تجمع الترجمه والمترجمين

العفو أختي
ولا يهمك ما تنلامين، ترين هذا مو اسمي في الأصل بس مسكت سالفة الاسم وخلاص وإلا هو في الأصل اسم مكان وإلا لا أمي ولا أبوي ولا عشيرتي ولا قبيلتي اسمها هليلة هههه

السلام عليكم ورحمة الله وبركاته
سؤال عاااااااااجل
أبغى أسماء كللللللل الجامعات البريطانية اللي فيها ماستر ترجمة..
و سؤال ثاني: هل أقدر أطلع بعثة من جامعتي و أدرس لغة في جامعة بفيزا Student Visitor؟ أم انهم ما يبتعثوني الا بفيزا Tier4؟
أرجو الرد في أقققققققققرب وقت ممممممممكن.. و شكككككرا

وأنا أقول لو ترجعين خمس، عشر، عشرين صفحة للوراء راح تلاقين "كل" الجامعات اللي فيها ترجمة والفروقات بينها في المتطلبات وطبيعتها.
وإلا ويش فايدة التجمع إذا كان كل شخص يبي إجابة خاصة له؟

أرجو أن تتقبلي كلامي بصدر رحب؛ لأن بعض الأعضاء ما يتعب نفسه يبحث، يبي إجابة جاهزة مجهزة.
أنا أقدر أسرد لك كل الجامعات وأذكر لك الفروقات في الشروط وطبيعة البرنامج نفسه، وإن كنت غير متخصص، فما بالك بالمتخصصين كصاحب الموضوع، لكن كل هذا سبق وتحدثنا عنه في صفحات سابقة، وصاحب الحاجة هو الذي يبحث عن حاجته.

تحياتي،،،

السلام عليكم
ما رأيكم في ماستر الترجمة بجامعة شيفيلد؟ وهل جامعة شيفيلد تقبلني أدرس عندهم لغة بفيزا طالب زائر؟
و شكرا

شهر مبارك على الجميع.. أعاننا الله على صيامه وقيامه...
معقولة ما أحد فيكم شاف سؤالي عن ماستر الترجمة في شيفيلد و الفيزا!!!

الله يتقبل من الجميع صالح الأعمال..

شفنا سؤالك يا أختي بس مو شرط يكون عندنا جواب لكل سؤال ...
فيه حدود لمعلوماتنا

سلامااااات وش فيكم معصبين في ردودكم علي!!!!
خلاص آسفه لأني سألتكم و توبه.

الله لايجيب العصبية...

بس الله يصلحك لازم تعرفين اننا هنا نتعاون ونتشارك خبراتنا..
لو ماجاك رد ماراح يكون السبب اننا نرفض المساعدة..
ماراح نرد إلا بكلام مؤكد لمصلحتك ومصلحة الجميع
بعض اللي يطرحون أسئلة يتوقعون اننا زي Google

ما أحد معصب ولا شيء
لكن السؤال اللي تم طرحه سابقاً الله لا يهينك دوري إجابته بنفسك
والسؤال اللي ما نعرف له جواب من وين نخترع لك جواب وحنا ما نعرف
والسؤال اللي نعرفه هذا نجاوبه، وصاحب الموضوع ما يقصر شوفيه يرد على كل الأسئلة اللي يعرفها
أما أنا فأنا ضيف في الموضوع على صاحبه وعلى الأعضاء الكرام وسلامتك وسلامة بني يعرب كلهم.

أخوك: مترجم مع وقف التنفيذ

sense of entitlement