استفسار بسيط >>> الله يفرج عنه الي يساعدني

ياشباب واحد يحن علينا

وينكم يا شباب يورك

نصيحه قلتها لشخص يعز علي كثير: إذا تبي لغة فقط رح أمريكا أفضل، هناك تقدر تتكلم وتسولف مع الشعب، أما في بريطانيا تكون محصور بين طلاب المعهد اللي لغتهم من الأساس ضعيفه وما راح يتطور مستواك بحيث إنك راح تقول نفس الأخطاء كل مرة وما راح يصححون لك لان كلكم مستواكم مب عالي أعرف طلاب كثير في أمريكا يقولون إن الشعب جداً طيب ويسولفون كثير معهم، حتى ان بعضهم عندهم أصحاب أمريكان، وطبعاً كندا (أعتقد هي الأشد في التعليم) شعبها فرندلي أكثر من أمريكا
هذي وجهة نظري وحكمي، قد يختلف معي كثير من الناس، وانا ما اعرف المعهد اللي راح تدرس فيه، لكن بتجربتي الشخصية في معهدين، ما كانوا متشددين أبداً وهذا يعطي الواحد فرصة انه يتكاسل عن الدراسة، أما اللي اسمعه في أمريكا وكندا في الدراسة فهم جداً متشددين وعندهم اختبارات دايما ونجاح ورسوب خصوصاً كندا

وشهرين مدة قصيرة نسبياً وما راح يتطور مستواك تطور ملحوظ إلا في حالة وحدة، إنك خلال الشهرين ما تتكلم ولا كلمة عربي أما إنك تجلس في النهار مع عرب وفي الليل سكايب مع الأهل، ما راح تتعلم شي كذا

والله يوفقك

(ما كتبته يعبر عن رأيي ووجهة نظري وليس بالضرورة أن يكون صحيحاً)

لك رسالة على الخاص اخوي عبدالرحمن
اذا ما فتحت ارسل على الايميل ادناه
aaa1e10@gmail.com

شكرا لك khaleds على النصيحة واحترم وجهة نظرك

اخوي الانيق انا ماقدر ادخل على الخاص لان المشاركات ما تكفي
وشكرا على اهتمامك............

وينكم يا اهل الخبرة والتجربة

الله سهل امورك لكن اللغه تتحسن بالممارسه بعض زميلاتي وصلوا لبريطانيا مايعرفوا اي شيء الان ماشاء الله عليهم مره يتكلمون ويكتبون وجابوا الدرجه في الايلتس

ياغالي

انت طالب هندسه واللغه اللي تحتاجها اتوقع انها لغة تتعلق بتخصصك وهذا اللي انت تحتاجه

اذا طلعت تدرس بمعهد لغه عام راح يدرسونك لغه عامه وبما انك مستواك مهو متقدم باللغه فراح تروح الشهرين كلها بالقواعد وكيفية ترتيب الجمله وكتابة قصة عن الصيف اللي راح كيف قضيته مع الاهل والاصحاب !!

وليس هذا ماتريده باعتقادي ..

لكن بالنسبه لي ولرأيي الان توك ببداية الترم الثاني يعني معاك مالا يقل عن ثلاث شهور شوف لك معهد انجليزي عندك بالسعوديه ادخل فيه وخلهم يعلمونك القواعد هذي وكيفية التحدث على الاقل تصير تقدر تتخاطب وتحاول تطور نفسك فيها ودور لك بالصيف دورة لمدة شهر او شهرين على حسب الوقت اللي تقدر عليه وميزانيتك ايضا في نفس تخصصك دورة في شئ يتعلق بالهندسة الميكانيكيه

وبما ان هدفك هو تعلم لغة تتعلق بتخصصك اكثر فانت ماتفرق معاك انك تنجح فيها او ترسب ( ولو اني اتمنى انك تنجح لان الدورة تفيدك لو عديتها ) ولكن الهدف الاساسي انك تحتك بمجال يتعلق بالتخصص اللي انت تدرسه وتتعامل مع اجهزة وناس وبيئة كلها تدور حول تخصصك انت وبنفس الوقت تتخاطب معاهم وتطور لغتك الانجليزيه العامه ..

مجرد رأي بسيط وكلام من اخو لك يتحمل الخطأ او الصواب

فإن اصبت فمن الله .. وان اخطأت فمن نفسي والشيطان ..

اتمنى لك التوفيق اينما ذهبت

عبد الرحمن 000

تفكيرك انك تبغي تطور لغتك يكفي / اقصد بمعني ثاني الرغبة فوق كل شي


هذا رابط مرره حلو و مفيد أنا شخصيا تعلمت منه الكثير
Learn Real English Conversation Now
من خلال هذا الرابط راح تتعامل مع 3 مدرسين عن طريق اليوييوت
واذا حبيت تأخذ دروس خصوصية و لا احلي الشهر دولار واحد فقط
و بهذي ألطريقه راح توفر 25 الف
نصحتي لك انك تتعلم عن طريقه و اذا حسيت انك ما استفدت الله يعينك علي دفع 25 الف او اكثر

الله يوفقك ويسعدك هذا اللي أقدر أقوله