اخواني واخواتي المبتعثين لبريطانيا نحن الان موجودين بلندن و حاضرين لاي سؤال..

السلام عليكم أخ مهران
انا رحلتي قربت وعندي كم سؤال محيرني؟ أرجو الأجابه السريعه
اول شي الفلوس الي حجيبها معايا من السعوديه اشيلها معايا ولا اطلع بطاقه واخليها في حسابي واصرف بالبطاقه واي بنك تنصحني في

أنصحك تشيليها معاكي وإذا خايفة عليها ففي محافظ للوسط ممتازة جدا ممكن إنك تستخدميها أنا عن نفسي ما أسافر مكان غير شايل الكاش والجوازات فيها والبطاقات أخليها إحتياط لحالات الطوارئ لأنهم هنا ياخذون تقريبا 6 باوند على كل مرة تسحبي فيها فلوس من حسابك إللي بالسعودية يعني حوالي 45 ريال واكبر مبلغ ممكن تسحبيه هو 300 باوند باليوم يعني أظن إنها ماهي مخارجة بس شراء الاغراض بالفيزا والماستر كارد ما ياخذون عليه شي فقط تخسري في فرق سعر الصرف من البنك وهادي بعض الصور للمحافظ إللي أقصدها وأذكر إني شفتها مرة بالدانوب بجدة... أما عن البنوك فكلها زي بعض أنا عندي حسابين في الراجحي والآهلي بس فيه هنا فرع للبنك العربي الوطني ممكن تتصلي فيهم وتشوفي خدماتهم المشتركة...


























































تاني شي طبعا انا قبل ما اطلع من هنا مأمنه سكن ودافعه حقوا بس لمن اوصل هناك وافتح حساب بنك يبدأ الصرف على طول ولا احتاج استنى ل25 هجري وازا حستنى كم احتاج اخد معايا حق اكل وشرب لانو السكن مؤمن
مايصرفولك غير يوم 25 هجري أما عن مالبلغ إللي تاخذيه معاكي فأعتقد إنه راجع لك لوحدك وكمان للمدينة اللي نازلة فيها لكن عن نفسي فأعتقد إن 1500 باوند كافية إذا السكن مؤمن ولاحظي إن الواحد لابد إنه يخسر بالبداية شوي لين يتعلم أفضل الطرق في التوفير في المكان اللي عايش فيه جديد يعني مثلا أنا أول يومين نزلت هنا كنت آخذ قارورة المويه الكبيرة بـ1.2 باوند وبعد كده عرفت محل يبيعها بـ35 بنس فقط
وجزيتم خيرا

ممكن يا أختي إنك تراسلي نفس الجامعات إللي تبغيها وهم بيفيدوك أكثر لكن على حد علمي إن تخصص الطب والهندسة ما يقبلون فيه غير إمتداد نفس التخصص

معليه بس يا ريت تقولوا لنا متى اوقات الدوام و الاجازات بالنسبة للملحقية ؟؟؟

هل اجازتهم سبت و احد و لا خميس و جمعه ؟؟؟؟؟ ..