التامين الصحي ...يعني ايش؟

الله يسر امرك
التامين الطبي يرسلونه على االبريد بطاقة بااسم المبتعث من شركة افيفا
وتشمل المرافقين
فيها البولسي نمبر
وطريقة التعامل بها تروحي لاي مستشفى ولكن قبل ماتروحين تتصلي على افيفا وتعطيهم اسم المستشفى اللي تبي تروحين له
ويعطونك رقم اسمه اوثورايزيشن نمبر
هذا تعطينه المستشفى وهم ويتعاملون مع افيفا

وطريقة استلام البطاقه كلمي القسم الصحي في الملحقيه ماهو المشرفه
وهم يعلمونك بالطريقه

ودي وتقديري

شكرا على الاستفسار اختي والله انا زيك اسمع بالتامين و لا اعرف وشو ولا كيف يطلب

لكن جزاك الله خير استاذ صالح ماقصرت عالرد الوافي والمفيد

العفو اختي

والله يسر امركم

كطالبه في بريطانيا يحق لك العلاج في اي مستشفى مجانا ، وغالبا اذا جامعتك كبيره يكون فيها عياده او مستشفى للطلبه ، GP يعني ممارس عام او طبيب عام، وبعد ما تختاري سكنك الدائم في بريطانيا، ابحثي عن أقرب GP من سكنك وسجلي فيه ، ابحثي في قوقل nearest GP , واكتي البوست كود اللي عايشه فيه وراح يبين لك العيادات القريبه منك، وممكن تشوفين راي الناس فيها، مو شرط تختارين الاقرب ، لو ما سجلتي بعدين ما تقدرين تتعالجين ، وطبعا تاخذين بطاقتك الجامعيه او اي ورقه جامعيه تثبت انك طالبه، واذا مرضتي تروحين للطبيب ،، ماعندي فكره بخصوص الوالد او المرافقين ..

واذا عندك اي استفسار بخصوص الخدمات الصحيه الجامعه غالبا يكون عندها معلومات في موقعها عن هالشي ،، وممكن تسالين قسم الانترناشيونال بخصوص الخدمات الصحيه ،

بالتوفيق

انا ماوصلتني البطاقه حقت التامين.هل اكلم الشركه ولا الملحقيه؟واذا عندكم رقم ياليت تعطوني .

و بعد مااحصل عليها ولا قدر الله تعبت او الوالد,اكلم افيفا و اقول لهم ابغى اروح للمستشفى الفلاني ولا هم يحددون لي اسم المستشفى؟لاني مااعرف مستشفى قريب من سكني؟

و بالنسبه لل GP هل لازم اسجل معهم؟ وايش فرقها عن المستشفى؟و هل استخدم بطاقه التامين معها؟ولا مجرد اني طالبه راح يعالجوني؟

انا اتكلم عن امراض برد وحراره وهالنوع من الامراض الطارئه.

شكرا جميعا و الله يوفقكم