تجمع طلاب جامعة بانقور Bangor

شباب شكلي بطفشكم بحكاية السكن
تو الجامعه مرسليني إيميل بخصوص السكن في الجامعه الـ Halls
قالولي انه السكن متوفر بس المشكلة كل الغرفة الموجود حاليا بحمامات مشتركة
فبسأل كيف نظام السكن خارج الجامعه هل أفضل من سكن الجامعه وكيف متوسط الاسعار
مشكور أخوي اللورد بتعبك معاي

Kremoo12

صادق السكن بالجامعة موجود بس شارينق باثروم
يعني الحمام الله يعزك مشترك مع 5 غرف تقريباً
عشان كذا ماجبلك طاري....

بس السكن خارج الجامعة حلو وافخم من الجامعة بس مشكلته النت شوي مو سريع
حلو
والاسعار الغرفة بحمام الله يعزك تقريباً بـ 77 الى 107 بالاسبوع على حسب الغرفة او استيديو
مع 250 باوند رسوم حجز وتامين و 220 رسوم انترنت والماء والكهرباء تدفع مقدما مرة واحدة عن مدة سنة كاملة.

واذا تبي احجز لك حاضر بس عطني المعلومات كاملة واضبط امورك كلها قبل ماتجي..

ملاحضة: الكلام للجميع انا حاضر.

اللورد

طيب اخوي الله لا يهيينك ممكن تعطين شرح بسيط عن السكن هذا وكيف نظامه ؟
هل هو مثل سكن الجامعه وفيه طلاب وبينهم غرفه مشتركه ويجلسون دايم فيها والا كل واحد لاهي لحاله ؟
لاني ودي اعيش جو سكن الجامعه لاني زهقت من الشقق والعوائل
وكم يبعد عن الجامعه ؟

مرتاح البال

اولاً عندي سِؤال انت في بريطانيا بـ بورموث؟؟

اما بالنسبة للسكن نظامة ياطويل العمر بالنسبة للغرف>>> سيب وفية خمس غرف وبينهم مطبخ وكل غرفة بحمامها الله يعزك
والاجتماع يكون بالمطبخ لانة فيه جلسة او برا بالمواقف على حسب الجو يعني انا واعوذ بالله من كلمة انا....
ساكن بنفس السكن ومرتاح البال انا مو انت ههههههه
ودايم نجتمع انا والشباب والامور كلها تمام

اما بالنسبة للاستديو>>>> يكون سرير دبل ومطبخ صغير وزي الجلسة صغيرة مع حمامها الله يعزك. وهذا بـ 107 باوند بالاسبوع.

علاوة على اللي قلت لك اذا تبي غرفة شوف اللي ساكنين معك احسن عشان تعرف اذا ترتاح معهم ولا لا.

اللورد

يالبى قلبك ياللورد لا انا بلندن بس اول مكان نزلت فيه بورموث ولا غيرة المكان
طيب يالحبيب ما قلت لي كم يبعد عن الجامعه وهل السكن الي فيه سعوديين والا خليط ؟

مرتاح البال

طيب انت اكيد جاي ولا ؟؟؟

عموماً السكن قريب من الجامعة تقريباً 10 دقايق مشي.

والسكن خليط يعني مشكل فيه انجليز وعرب وجليجيين وبكيمونات>>> صينيين ومشكل يعني.

اللورد

ان شاء الله
هو مفترض اني اجي امس واجلتها الى بكره وبعدين قلت بخليها الجمعه

مرحبا اخوي لورد ,

انا انشالله راح اكون متواجد في بناجور يوم السبت القادم بس ماحجزت السكن الى الحين ياليت تساعدني اخوي لورد واذا تبي اي معلومات ازودك فيها انا علمني

ويعطيك الف عافيه

السلاااااااااااااااااااااااااااام عليكم..
كيفكم يالسعوديين..<<<< احلى يالبانقورييه..
ابشركم وصلت بانقور..
بس ماادري وش اقول..
الله يعين بس..
الحين انا ادور على سكن.. بس مررره محتاره مافيه خيارات واجد...
اللي قريب من الجامعه مااعجبني وسخ ومررره ضيق..
طريق الجامعه متعب وجبلي..
دعواتكم ان ربي يسهلها علي..
وانتوا الله يعينكم يارب ويسهل عليكم..
(اختكم من بانقور)

السلام عليكم جميعا
و المعذره لاني ما راسلت بس اخوي اللورد ( جاري بالسكن ) يدري اني مريض و ما قمت من الفراش طول اليوم

انا راح ارد بشكل سريع ع الجميع:

واحد من الاخوان جاء امس ل بانغور ... و يشهد الله اني ما قصرت معا و انا سالت الجامعه عن سكن في السكن الداخلي للجامعه و قالوا لي ما في ابد .

و لكن ( و الكلام للجميع ) اللي يبغى سكن يروح الى مبنى Student Union اللي مقابل مكتبه ال Dinael Library و يطلع ع الطابق الثالث و هناك في اكتر من 100 غرفه و سكن خاليه و فيها كل المواصفات اللي تبغونها ( غرفه وحده _ غرفتين _ سبع غرف اللي تبيه ) و للعوائل كمان يعني ما عندكم مشكله و اعذروني ع التقصير بس والله المرض اقوئ مني و الامتحانات النهائيه بعد 5 ايام

و مع كذا احنا بالخدمه

اخوكم /

ابو صيام