إخواني الاعزاء آسف جدا على التأخير لكن والله العظيم موبيدي النت هنا تعبني بالمرة ولا عندهم شبكات زينة بس الحمد لله على كل حال ...
مهران عفوا بس شي شاغلني و قالقني ... بالنسبه للشنط ... انت وضحت سابقاً انهم ممكن على حظي يا انهم يفتشوا الشنط و لا ما يفتشوا ... بس الشغله في المطار هنا في جده ... كم شنطة لازم يكون معاك يعني هل محديدين عدد معين من الشنط لكل فرد و بالوزن ؟ يعني حتى لو معايا 10 شنط اهم شي وزنها ما يتعدى الوزن الفلاني ؟؟
يا ريت توضح كمان بالنسبة للكراتين ؟
المهم ان الوزن ما يتعدى المدون على التذكرة والافضل تحجزي على رحلة ا يكون عليها ضغط عشان ما يدققو كثير بالوزن الزايد اما عن زيادة عدد القطع فما انصح بها علشان يسهل عليك التحكم في نقلها هنا في مطار لندن خصوصا ان العربات هنا اصغر من اللي عندنا بجدة
عندي سؤال ؟
بالنسبة للملحقية هل لازم وجود المبتعثة هناك حضوريا في الملحقية ولا مو لازم؟؟ يعني هل يكفي اني اخذ اوراقها وجوازاتها وكل شي واروح بنفسي ولوحدي للملحقية ولا لازم تكون موجودة معي في الملحقية؟؟ ((( هل في اوراق لازم توقع عليها هي بنفسها حضوريا ولا يكفي مرافقها يوقع عنها ويخلص امورها ؟؟))) انشاءالله يكون سؤالي واضح ومايكون فيه لبس. اعتقد اخي الكريم انها لابد تروح المبتعثة ومعاها المحرم لانه في اجراءات وتواقيع على تعهدات لكل منهم وكذلك لابد لها من مقابة المشرفة الخاصة بها لكي توضح لها بعض المعلومات عن دراستها ...
اخوي الفاضل مهران عندي سؤال في السريع ما هي الاوراق المطلوبه في المحلقية وهل في اوراق ضروريه في المطار غير الاشعة والف شكر على مجهود الطيب
في المطار يحتاجون الاشعة ومعاها التقرير الخاص بها وكذلك صورة قبول المعهد او الجامعة ولو توفر خطاب السكن من المعهد ((وهو خطاب يفيد بان محل اقامة الطالب سيكون تحت مسؤلية المعهد او الجامعة)) اما عن الملحقية فيطلبون اشياء كثيرة منها صور الجوازات والفيز اللي عليها ختم الدخول وصور شخصية واهم شي صورة قرار الابتعاث وصور قبولات المعاهد والجامعات للمبتعث وللمرافق ان وجدت وصورة كرت العائلة واثبات من جهة عمل المرافق انه مستقيل او في اجازة بدون راتب لكي يقومو بالصرف عليه واذا كان المرافق عاطل فانه يجيب برنت من الاحوال المدنية يفيد انه غير موظف (( وترى لاتقلق بالنسبة لتصوير الاوراق لانه في مكينة تصوير بالملحقية ممكن تصور فيها الاوراق اللي تبغاها)) كذلك تاخذ لهم معاك الريسيت الخاص بقيمة الفيزا اللي اخذته من مكتب اصدار الفيز لكي يتم تعويضك عن قيمة الفيز واذا ما رضو يعطوك اياه اطلب من عندهم صورة منه وخلهم يختمون لك عليها
طيب يعني ياخوي كم اخذ احتياط ؟؟
واذا جيتي بتكون 2/4 هجري يعني اخذ ببالي حساب شهر كامل
المبلغ اللي تحتاجه يا أخي الكريم يرجع لك وحدك وكمان هل انت لحالك ولا معاك عايلة وكمان كم عددكم لان الاسعار هنا الصراحة غالية كثير عن اللي عندنا ((مثلا وجبة من كنتاكي او بيتزاهت لشخصين فقططططط ما تخذها باقل من 15 باوند يعني 111ريال بالضبط ويمكن ماتشبع بها 100%
) وكمان هل انت حاجز سكن من السعودية ولا حتيجي هنا تدور كل هذي الامور لابد تكون حاسب لها حساب عموما انا في نظري ان مبلغ 2000 الى 3000 باوند كافي وبزيادة الين ما يصرفون لك المستحقات ولا تنسى ان الايجارات هنا عالية ولما تجي تستأجر لابد من دفع الايجار مقدما وكذلك مبلغ التامي الذي يبلغ تقريبا ايجار شهر كامل يعني تحسبلك مبلغ 1200 باوند تقريبا للسكن في الشهر الاول فقط ...
عفوا ً بس ممكن اعرف اذا ممكن اني اقطع التذاكر من مكتب الطيار اللى في جده ؟؟ هو في مكتب طيار في جده؟؟؟؟؟
كما ذكر اخوانا
ama41900 vbmenu_register("postmenu_450921", true); اعتقد انه ممكن بس انا افضل قطعها من المكتب اللي بالوزارة
mhran February 17th, 2008, 09:55 PM
7 " 
LinkBack URL
About LinkBacks
عندي سؤال ؟
بالنسبة للملحقية هل لازم وجود المبتعثة هناك حضوريا في الملحقية ولا مو لازم؟؟
يعني هل يكفي اني اخذ اوراقها وجوازاتها وكل شي واروح بنفسي ولوحدي للملحقية ولا لازم تكون موجودة معي في الملحقية؟؟
((( هل في اوراق لازم توقع عليها هي بنفسها حضوريا ولا يكفي مرافقها يوقع عنها ويخلص امورها ؟؟)))
انشاءالله يكون سؤالي واضح ومايكون فيه لبس.