اخواني واخواتي المبتعثين لبريطانيا نحن الان موجودين بلندن و حاضرين لاي سؤال..

السلام عليكم ورحمة الله وبركاته


إخواني وأخواتي المبتعثين والمبتعثات ، من أراضي المملكة المتحدة ومن أزقة مدينة لندن نحييكم وننقل لحضراتكم رسالتنا الأولى من مدينة الضباب ((لندن)) تحت عنوان يوميات مهران وحرمه في لندن...

طبعا كان موعد رحلتنا الساعة الثانية ظهر يوم الأحد العاشر من فبراير لعام2008م وبالطبع تعبنا شوي في مطار جدة بسبب زيادة العفش إللي وصل 120كليوجرام أي بزيادة سبعين كيلو عن المسموح لشخصين بس ربنا سترها معانا ومشينا أمورنا بعد كده طلعنا الطيارة وطرنا بها لمدة ست ساعات ونصف تقريبا ووصلنا مطار هيثرو بلندن و فضلنا نمشي في ممرات طويلة لين وصلنا الجوازات وبعدها حولونا على المركز الصحي وبركة إنه كان معانا أشعة للصدر مع تقاريرها عشان كده ما أخرونا ومشونا بسرعة بعد كده خرجنا ونزلنا الدرج ولقينا سيور العفش وعلى كل سير اسم الرحلة المهم أخدنا عربيتين من قدام الدرج ((يعني اول ما تنزل من الدرج)) لان فيه ناس كتير وصلو للسير وما معاهم عربية ولاهم عارفين تاخدها من فين... المهم خرجنا من الصالة بسرعة وبدون أي تفتيش ولله الحمد ولقينا الرجل إللي كنا متفقين معاه ينقلنا من المطار بمبلغ أقل من تكاسي المطار بكتير ((35 باوند)) شايل لوحة عليها إسمي ،المهم رحناله وأخدنا للمصعد ونزلنا لدور المواقف ورحنا لفندق الهوليدي إن بمنطقة كينستون إللي حاجزين فيه من جدة وبتنا ليلتنا وفي الصباح ومن الساعة عشرة أخدنا الفطور وأنتقلنا للملحقية بالاندر جراوند حيث أشترينا تذكرة إسمها ترافل كارد لمدة يوم واحد وسعرها للشخص خمسة باوند وربع وتقدر تركب فيها أي مترو أو باص داخل لندن لمدة يوم واحد وقد ما تبغى من المرات طبعا نزلنا في محطة هايدبارك كورنر وهي أقرب محطة للملحقية بعد كده دخلنا الملحقية واعطونا استمارات وتعهدات يعبيها المبتعث ومرافقيه منها بيانات طلب فتح حساب بنكي وبعد كده يحولونك على المالية تاخد من عندهم خطاب لفتح حساب في البنك وبعد كده تعطيهم رقم الحساب عشان يحطو المكافآت فيه وترى قالولنا ان الصرف حيبدأ من يوم ما وصلنا وحتنزل المكافأة يوم 25 صفر يعني بعد عشرين يوم تقريبا .. بعدين تروح للمشرف الخاص بيك للتعرف عليه وتبادل الارقام والعناوين والحمد لله ربنا وفق لزوجتي مشرفة غاية في التفاهم وقمة في التعامل واسمها الاستاذة شيخة وهي من اهل الرياض ودارسة في جامعة الملك عبدالعزيز المهم بعد كده قدمنا أوراقي انا المرافق للي جالسة جنبها واسمها الاستاذة زكية واعطتني الضمان المالي للمعهد لبداية اللغة مع زوجتي مباشرة ولله الحمد بعد كده خلاص خلصنا كل اجراءات الملحقية وخرجنا نتمشى شوي بلندن ونتنقل من باص لباص ولا احنا عارفين الله حاطنا فين لين نص الليل المهم في النهاية وصلنا الفندق وحطيناها نومة محترمة ويوم أصبحنا قمنا بتسجيل هذه الرسالة الاولى...



المهم أنا جاهز لأي استفسار وترى الموضوع سهل ولايحتاج تشيل له هم أبد وأهم شي تخلي توكلك على الله في كل شي ... هذا ولنا لقاء في الرسالة القادمة ودمتم بألف خير...

السلام
الأخوة الكرام
ما هي أقرب محطة قطار قريبة من الملحقية الثقافية السعودية الجديدة ؟
علمًا بأني سوف أكون قادم من Cheltenham بإذن الله .
سؤال آخر : هل يكفي التسجيل لدى الملحقية أو لابد من الذهاب للسفارة لتسجيل الجواز ؟
شاكر و مفدر لجهودكم .

بالنسبة لسكن الجامعة..
اقدر اسكن فيه انا و زوجي اذا كنا ال2 ندرس بنفس الجامعة ولا ممنوع؟

و أنا نفس سؤال الواضحة و bagher
بالإضافة إلى اني بدي اعرف افضل معهد في أدنبرة معترف بيه من قبل الوزارة..
و بدي اعرف اذا الجامعة معترف بيها ولا لاء..
و هل هي تشمل كل التخصصات؟
و طبعا اسعار السكن هناك