاب اللي جلسو سنه واكثر ما أنقبلو

المدة صدقني مالها متوسط ولا شي انا اعرف واحد جلس سنتين ما أنقبل وبالأخير رجع السعودية وراح بعدين أمريكا بدا من جديد وتحول على البعثه هناك

فا أنت لا تحط ببالك فترة معينة بالعكس مع ملحقيتنا حط أسوأ الأحتمالات للأسف

الواحد مفروض يتفاءل بالخير يجده لكن الشكوى لله

الحمد لله أنقبلنا والله يوفقك يارب وجميع الطلاب توكل على الله وشد حيلك وأن شاء الله بتتوفق


تحيتي

بإختصار يا عزيزي الإبتعاث والإلحاق نظاماً في بريطانيا مقفل وإنسى موضوعه . .

مالم يكن هناك مكرمة ملكية من خادم الحرمين الشريفين أو واسطة قوية

يعني اللي عليك تسجل اسمك بالملحقية وتنتظر مكرمة ملكية فقط

حطمتوني ):
لاكن مو مشكله اتمنى من كل الي يدخل بعد يحط لنا كم جلسس على ماجاك الالتحاق ومتى كان الكلام هاذا يعني متى هو سافر لبريطانيا
والاخوه الي الردو وابدو تعليقاتهم ياليت بعد يقولون لنا كم جلسو على ما التحقو ؟؟؟

اخوي العزيز انا بتكلملك عني انا كنت في بريطانيا من اول شهر في الصيفيه الي راحت اول ما وصلت هيناك رحت للملحقيه بفتح ملف كان معي قبول معهد بس مكنت عارف النظام المهم يوم جيتهم قالو جيب قبول جامعه ونفتح لك ملف و جبت قبول من جامعة اكسفورد برووكس بعد طلعة الروح و رحت بفتح ملف فتحته و كالو راح نراسلك اذا صار شي جديد و جلست شهر و نص لا حس ولا خبر فا قلت بجيهم واشوف وش صار في موضوعي ولمى جيتهم قالي واحد شغال هيناك يا سعود تبغاني اريحك احسن من تكلف على نفسك وتجي للندن على شان تسئل الملحقيه قلت ياليت قال لا تجينا الا بعد سنه لغه و 30 ساعه جامعه يعني بعد سنتين انا يوم قال كذا طلعتـ من عندهم للخطوط السعوديه في فكتوريا وعلى الرياض لدرجة والله والله اني خليت اغراضي عند العايله والكورس تو ما بعد خلص وانا الحين في الرياض لاكن بدا يرجع لي الامل بفضل الوالد وانشالله راجع هيناك بعد كم اسبوع انشالله لان كانت امنيه من امنياتي اني ادرس في بريطانيا وقال ابوي اذا ما ضموك للبعثه انا ادرسك على حسابي لين يضموك مع ان نسبتي في الثنوي 93% لا وخريج السنه ذي لاكن حسبي الله ونعم الوكيل