تم عمل حظر لي من قبل الشرطة البريطانية ..

وعليكم السلام

ياحبيبي اللي طلع لك جاء كمبيوتري قبل كم يوم بسبب تحميل برنامج .. هذا فيروس لا يهمك لو الشرطة يبونك طقوا الباب عليك لكن عشان توخر الفيروس هذا ابقولك اللي انا سويته:

1- حمل برنامج malwarebytes
2- وبرنامج superantivirusspyware
3- وبرنامج ccleaner
4- وبرنامج windows removal tool
5- وبرنامج trojan remover

اذا خلصت محملها ادخل على safe mode وسو سكان عن طريق كل البرامج اللي باللسته فوق .. والملفات اللي يحددها البرامج انها فيروس وقدرت تحدد مكانها امسحها على طول

تحياتي

مستحيل يكون من شرطه بريطانيه هذول هكر ويبون ياخذون منك فلوس وشكلك نزلت من موقع المقطع كان محمل معه فايروس الافضل انك تدخل من يوتيوب من جهاز الايفون وتشوف مقطع عن نوع جهازك كيف تسوي فورمات عليه وسولها ونزلك برنامج حمايه ولا اشترلك واحد مسوين عليها تخفيضات الان عشان الكريسمس ولا شف اي بي تلاقيه برخص تراب

اسهل طريقه ولا يهونون الشباب

ياابن الحلال والله انه فيروس ... من جدك بتدفع ... الشرطة البريطانية ماتتعامل بالاسلوب هذا ... انا ارسلت لك التعليمات على الخاص والاخوان ماقصروا هنا
لا تدفع ابدا .. ااذا بتريح راسك سوي فرومات وارتاح

ياخوي تراني من سنتين وانا احمل افلام من زود فسقة سرعة النت هنا وصرت احملها على هاردسك خارجي ولا عمره جاني مسج زي كذا بس الاكيد هو كلام الاخوان لو فيه مطالبه من البوليس كان جاتك بالبريد على البيت

..



ههههههههههههههههههههههههههههه


أما ناوي تدفع ؟؟
والله ياعليك مزاج ..


ياخوي تراهـ فايروس ..
وحتى لو دفعت مافيه حل مع الدفع / .

هههههههههههههههههههه يعني مو انا لحالي ,,

انا صار لي نفس المشكلة ,, بس مو مع البوليس ,, هذا سلمك الله مثل ماقالوا لك الاخوان اللي سبقوني بالرد ,, هذا هكر ويبغاك تدفع له فلوس ,,, واذا دفعت له صدقني مايمر اسبوع الا وهو مسوي فيك نفس السالفة ,, انا اول مرة جاتني من مايكروسوفت وطلع لي الف انذار وانذار ,, وانواع التهنيق ولا يفتح معي شي الا صفحة مايكروسوفت ويقولون لازم تدفع كذا وسبعين دولار ,, ولما دفعت << على نياته ,, جلس الجهاز اسبوع وهو تمام ,, بعدها طلع لي موال بشكل ثاني ,, سألت واحد من الشباب له في السوالف هذي ,, وقال لي حمل تروجان ريموفر واللي قاعد يصير لك انه هكر لاعب في الجهاز ,, وفعلا بعد ماشريت برنامج الحماية ضبطت الامور معي ,,,

ثانيا لو الشرطة وراء السالفة بيجون يسحبونك مع اذنك ولا راح يستخدمون معك مثل الاسلوب هذا ,,,

اخوي تعال بالمنطق

اول شي في نوعين من الاي بي

ايبي الاتصال بالانترنت وايبي الجهاز

لو قلنا ان الشرطة حظرت جهازك فهذا غلط لانهم عمرهم مايوصلوا لايبي الجهاز لو يفحطوا , اذا بيقفلوا فهم بيقفلوا اتصالك بالانترنت عن طريق الايبي الخاص بالاتصال .

والدليل على انه فايروس جرب لاب توبك على اي اتصال انترنت اخر وراح تلاقي نفس الرسالة , وبعدين لو القفل جا على نفس الايبي الخاص بالجهاز صدقني محا تقدر تدخل على السيف مود

جهازك فيه تروجان ملعووووون , والطريقة لأزالته انك تحمل اي انتي تروجان يكون يشتغل مع البوت لودر يعني مع اقلاع الجهاز زي التشيك ديسك لانك طبعا محا تقدر تدخل على الوضع العادي

حمل مكافح الفيروسات أفاست النسخة المجانية وما عليك راح تشوف كيف يطير الفيروسات والتروجانز بشلوت أرض جو
هذا الرابط Avast Free Antivirus - Reviews and free Avast Free Antivirus downloads at CNET Download.com
وأكبر ميزة في هذا البرنامج إنه يسوي فحص قبل إقلاع النظام يعني ما أمل الفيروسات تهرب أو تعطل البرنامج
شكلك بمانشستر لو انك في لندن كان صلحته لك ببلاش
اذا واجهتك مشاكل علمني