دكتوري في القسم وكلامة اللي حطم احلامي فجأه وكرهني في البعثه ارجوكم ردو وادعيلكم

اخوي بصراحة الواسطة في السعودية هي التي لها القوة
للاسف لا شهادة لا معدل ولا مهارات ولا لغة تقدر توظفك قدام واحد عنده واسطة
للاسف الشديد هذا هو الوضع هو السائد في السعودية
للاسف الشديد سمعت انه في بعض المبتعثين رجعو وفعلا ما حصلو وظائف
فاذا كانت عندك واسطة تعال ولا تشيل هم واذا لا فكر الف مره
اتمنى ما احد يجي ويقول اني متشائم
انا كنت موظف في شركة واعرف كثير من اللي حاصل سواء في القطاع الخاص و الحكومي

الله يوفقك

مو شي جديد في السعودية ومن فشل وانحدار الى انحدار الى الامام يالسعودية

تحيااااتي

طمووح طبيب

ياسيدي ،،، الكلام هذا انا سمعته كثيييييييييييييييييييييييييييييييييييييييييييييييي يييييييييييييييييير حتى من اخواني ،،،

طلما انت صاحب هدف تتمنى تحقيقه ،،، لايحدك شيء عن هدفك ،،، موضوع الوظيفة ،،، قول لدكتورك ،،،(وفي السماء رزقكم وماتوعدون )
وقول له كمان ( لو انكم تتوكلون على الله حق توكله لرزقكم كما ترزق الطير ،تغدوا خماصا وتروح بطانا )

وموضوع التحطيم ،،، هذا ولاشيء ،،، انا صارت عندي مناعة من هذها الكلام ،،، والله ما اسمع لكلام أحد لأن كل انسان أدرى بنفسه وقدراته ،،،
ما عاد فيه هذاك الإنسان الحكيم ،،، الي تشتري منه الحكمة ،،،
فأصبح كل يهذي بما لايعرف ،،،

صديقي اتمنى لك التوفيق ،،،

الارزاق بيد رب العالمين

والدكتور مفروض منه كمتعلم اذا نصح مايجزم بشي ولا يمكن يقدر يتوقع وش يصير في مستقبلك او مستقبل البلد مهما بلغ من العلم عتيا

رايه بانك تطلع بعثة من جامعه ويكون لك مرجع اذا جيت وتكون وظيفتك جاهز صحيح بس مايعني ان اللي يطلع بدون مرجع ماراح يلقى وظيفة

ولو ان الوضع للي يتابع ويشوف يبعث على التشائم لمستقبلنا لكن مالنا غير نتوكل على الله

وانت اخوي اذا مضطر تطلع وانت انسان طموح فلذلك لا يوقفك شئ

وتوكل على الله ولا تتحطم وربك وسع برحمته ورزقه الثقلين ولن يعجز عن توفير لقمة عيش لبضعة الاف من المبتعثين

توكل على الله ولا توقف عند كلامه

كلامكم كله صح مدري اشلون انا صغيتله واستسلمت لكن مهما صار بإذن الله هدفي راح يتحقق بإذن المولى الكريم

واحب اوضحلكم وجهة نظر الدكتور

الدكتور يقصد ان السنوات اللي ادرسها يبغاها تحتسبلي في الخدمه ولمن ارجع يكون عندي رصيد من الخدمات وما ابدأ من جديد اضف الى ذلك مدري وش يصير بالضروف المستقبليه يعني ممكن يصير لي ضرف يرجعني وما اقدر اكمل فتكون وظيفتي جاهزة وخدمتي وراتبي شغالين وخايف علي من الواسطات بس لكن قالها الحسن البصري من قبلنا "علمت ان رزقي لن يأخذه غيري فإطمأن قلبي"

والله ان جات الوظيفة كمعيد ،،، وكمان تحسبلك خدمة حاجة كويسة ،،، وحسب رغبتك اهم شيء هدفك لازم تحققه بالتوفيق

% 100كلامك صحيح

كـــــلام دوافـــيـــر

في ظل الفساد الموجود أنسى تكون أحلامك مثل الأوربيين والعلماء والمفكريين

على الله

لأنك لو طلعت تدرس بتخسر من جيبك المكافأه ماتكفي في ظل الوضع المعيشي المرتفع وفوق ذا تحسهم يتمنّنون عليك وتعب وغلب وهم ومكده ولاهي جايبه حقها
وبترجع تاخذ رقم وتصف بالخدمه المدنيه ووقتها يمضي العمر وأنت منتظر

وتحسب نفسك يوم ترجع يسطّرون أسمك بالجريده أو يذكرون مشروع تخرجك أو يطلبونك شخصيا لتدوين قصة النجاح أو ينحتون أسمك على رخام المفكريين أو على الأقل وظيفه أكاديميه بالجامعه
لالالا لاتروح بعيد خذ ملف أخضر وحط شهادتك وقدم
لا إحنا الان في عصر التطور
مايحتاج ملف اخضر قدم بالنت وغني ياليل ماأطولك

ونهاية الكلام بعد الدراسه والعناء والغلب يطلبون منك خبره في تخصصك خمس سنيين إذا

لك الخيار

اخي الكريم استخير ثم اعقلها وتوكل واعلم ان رزقك لن يأخذه احد غيرك .