مجموعة اسئله اتمنى انكم تجاوبوني عليها

April 13th, 2012, 11:50 PM

السلام عليكم ورحمة الله وبركاته
اول شي, انا معيده, واذا تم ابتعاثي ان شاء الله حاكون تبع الجامعه. اول سؤال هو, هل ينطبق علينا ما ينطبق على مبتعثين برنامج الملك عبدالله من ناحية الجامعات الموقوفه؟ يعني هل يشملنا قرار وزارة التعليم العالي بمنع الابتعاث للجامعات الموقوفه نظرا للتكدس؟

ثانيا, لما استخدمت محرك البحث التابع لوزارة التعليم العالي على موقع الوزارة, وحطيت تخصصي اللي هو ادب انجليزي, طلعت لي 12 جامعه بس, وماهي من الجامعات القويه. طبعا اعدت البحث من غير كتابة اسم التخصص, وطلعت لي اسماء جامعات مرموقه, مثل اوكسفورد و وارويك. هل هذا معناه ان تخصصي موجود في هذي الجامعات, لكن الوزاره ماتنصح اروح هناك لان الجامعه ماهي قويه في التخصص, والا هو وكالعاده, الموقع مخبط؟

ثالثا, كلمت عدد من المشرفين, وبعضهم رد علي بان الموضوع عجبهم, لكن ما يقدرون ياخذون طلاب زياده, وانهم راح يحولوني لرئيس القسم عشان يعين لي مشرف. الردزد استلمتها اليوم, فحابه اسال, ابني امل عليها, والا جالسين يصرفوني؟ هل في احد مر عليه نفس الرد؟

رابعاا, فيه مشرف ابدى اعجابه بموضوع البحث, لكن رقع لي كم سؤال, ويبغاني اجاوب عليهم. اذا ان شاء الله قبل يشتغل معاي, هل اضمن القبول, والا حتى راي المشرف لا يقدم ولا ياخر؟

خامسا, في مشرف ابدى اعجابه بالموضوع, وقال انه متحمس يشتغل معاي عليه, لكن يقول انه ماعنده اي خلفيه عن النظريه اللي راح استخدمها في البحث, وان جيتو للحق, النظريه معقده شوي, لكن ابدى اقتراح انه يجيب مشرف ثاني, ويساعدوني هما الاثنين في البحث. رأيكم يا جماعة الخير؟ امشي معاه, والا اعتذر منه, واقول له ما اقدر؟

سادسا, معدلي في الماجستير امتياز ولله الحمد, لكن عندي درجه وحده جيدجدا في وحده من المواد, هل حيأثر في القبول, والا راح ياخذون بالمستوى العام؟

شكرا لوقتكم. عارفه ان اسئلتي اسئلة وحده موسوسه, بس اش اسوي. انا من النوع اللي افكر في ادق التفاصيل, واشيل همها كمان.

جزاكم الله خير مسبقا

• نشر عبر تويتر
• نشر عبر فيسبوك
• نشر عبر جوجل