اخواني واخواتي المبتعثين لبريطانيا نحن الان موجودين بلندن و حاضرين لاي سؤال..

أنا يا أخي الكريم جايب قبول قي نفس معاهد زوجتي المبتعثة وعطوني الضمان ولله الحمد موجه لنفس المعهد بس ضمان الجامعة قالولي لازم تنهي اللغة أول وبعدين تقدم طلب التحاق بالبعثة يروح الوزارة ومن هناك تجي الموافقة عليه أو رفضه وهذا بعد اللغة..

مشكووووور عالرد ..
عندي سؤال تاني .. لو سمحت ,,,
لمن رحتوا الملحقية بالاندرقراوند ...كيـــــــف؟؟
يعني ايت محطة ؟؟ ايش اسمها؟؟ التفاصيل .. ازا ممكن ..

وسؤال كمان .. العفش الزيادة تعبكم في مطار لندن؟؟
لانو انا مفكرة انو نصه اشحنه ..

أول شي أخي الكريم انا لم التحق بالبعثة رسميا بعد ولكن الملحقية هنا في لندن تكفلت بتدريسي اللغة في نفس معهد زوجتي لاني جايب من المعهد قبول لذلك عطوني ضمان مالي للمعهد نفسه اما عن الاجازة فأنا معلم بتعليم جدة وبسهوله اعطوني اجازة إستثنائية بدون راتب لمرافقة زوجتي المبتعثة بعد ما اعطيتهم قرار الابتعاث و الخطاب الموجه من وزارة التعليم العالي لجهة عمل المرافق ... بس عكسوها معايا في الاول شوي لانهم يقولو ما في بديل لك يغطي مكانك بس انا طلعت لأحد المدراء بمساعدت شخص والله لا أعرفه ولا يعرفني لكن الرجل كان موفق لفعل الخير وبالفعل قدر يوجد لي بديل ويمشيلي معاملتي..

مبررررررررروك و حمد الله عل السلامه في برطن و موفقين ان شاء الله ..

عفواً نفس ولاء .. هل في مشكله في زيادة العفش في مطار هيثرو ؟

ما فتشوا الشنط و لا اللاب توب ؟ هو اللاب توب في يدك و لا الشنطه الكبيرة؟

سؤالي الاخير معليه طولت عليك ..

اش سويت بالنسبه للامور الصحيه ..... يعني اش عملت غير الاشعه للصدر ؟ يا ريت توضح

جزاك الله الف خير

أقرب محطة للأندرجراوند للملحقية هي محطة هايد بارك كورنر ((تقريبا 350متر))وهي على خط بيكاديللي لاين وبعدها محطة فيكتوريا ستيشن ((750 متر تقريبا))

أما عن العفش فمع كثرته ((6قطع كبيرة و إثنين لاب توب واثنين هاند باك)) لكن الحمد لله ما واجهنا اي صعوبه مع وجود العربات وقرب مكان العفش من مخرج المطار وموقف السيارات... بس انصحك لو ماعندك احد يمشيلك العفش الزايد بالسعودية أو عفشك زيادة عن المسموح به وعندك رحلة داخلية فلازم تشحنيه مع شركة نقل والافضل تخليه عند اهلك ولما تستقري تعطيهم عنوان البيت ويشحنوه لحد الباب ..

بالنسبة للداخلين مافي اي مشكلة بس اللي عندهم رحلة داخلية داخل بريطانيا اكيد بينحاسو بالوزن الزايد ولي صديق اليوم كنت اكلمه وهو هنا في شيفيلد وبيقوللي انهم اخذو منه اكثر من الف باوند عفش زايد لما خلص من الملحقية وجا طالع لشيفيلد بالطيارة من لندن.. اما الابتوب ففي يدي دائما حتى لما انام وكذلك المدام وكمان تتسللي عليه في الطيارة والصراحه اخاف عليه في الشحن لانه ممكن ينكسر .. أما عن المركز الصحي فبمجرد ما عطيتهم تقرير أشعة الصدر مع الأشعة ((انا مسويها في احد المستشفيات بجدة)) على طول ختمولي البطاقة ومششوني بسرعة وبدون انتظار وترى سرى الانتظار كان والله طوييييييييييييييييييييييييييييييييييييييل وكلهم مستنين يدخلو سوو اشعة ويطلعو تقرير لها . بس كده ولا سويت اي شي غير الاشعة فقط مع تقريرها المكتوب بالانجليزي..


أما بالنسبة للتفتيش فوالله ما جانا اي واحد ولاحتى يسأل عن الشنط ولا ايش فيها يعني لافتشوها ولا شي مع اني شايل دسكات والله ماأقدر اعدها من كثرتها يعني اكثرمن خمس علب سيدي وثلاث شنط صغيرة برامج ومنوعات وافلام لكن شفت ناس فاكين شنطهم وحايسينها حوووووس بس ربنا سترها معانا برضاه عننا ورضا والدينا ان شاء الله ..

جزاك الله خير أخي الكريم..
الله يوفقك انت والمدام
ويسهل عليكم كل امووركم اباقية ودراستكم

أشكر للجميع مرورهم وثناءهم وآسف على القصور وترى هذا جزئ بسيط جدا لما لهذا المنتدى الرائع علينا من حق ... أستودعكم الله لاني اخذ النت من الفندق باليوم وبعد ساعة بينتهي الاشتراك وتراه بـ15 باوند في اليوم لـ24 ساعة .. بس فيه فنادق تعطيك النت مجاني وافضلك تسأل قبل تحجز ولا تتورط مثلي ،، قالولي في جدة فيه نت مجاني ولما وصلت هنا لقيته بفلوس... وترى من الضروري تسجيل الجواز في السفارة السعودية وهي قريبه جدا من الملحقية ومحطة هايدبارك كورنر تقع في منتصف المسافة بين الملحقية والسفارة وهذي ارقامهم وعناوينهم:
السفارة:

الملحقية:




وكمان لازم تزورو الهايد بارك لوعندكم وقت وكمان مركز هاروتس تبع محمد الفايد الملياردير المصري وكمان ساعة بيج بن وملاهي اللي قدامها بعد نهر التايمز وشارع إدجوار روود جميل جدا وفيه كل شي عربي حتى لوحات المحلات والمطاعم وكل شي يعني لو نستو شي من السعودية بتلاقوه هنا وهو قريب من محطة الهايد بارك كورنر وترحلو مع باص 436 او باص36



بالتوفيق للجميع...

جزااااااااك الله خييييييير

و موفقين ان شاء الله