هنا تجمع مبتعثين بريطانيا

عااااااااااااادي جدا.
أنا خذيت الابليكشن وبعبيه الليله وبكره اقدمه لهم مع توصيتين وصورة الجواز والوثيقه والسجل.
بدون ضمان لانهم عارفين طلاب برنامج الملك معتنزين على الوزاره.
وبعديت اخترت جامعات بالهبل على كيفي .
حتى عندي ضمان مالي شخصي ولا خذوه.
وإذا تبين أو أي واحد من المنتدى أقدم لكم على أي جامعه أرسلوا أوراقكم كوبي على الايميل وعبي الابلكيشن من موقع الجامعه اللي تبين.
qahdali@ هوتميل وبكره أرد لكم.

الاخ القهدلي ايش هي الجامعات الي قالتلك جيب الاوراق الي ذكرتها وانهم رح ياخدوا طلبك على رغم من انو في عدد من الي راحوا المعرض في الرياض و الدمام وقالوا انو المندوبين رفضوا استلام اوراق .
وشكرا

لا شكر على واجب.
وملحوظه : وجدت سعوديين مندوبين لجامعات أو وكلاء للجامعات يقدرون يجيبون القبولات خلال اسبوعين.
يمكن يعطون أرقام جوالاتهم وبعدين يقدر يفاوض الواحد من برا معاهم ، لانه ممنوع يفاوضون واحد على قبول من مكاتبهم امام مندوب الجامعه البريطانيه.
واللي يبي أرقامهم يرسل رساله طلب على الخاص.

تفسيري لرفضهم استلام الاوراق في الدمام والرياض ان كل جامعه تقول ارسل طلب الابليكيشن عن طربق الموقع ، بس اليوم وبكره هي اخر يومين يعني كل جامعه تبي تمسك اكبر عدد ممكن من طلاب السعوديه وخصوصا طلاب برنامج الملك عبدالله.
وتجد احيانا في بعض الجامعات المندوبين السعوديين معاهم من باب الترجمه ومن باب جذب طلاب للقبول والمكتب مستفيد ايضا .
يقول البعض ان الجامعات اللي جاتنا هي جامعات ضعيفه وتدور للطلاب لأن مااحد يطلبها ومثل هالكلام.
بالعكس تماما جامعات كبيره وعلى مستوى راقي ، وتسعى كل جامعه على التنويع العرقي.
وبعدين الجامعات اللي حصلت قالوا انهم يقبلوا اوراقي مو وحده ولا ثنتين أغلب الجامعات ، واللي مقدم ماجستير وعنده لغه ممتازه هاذا يدورن عليه مداوير. ويعتبرونه صيده مدري ليش.
وبعدين أغلب الجامعات المحترمه تطلب معدل 3.80 من 5 فمافوق شرط القبول في الماستر.

الجامعات اللي حضرت 45 جامعه من 60 حضرت للمملكه.
وأغلبها طالبه الاتي:
1- وثيقة التخرج باللغه الانجليزيه. مع الختم طبق الاصل
2- السجل الاكاديمي باللغه الانجليزيه مع الختم طبق الاصل.
3- توصيتين علميتين يوقع عليها الدكتور صاحب التوصيه ولا يشترط ختم ، بس المشكله إنه في جامعات ترفض اذا كانت التوصيه كلها بالكمبيوتر يعني تكتب التوصيه بالكمبيوتر ماعدا النص اللي بيمدحك الدكتور فيه زي" حب الطالب للعلم والدراسات العليا وانه متفوق ومن هالكلام يكون بخط اليد.
واسمه وتوقيعه.
وحاولي ماتكون التوصيتين نفس الصيغه لانهم يرفضون هالشي.
وأما بالنسبه لخطاب الغرض من الدراسه ماحصلت يعني أحد اهتم فيه ، لكن جيبيه حتى لوطلبوه يكون جاهز.
4- صورة الجواز.
وبالتوفيق

ونسيت حاجه زياده اللي هي السيره الذاتيه ورقه واحده.

اح اح يعني لازم توصيات علمية
من وين اطامر ادور دكاترتنا ونشحذهم يعطونا توصية
وبعدين اغلب دكاترتنا مايعرفون انجليزي عشان يكتبون مدح

الله يعييييين
وشكرا

والله إنك أدلخ وفاهي على اسمك.
أدخل على قوقل ياحبيبي واكتب نموذج توصيه ويطلع لك اشكال .
اكتب لك وحده وقع عن الشيخ حقك.
بس اكتب الدكتور الفلان الفلان العنترناشي
اومدحه بسطر. وبعدين وقع عنه . ومش حالك لانه مو محتاج ختم
يعني رئيس قسم ولا نائبه حاجه زي كذا.
ياأبو الدلوخ.
بس حاب أقولك عسى لك اخوان غيرك ولا الله يخلف على أمك.