تجمع طلاب وطالبات بريطانيا 2

اهلاُ وسهلا بالشباب و الشابات

انا بكمل ماستر تمويل و لكن عندي سؤال وش افضل الجامعات في بريطاني في هذا التخصص ومع العلم اني بدرس اللغة بنفس الجامعة وهل تكفي سنة لغة ؟؟؟

اسف على الاطالة

" لا أحدْ يتحدثُ بـ فصاحةٍ كـ الإحتراق".

بسمه & الاء .. :

ايه معهد الجامعه يطلب درجه معينه في الايلتس .. والدرجه المطلوبه عاده هي اربعه ونص في الايلتس او اربعه فاذا جبتي هذي الدرجه تدخلي معهد الجامعه الي بتدرسي فيها الماستر ..

# تقولين غريب .. انا اتوقع لانه لما تدخلي معهد الجامعه .. خلاص ماراح ينظرو الى انك تجيبي درجه سته ونص في الايلتس عشان تبداي الماستر .. فهما نظامهم انك تدرسي في معهد الجامعه وتجتازي المواد المقرره عليك وماينظرو الى درجه الايلتس ..


بعكس لو انك تدرسي في معهد خاص غير تابع لجامعه .. هنا يجب عليك ان تاتي بدرجه سته ونص المطلوبه لدخول الماستر ..


ومن ناحيه الافضليه والقوه بلاشك ان معهد الجامعه افضل بكثير بكونه اكاديمي وسيفيدك في مجال تخصصك

السلام عليكم ورحمة الله وبركاته

موضوع حلووو ويسلمووو على المعلومات الرائعه

بس بصراحه اول مره اعرف هالمعلومه عن دراسة اللغه في معهد الجامعه ..

طيب يا(أخ أو أخت) Ti amo أذا لازم يكون عندي بالايلتس معدل اربعه ونص لمعهد الجامعة .. هل أختبر هنا واشوف معدلي وبناء على ذلك اراسلهم علشان احصل على القبول والا لازم نختبر عندهم علشان احصل على القبول؟؟ وكيف نظام دراسة اللغه كمقررات ياريت توضح لنا هالشئ اكثر..

والأخ ترابيل ذكر ( (حتى لو تدخل معهد اللغة حق الجامعة لازم تجيب الدرجة المطلوبة في إختبارالـ IESTL...!!!
وبعدين... لو ما فيه إختبار IESTL، وققرتي إنك تغيري الجامعة...
ترجعين وتعيدين اللغة من جديد ؟؟))

يعني لو غيرت الجامعه بدون اجتياز كورساتهم اعيد اللغه والا كيف.؟

ياريت توضحوا لنا اكثر وايش الافضل دراسه اللغه بمعاهد خاصه والا بمعاهد الجامعه

انا عني الصراحه حابه ادرس لغه بكامبريدج ومحتاره بين المعاهد هناك لان دراستي للجامعه راح تكون في سكوتلندا وكثير نصحوني ماادرس لغه هناك لان لهجتهم صعبه ..

انتظر سماع ردكم

حتى لو تدخل معهد اللغة حق الجامعة لازم تجيب الدرجة المطلوبة في إختبارالـ IESTL...!!!
وبعدين... لو ما فيه إختبار IESTL، وققرتي إنك تغيري الجامعة...
ترجعين وتعيدين اللغة من جديد ؟؟

ترابل اي وضح ياخيو مو فاهمتك ؟؟؟

بعدين على طاري الهجولة انا بنت قشي واموري كثيرة بعدين جد جد انا صعبة اتكيف بسرعه شايلة هم اصلا الحين اني اتكيف في المكان اللي اروحه فعشان كذا ما اقدر اروح مكانين

المهم

عندي لكم معلومة حلوة عندي كتاب من السفارة فيه كل المعاهد المعتمدة في المناطق توني اكتشفه المهم

اللي يبغاني اشوفله منطقته واحصرله فيه المعاهد يقولي طيب بالمنطقة اوك

انا اللي اعرفه ..
انو الجامعات اللي فيها معهد لغة تابع لها .. ممكن الواحد يدخلوا حتى بدون درجة IELTS

وفي جامعات مافيه معهد لغة .. بس تسوي كورسات لغة .. ودي شرط فيها انو تكون درجة اختبار ال IELTS ..
4ونص او 5 .. او حسب المكتوب..

ونسيت شي كمان .. انو الكورسات دي تكون لمدة شهر ونص او 3 شهور .. قبل الدراسة

 المشاركة الأصلية كتبت بواسطة باحثه

السلام عليكم ورحمة الله وبركاته

# اختي اولا بالنسبه لكلام ترابل ماني فاهمه بالظبط .. لكن مساءله انك تعيدي الكورس غير وارده لانك اصلا بتكوني دارسه وعندك محصول معين فما تبداي من جديد انما تكون دراستك على حسب مستواك فمثلا انتي درستي شهرر وتتطور مستواك وتروحي معهد ثاني مش مممكن تعيدي دراسه هذا الشهر انما تبداي من المستوى الي لازم تكوني فيه تبعا لمستواك للغه ..

ومساءله الدرجه هم يطلبو درجه معينه ,, فين تختبري ؟؟ مم تختبري باي مكان يقدم اختبا الايلتس وتقدمي شهاده الايلتس المعتمده دوليا الى الجامعه وتقولي انا جايبه اربعه ونص ..


ميزه معهد الجامعه انه يدخلك الماستر بدون مايكون فيه درجه مطلوبه للغه .. بحيث اجتيازك لمقررات المعهد تخولك الدخول للماستر .. وعلا فكره هذي الطريقه هي الي بالغالب الناس تحاول تسويهاا .. بعطيك مثال : واحد ميح باللغه ماعنده شي يروح يدرس بمعهد خاص يدرس فتره معينه لما يوصل مستواه الى انه يقدر يجيب درجه اربعه بالايلتس او اربعه ونص فيروح يحول لمعهد الجامعه افضل له .. واسهل له لانه لو بيكمل في معهد خاص بيجلس يختبر ايلتس لما يوصل الى سته ونص الي تدخله الماستر اما بمعهد الجامعه ماينظرو لدرجه الايلتس انما ينظرو الى اجتيازك مقرراتهم الي هي اسهل من انك تختبري ايلتس عشان تجيبي سته ونص


قلتلك اختبار الايلتس تختبريه باي مكان لانه شهادته دوليه .. فاختبرتي هنا او هناك كله واحد ..
مع العلم انه درجه اربعه ونص انا حددتها بناء على سؤالي عن جامعه غلاسكو وكيف ادخل معهد اللغه فقالو لازم تجيب اربعه ونص بالايلتس .. واغلب الجامعات القويه نفس الشرط تطبقه