استلام شحنة بمطار لندن

هلا اخوي لوتو
بقولك اللي صار معي ( يوم اني كنت بكرتوني)
- طلعت من مدينيتي الى هيثرو بالترين تقريبا ساعة .
- رحت لخطوط طيران الامارات في اي صالة ما اذكر قلت عند طلبية وابي عنوان منطقة الشحن
-اخذت تاكسي من المطار وطلعنا لمنطقة الشحن قريبة من هيثرو المهم لقيت كل خطوط الطيران الا الاماراتيه مالقيتها , قلت لصاحب التاكسي وقف خلني بسأل ورفض ( ياني حقدت عليه ابن الايه)
- ورجعنا للمطار مره ثانية الصالات ( والحسابه بتحسب طبعا اخذ 40 باوند رايح جاي)
- رجعت للخطوط مره ثانية وقلت لهم العنوان حطأ تاكدوا منه المهم واخذ العنوان الجديد واخذ تاكسي مره ثانية
- دورنا طيران الامارات لقيتها في نفسي المنطقة بس من الخلف يعني لازم يكون عنوانك صح وصاحب التاكسي عارف المنطقة زين
- صاحب التاكسي الثاني اخذ حدود ال 30 باوند لانه اخذ له لفتين واشغلنا قلت يالله تستاهل ( منقهر من الدفع )
- وصلنا عند الحبايب ( طيران الامارات) طلعوا الطلبيه قالوا: تدفع ياحبيبي 70 باوند على ايش ، قالوا : رسوم ، على مين يابوي ااخوي دافع لكم فلوس في الرياض ، وقلت : ما راح اعطيكم ( مسوي فيها )
-المهم قلت الشكوى لله ندفع.
- يوم جيت ارجع طبعا مافيه تاكسي في المنطقة ، فيه باصات مجانية تابعة للمطار (الظاهر حقت موظفين ) ورحت للباص ستوب الين جا الباص وركبت فيه انا وطلبيتي ( مغامرات قروشه)
- كل هذا بسبب فلسفة اخوى الله يهديه ولاً قايل له وصلها الباب وريحني .

فا ياحبيبي يابلوتو شوري عليك

- اذا كان معك سيارة دق سلف على طيران الامارات وخذ البوست كود ولا توقف الا عندهم.....................( مبسوط معه سياره )
- ولا دق عليهم وخلهم يوصلونها لك البيت وهذا افضل حل ، لانك راح تخسر غير الفلوس التعب.
-والخيار لك

تحياتي لك

قروشه

على ماقولت قروشه في منطقه جنمب المطار اسمها جارجو وتجيك مثل مستودعات وكل وحده في لوحه الخطوط واذا بتروح بتكسي خذ منهم بوست كود وخله ينتظرك ويرجعك وبتدفع فلوس هناك تاكس خاص فيهم بالمطار