ايهما افضل امريكا ام بريطانيا؟؟

السلام عليكم ورحمة الله وبركاته انا مبتعث جديد وجاتني فرصه ادرس يا في امريكا او بريطانيا والاختيار بقوله لهم بكره الاحد ضروري

يعني ولا تهونون وش الافضل من ناحية الامان + انك تخلص بسرعه وماتحس بالملل

لاني سمعت من شباب انه الدراسه في بريطانيا 4 سنين وامريكا 5 سنين فياليت احد يوضحها لي او اذا هي غلط يعلمني شنو الصح

وسمعت انه بريطانيا وقت الشتاء تكون كئيبه جدا وفيه اوقات الشمس تشرق فتره بسيطه وترجع الظلمه

وفيه اساله ماتحضرني الان لكن مستني اجاباتكم لحد ما اتذكرها

بريطانيا نعم 4 سنوات غير فترة اللغة للبكالوريس

امريكا الحياة اسهل ورفاهية ولكن البعض لابفضلها لبعد مسافة الطيران


تواصل معي لارشادك ومساعدتك للقبول الخ

وعليكم السلام
طيب انا كان عندي نفس الاختيارين القدامك وتوكلت واخترت برطانيا للاسباب بقلك لية
اول شيء الامااان نسبة الامان في برطانيا كبيرة جدا والبلد كلها مراقبة بكاميرات يعني انسى احد يتعدى عليك ولة يروح حقك وثاني شيء عادلين جدا مافي فرق بين بنقالي ولة سويسري الكل يعامل حسب القانون
اما امريكا والله من البلاوي الاسمعها تصير فيها شيء صعب
ثاني شيء هي البلد الام للغة الانجليزية مو مثل امريكا الانجليزة فيها تختلف عن برطاينا .. وثالث شيء بعد المسافة ما بينك وبين السعودية الا 6 ساعات اما شف امريكا كم اضرب
ورابع شيء اذا قصدك من ناحية الفلة اقلك راح تفلها هنا فبرطانيا معروفة كدولة سياحية وعندك الاتحاد الاروبي كلة عندك ما عليك الا تطلع فيزة الشنغل وتتنقل في كل الدول الاروبية كل نهاية اسبوع في دولة
خامسا بالنسبة لعدد السنوات لو لغتك الانجليزية تعبانة تاخذ سنة لغة لو كويسة ما يحتاج بعدها في السنة التحضرية هذي ملزم فيها اي طالب ما درس المنهج العالمي طيب بعدها تاخذ تخصصك في الهندسة لمده 3 سنوات يعين كلها 4 بدون انجليزي وبالنجليزي تصير 5 سنوات
هذا ملخص بحثي للاكثر من 5 شهور واتمنى اني اكون افتك ولو بالقليل
تحياتي لك وبالتوفيق

مشكوووورين على سرعة التفاعل

بالنسبه للقبول راح تدبره لي الدوله وبعدها اذا رحت الدوله المقصوده اقدر اغير من هناك وبالنسبه لي انا راح ادرس هندسه كهربائيه انشالله فما اعرف هل سنين الدراسه في بريطانيا هي نفسها في امريكا او بريطانيا اسرع
والبكالريوس في امريكا 5 سنين معقوله ؟؟
وهل بريطانيا كئيبه من ناحية الانشطه والملاهي والجو ؟

ابو ساري جزاك الله خير لكن هل بكالريوس هندسه في امريكا 5 سنوات ؟
وانا سمعت ان جامعات بريطانيا صعبه جدا فهل تتوقع انها مقدور عليها ؟؟

في انتظار ردودكم يالنشاما

اللي في بريطانيا يمدح بريطانيا واللي في امريكا راح يمدحها
بريطانيا ما عندها صيفي امريكا فيها صيفي
بريطانيا غلى فاحش ،امريكا تزبط امورك تقريبا
بريطانيا قريبه ،امريكا بعيده


احسبها صح انت

لكن في بريطانيا تخلص البكالريوس اسرع من امريكا
وانا ابي بريطانيا ولكن اللي سمعته انها كئيبه وبارده جدا ودراستها صعبه

فما اعرف اذا هذي المعلومه صح او لا

مشكورين ياجماعه لكن انا ما احتاج قبول لكن ابغي اعرف ايش الفرق بين امريكا وبريطانيا لانه بكره لازم اختار

وانا ناوي ادرس هندسة كهربائيه بكالوريوس لكن محتار في الدوله

وابغي الرد السريع لاهنتو

الميزززه في دراسة امريكا حاجه وحده انوو تقدر تااخذ صيفي وتنززل جدولك ع كيفك ,, لو فيه ببريطانيا صيفي كان امدااناا نتخررج

والله انا مالي الا اسبوع ادرس في بريستول ... ياشيخ كئابه لا توصف مع اني متعرف على كم خليجي فيها وطلعاتي كلها معهم لكن مو مرتاح نفسيا

غير كذا غلاء فااااااحش .. بالنسبة للمعهد اشوف انه ممتاز بس الخواجه نفسه قشرا مثل الباص ضيعت اول يوم جيت عطيته العنوان قلت ابيك تنزلني عند اقرب محطه قالي ما ادل الشارع وهو الملعون كل يوم رايح جاي معه

بريستول الصوماليين فيها كثر التراب .. انا يوم ضيعت جيتهم سلمت من وين قلت سعودي من مكه وانا اصلا من الرياض هههه ياشيخ قامو كلهم من كراسيهم يسلمون علي عندهم اني صحابي ههههههه

بس اذا تبي انقليزي صح في بريطانيا .. فيه كلمات عارفها انا طلعت خطأ زي الصيدلية " فارمسي " .. طلعت بالبريطاني غير " كامست "
مشاركتي لا تاخدها كأولوية شف كلام الشباب بالاول بعدين كلامي " انا مالي الا اسبوع بس هذا الشي الي لاحظته " واستخر

واذا نفسك في بريطانيا ابتعد عن معهد في بريستول اسمه blc الكل يشتكي منه ..