إستفسارات ضروريه .. أرجو الإجابه عليها

عزوز حبيبي
بورموث مدينة سياحيه جميلة
ولكن المشكلى ان اهلها مش ولابد
انا ماودي اخوفك بصراحه
بس انا رحت لها وجربت

** المدينة هذي حلوه بالصيف
لكن بغير الصيف تجيب الهم
فيها ميزهـ وهي كثرة الطلاب العرب
وبالاخص السعوديين والحضارمة

وجوها اعتقد الحين اعتقد انه شتاء
وعلى فكرهـ ترى الصيف برد
هذا يعني ان الشتاء ثلج يعني حط في
بالك انك تاخذ ملابس شتويه واجد

** اهلها مثل ما قلت لك وقحين
عيالهم يهينون الاجانب دايم
سواء في الباصات او في التاون سنتر
او حتى وانت ايح للبيت او الشقه
يعني ابعد عن مبزرتهم

** المعيشه فيها مثل اي مكان في بريطانيا
غالية جدا يعني الاكل اقل المطاعم فيها
مثل الماكدونالدز وهرفي تطلع عليك الوجبة
بحوالي 30 ريال سعودي (مع امكانية انك تاخذ اوراق
خصم من الكاشير ) وهذي نفعتنا واجد في سب واي وماكدونالدز
وفيه مطاعم عربية اكلها مرهـ حلو في شارع يقال له شارمنستر
يمكن اكثر من 6 مطاعم مع حلاقين عرب ومعسلات (هبلي ببلي) هع (:

** سؤالك عن الكنجز سكول انا بصراحه ما اعرفها زين
لكن هذا موقع مكتامل عنها وفيه معلومات كبيرهـ
واذا تبي سكول انا اعرفه في واحد اسمه وستبورن سكول
هذا رهيب والعرب فيه قليل مرهـ وسعرهـ على ما اعتقد ممتاز
وهذا موقع الكنجز سكول

http://www.kingsgroup-arabic.com/ksbournemouth.asp


** اما عن تفتيش اللاب توب
انا يوم سافرت لها انا واخوي
كان اللاب توب في يدينا ومافتشوهـ ابد
لا في القدوم ولا في المغادرهـ
لكن ترى هم خمااات يعني ممكن يفتشونه
واذا تبي نصيحتي اي برامج او افلام
منسوخه احذفها مالها داعي بدل ماتروح تدرس
تروح في محاكم وقضايا وغرامات
واذا رحت هناك ابد النت فله ماعليك الا تحمل
سرعة على كيف كيفك (:

اتمنى اكون افدتك واذا بغيت شئ
او قررت تروح هناك وتبي ادلك على شئ
ابد هذا ايميلي اضفني
ومالك الا اللي يرضيك

Dm3ah_666_@hotmail.com

اخوك :: DeAdMaN