استفسار بدرس ماستر قانون .. ومعلوماتي صفر عن الجامعات والمعاهد.. احتاج مساعد من الجميع

اللي أعرفه أن LLM يعني محاماه مو بس قانون، لكن الماستر العادي MA او MSc بس قانون يعني ماتقدر تمارس فيها المحاماه، وآي ثينك LLM أفضل ،بس أعتقد يعتمد على نظام بلدك، ويفضل تتاكد أكثر من القانونيين.

موعد التقديم علشان تدرس في سبتمنبر/اكتوبر٢٠١٣ ،، تقدر تقدم من الحين لغاية شهر ٥ تقريبا، ممكن تسجل بعدين ، لكن هناك مقاعد محدوده في الجامعات الجيده وكل ما قدمت بدري كان أفضل، لأن التقديم في بريطانيا لايوجد له موعد نهائي نفس الولايات المتحده، بل اللي يقدم قبل ممكن يحصل اوفر لو كان مناسب وتظل مقاعد قليله مع نهاية شهر ٥ أو ٦ ، فكل ما قدمت بدري كان أفضل وكانت فرص قبولك أفضل،،

بخصوص الانجلش، غالبا تحتاج ٦ ونص بالايلتس، لكن بعض الجامعات تطلب درجه اعلى لطلبة القانون ، غالبا ٧ ، فالأفضل تدرس من الحين للايلتس وتمتحن علشان تشوف نتيجتك ، لو ماعجبتك عندك امكانيه تعيده ،، لو جبت درجه أقل من الدرجه المطلوبه بدرجة أو نصف درجة، تقدر تدخل بريسونال لمدة ٥ اسابيع او ١٠ اسابيع مع الجامعه نفسها قبل بدء الماستر، وبمجرد نجاحك بالبريسونال تدخل ع الماستر، لكن درجة البريسونال مالها علاقه بدرجة الماستر.. اذا جبت ناقص بأكثر من الدرجه الجامعه ماراح تقبلك

اذا تبي تدخل معهد لغه من نفسك، فهذا شي ثاني وماله علاقه بالجامعه، بعض الجامعات ممكن تطرح كورسات لغه لكن شي ماله دخل بالماستر. ودرجتها مالها علاقه، فقط لتقوية لغتك .


أفضل الجامعات في القانون في بريطانيا هي ،
اكسفورد، كامبردج، LSE , Kings , UCL , (اكثر من ممتازه)

واوريك، أدنبره، مانشستر، بريستول، (ممتازه)

جلاسجو، بيرمنجهام، ليدز، نونتجهام، ستراثكليد، كوين ماري، SOAS , كوينز بلفاست (جيده)

توجد غيرها ايضا جامعات جيده مثل درم


بالنسبه لوين احسن امريكا ولا بريطانيا، اعتقد يعتمد بالدرجه الاولى ع الجامعه، يعني مستوى الجامعه سواء في امريكا ولا بريطانيا، هذا رانك الجامعات في العالم، وممكن تشوف ترتيب الجامعات في القانون في كل العالم من ضمنها امريكا وبريطانيا، بس خل في بالك ان اميركا سنتين وبريطانيا سنه حسب نوع الماستر طبعا، لان مر علي طلاب في نفس الجامعه بعضهم يدرس سنه وبعضهم سنتين، حسب نوع الماستر،

QS World University Rankings - Topuniversities

بالتوفيق

أنا مثلك حايس إلى الان

حصلت جامعتنين في تخصص القانون التجاري الي هي شيلفيد و بريمقنهام الأولى قالوا ما نبي طلاب دوليين والثانيه إلى الان نتظر ردهم

بس أنت لازم تحدد وش نوع الماستر الي تبيه في القانون ( تجاري , إداري . جنائي . تجاري دولي . وغيرها )

وبعدها تبحث عن الجامعه الي تحصل فيها التخصص الي أنت تبغاه وتقيس عليها ..

والله يكتب لك الي فيه الخير ..

يعطيك ربي الف الف عافيه ومشكورة وماقصرتي
انا الحين جالس ابحث عن معاهد تابعه للجامعه القبول مشروط فيها بببريطانيا
ابي قانون تجاري