إستشاره بشأن قبول الجامعة بعد الفاونديشن (مشكلة)

June 23rd, 2012, 04:53 PM

السلام عليكم ورحمة الله وبركاته ..

يا جماعة الخير أخوكم ما ينام الليل من الخوف
أنا أدرس الفاونديشن لتخصص الهندسة في FoundationCampus بمدينة سندرلاند وكانت غلطة كبيرة يوم جيت أدرس عندهم، لكن لعلها خير

المهم إن هالفاونديشن مستواه جداً سيئ (سواء المنهج أو التعليم أو التنظيم...) وأنا كان نيتي إني أدرس في جامعة مانشستر لكن للأسف مشاكل البعثه أجبرتني إني أدخل بأول جامعة تقبلني وقالولي إن يمديني أنقل من الجامعة بعد الفاونديشن

الحمدلله الآن أنهيت ترمين وجالس أدرس الترم الأخير اللي راح ينتهي في 21 رمضان إن شاء الله
المشكلة هي إني في الفيزياء المستوى الثالث جاء مدرس جداً سيئ وما كان يشرح وإن شرح جاب العيد وولا يفهم شي بالفيزياء واشتكينا كثييير عليه لكن مافيه أي فايدة كل ما نروح يصرفوننا،، يتلاعبون بالكلام بطريقة عجيبه
واجتهدنا كلنا اجتهاد شخصي والله جلسنا بالساعات نذاكر كل يوم وفي نهاية الترم نجحنا 3 طلاب فقط في الكلاس (والباقين سوولهم اختبار تحسين ودفوهم لدرجة النجاح) وللأسف درجتي كانت 47 من 100 ~ والمادة عليها 60% من متوسط الفيزياء ~ وبكذا صار متوسط الفيزياء الخاص بي 61.2% وانهيت كل مستويات الفيزياء
في الإنجليزي الحمدلله جبت المتوسط 6 في ترمين متتالين في اختبارهم والرياضيات الحمدلله درجتي فيه فوق 90 والحاسب بعد درجتي فيه عالية والمتوسط النهائي راح يكون فوق 80% لكل المواد بإذن الله

لكن المشكلة هي إني خايف من درجة الفيزياء اللي يمكن بسببها ما أنقبل بجامعة ترتيبها جيد،،،
في موقع اليوكاز حطيت 4 رغبات، 1)جامعة مانشستر 2)جامعة نيوكاسل 3)جامعة برمنغهام 4)جامعة نوتنقهام ~ وتركت الرغبة الخامسة فاضية من باب الإحتياط في حال إني ما انقبلت في الجامعات السابقة يصير آخذ جامعة بترتيب أقل عشان يكون قبول مضبوط عشان ما أتورط

آخر موعد للتقديم هو تاريخ 30 جون يعني ما بقى الا اسبوع واحد يعني إذا انرفضت فخلاص ما فيه محاولة ثانية ~

في الأخير،،
علموني وش أسوي والله خايف إني ما أنقبل في الجامعة بسبب درجة الفيزياء اللي نزلت المعدل كامل فيه واحد من طلاب جامعة نوتنقهام قالي إن الجامعة تطلب 70% عالفيزيا و70% عالرياضيات و60% كامل المواد
إذا كان هالكلام صحيح فيعني القبول خلاص ضاع !!

ياااااارب

• نشر عبر تويتر
• نشر عبر فيسبوك
• نشر عبر جوجل