تجمع طلاب جامعة بانقور Bangor

السلام عليكم ورحمته الله وبركاته

أختي ممكن توضحين نقطة انه مافيه الا كلاس واحد للجنرال انجلش ولجميع المستويات

لاني جاي خلال هاليومين ابحث سكن لي ولزوجتي

ودراستي انا تبدأ في 7 ابريل ودراسة زوجتي في شهر 7

فإذا كان المعهد ماينفعني كثير ياريت تعطيني وجهة نظرك قبل لا ابحث عن السكن وأوقع على العقد

وياريت توضحين مدى استفادتك من اللغة خلال الفترة الي درستي فيها
وفي اي مستوى انتي يعني انتي لغتة كويسه ولا متوسطه ولا ضعيفة

وهل يوجد عوائل سعوديين فيها وكم عدد العوائل؟

وشكرا مقدما

واسفين على كثرة الاسئلة

الجامعة معترف فيها
والسكن الجامعي جدا ممتاز مع انو غالي شوي
واي استفسار انا حاضر

السلام عليكم

أخوي وش رايك بالمعهد وبالكلام المكتوب في موضوع اختنا رهف

وهل فيه عوائل سعوديين

وشكرا لك

بالنسبة للمعهد ماادري كيف وضعه بالضبظ وبالنسبة للجامعه صح بعد البريم ماستر تدخل على طول الجامعه
وفي عوائل سعودية شوفتها بس جدا قليلة
وهيه تعتبر مدينة رخيصة المعيشة واهلها حبوبين بس اللغة عندهم شوية فيها تكسيرة

هلا اخوي مبتعث بنكي

تعم يوجد فيها سكن للمتزوجين ويقع في طلعه جامده بحكم انها منطقه جبليه والله يعينكم لو بتسكن بسكن الجامعه ..

هلا اخوي ابو محمد

اقصد ان المعهد مافتح غير كلاس واحد للجنرال انجلش في طلاب بمختلف مستوياتهم من المبتدئ الى المتوسط واحتمال يفتحون كلاس جديد في 7 أبريل على كلامهم ..

طبعا صعب يااخوي احكم على مستوى المعهد بحكم انني جديده ومالي غير 3 اسابيع ومادرست غير اسبوع واحد ومستواي باللغه متوسط بس حبيت اركز على معلومه ماعندهم تحضير لاختبار الآيلس باختلاف المعاهد الاخرى ..

مااعرف عدد العوائل بالضبط بس قليل على حسب ماسمعته ,,وفي دفعات جايه في ابريل

موفقين يارب

رهف

في شيء غريب انتبهتله قبل شوي
ان الجامعة مو معترف فيها بالنسبة لبعض التخصصات كالكيمياء مثلا وجاني قبول فيها من طرف الوزارة
قبل شوي شيكت على موقع الوزارة على الجامعات الموصى فيها مالقيت جامعة بانجور بالنسبة للكيمياء

أختي رهف الله يجزاك الف خير ويوسع لك في الدنيا والاخره ويوفقك يارب

-------------------------------------------------





أخوي مديني موقع الوزارة قديم ولم يتم عمل تحديثه له

اذا انت موجود في الرياض كلم ادارةالبعثات وهم يعطوك القائمة الجديدة

واذا لم تكن في الرياض كلم احد تعرفه يرسلك الورقه

او كلمهم ويرسلوها لك على الفاكس

أختي رهف
هل الأفضل السكن الذي ويقع في طلعه جامده بحكم انها منطقه جبليه أو بسكن الجامعه ، وليش الله يعيني على سكن الجامعة

أنا الي عارفه إن الجامعة مو معترف فيها ، هل فيه شي جديد بالموضوع

هلا اخوي

سكن الجامعه هو اللي يقع في طلعه جامده وسعره معقول وشامل لكل شي بس موقعه متعب شوي عموما لو جيت وتشوف الوضع وتقرر..

موفقين يارب

رهف