تجمع طلاب جامعة بانقور Bangor

أخواني المبتعثين في بانجور هل في أحد درس أو يدرس ماستر ماليه ممكن يفيدني بمعلوماته عن
طبيعة البرنامج سلبياته و إيجابياته؟

انا اعرف واحد يدرس في نفس تخصصك والان هو على وشك تخرج يعني باقي الرسالة بس

ومره مبسوط ومرتاح يقول الامور محتاجه شوية حرص واجتهاد لا اكثر والللى اسمعه منهم انهم مره مرتاحين الا من دكتور واحد وحتى قالوا لنا راح نعلمك هو ايش يبغى من الطالب يعني الدكتور له تعامل خاص <<<<< شكل هالدكتور يعطي محاضرت بجامعة الملك سعود
وبالنسبة لتخصصك ترى كل الاشياء اللي طلبت من طلاب المالية موجوده ومحفوظه بفلاش بحوث اختبارات كل شي طلب منهم و نفذوه.
وبالنسبة لسلبيات انا اشوف ياختي انها تختلف من شخص لاخر يعني لو سالتيني عن مدينة بانقور بقولك سلبياتها اكثر من ايجابيتها بعكس شخص ثاني يخالفني الراي

هذا المواد حقت تخصص المالية

http://www.bangor.ac.uk/courses/post...subjectarea=21






كيف المعيشة في بانجور من جميع الجوانب؟

متعبه بالبداية .
نوعا ما جيده بالمستقبل .

من ناحية قوة الجامعه من اقوى الجامعات في البزنس
من ناحية العوائل السعودية كل يوم يزيدون
من ناحية الجو يوم برد يوم حر
من ناحية الدراسة جوها يساعد هادي
من ناحية تخصصك مره قوي

من ناحية الترفيه ولاشي موجود
من ناحية التسوق ولاشي موجود
من ناحية
تجربتي :
والله انا اشوف انه شوي كانت صعبه علي اني اتاقلم على الوضع هنا لاني كنت قبل ادرس في بورمث وبعدها لندن واخرتها العلة بانقور لكن لو فكرنا فيها شوي لقينها تستاهل منا انا نضحي كلها 10 شهور وكل شي ينتهي يعني شويت طولت بال وكل شي بيكون تمام .



هل تشجعوني أقبل
العرض أو أستمر في البحث عن بديل مع العلم إني حصلت نفس الشي قبول مشروط في جامعة هل
ماستر إداره ماليه!؟

هنا القرار قرراك لازم تشوفين انتي راح تقدرين تتأفلمين مع الوضع هنا اذا تقدرين تؤكل على الله واقبلي اذا ممكن تحسين بالتعب والغربه فكري وابحثي عن بديل للمعلومية جامعة بانقور تعتمد على الاختبارات بعكس جامعة هل اغلبها بحوث .

لا تاخذين وجهة نظري بعين الاعتبار اسالي واحد واثنين وثلاثه بس لا تكثير اسئله لانك راح تتوهقين بكثرة وجهات النظر


اتمنى لك التوفيق وترها 10 شهور ان شاء الله بتعدي استخيري واتخذي قرار .

اختي londoneye

الله يوفقك ويسهل امرك
انا ليا تقريبا ثلاث اسابيع مقدمة الابليكشن لجامعة بانقور فما ادري متى يرسلون لي القبول ؟؟؟؟؟؟؟؟
هل اراسلهم واسألهم عن وضع الطلب؟؟؟؟؟؟؟؟

محتارة

أخي khalod
اشكرك على الرد واتمنى لك التوفيق
لكن انا اقصد هل يوجد في جامعة بانجور تخصص MSc Accounting فقط
لاني دخل على الربط ووجدت MSc Accounting and Finance
واذا كان لايوجد في جامعة بانجور هل يوجد اي جامعة اخرى تدرس تخصص MSc Accounting فقط


وتقبل تحياتي

اختي londoneye

ربي يسعدك ويوفقك دنيا واخرة

السلام عليكم
اخوي خالد
انا جاني قبول ماستر تخصصIslamic Banking and Finance (MA) في بانقور
على 2010 وش رايكم بالتخصص هل تنصحوني ولا لا ؟
ويش التخصص المناسب اللي عليه طلب ؟
وبعدين وشلون معهد الجامعه هل تنصحوني به ولا لا ؟

اهلين مدرس....اسفة معليش بصير ملقوفه

التخصص الكل يمدحه هنا والجامعه قوية فيه وبالمالية والمحاسبة وبالاصح الجامعه ماعليها عيب ولكن عيبهم المعهد لان اذا انت مادرست قبل ماراح تستفيد منهم المعهد تدريسه دماااار مقارنه ببعض المعاهد الا في شي واحد....................
اذا انت سوف تبدا معهم من بداية الكورس لكي تحصل منهم على قبول غير مشروط في البريسشنل كورس


واتمنى لك التوفيق وللجميع

هلا اخوي انا ابتعاثي كان محاسبة بس وكان جايني قبول من جامعة مانشستر شيك على الجامعه وشف ممكن تناسبك


وخلني اسال لك عن التخصص هل موجود عندنا بجامعة بانقور لحاله ابشر بس عطني يوم وان شاء الله ارد عليك .

ما راح ازيد على كلام الاخت شامخه لكن تخصصك مرره مرغوب من السعوديين ولو تسالني ليه والله مدري بس اللي عرفتها في توجه كبير من البنوك لهذا التخصص مشكلة هذا التخصص انه بخليك في مجال البنوك فقط لكن للامانه الكل يمدحه وحتى جامعة بانقور تعتبر من اقوى الجامعات في البزنس شف المعهد حقهم بيضمن لك دخلو الجامعه لذلك حاول تدرس بمعهد حق جنرال انجليش وبعدها اذا حسيت انك تمكنت انقل عندهم بالمعهد حق بانقور اللي هو ايلكوس .


اتمى اني قدرت أفيدك

تقبل مروري.