اخواني واخواتي المبتعثين لبريطانيا نحن الان موجودين بلندن و حاضرين لاي سؤال..

أخي الكريم أنا الآن أدرس في معهد اللغة في بورنموث لمدة اربع اسابيع فقط لذلك ماقدر المعهد يوفرلي سكن مع كثرته لكن المشكلة ان العقود هنا اقل شي 6 شهور واكثر لذلك انا الان ساكن في فندق اربع نجوم قريب من المعهد وحاسبين لي الاسبوع بحوالي 200 باوند ، وبعد هذا الشهر سأنتقل بإذن الله الى ساوثهامبتون إللي عندي فيها قبول لغة وماجستير وحأبحث عن شقة هناك خلال هذه الايام وأحاول إستشارة مكتب التسكين بالجامعة ونشوف أيش يصير معانا ،، أما عن الاستقبال بالمطار فعندي خبر ان بعض الجامعات ترسلك سيارة توصلك في حالة انك نسقت معاهم ذلك وكمان لو اخذت السكن من عندهم بس المشكلة اني نزلت اول شي بلندن لاتمام اجراءات الملحقية قبل وصولي لمكان دراستي لذلك طلبت سيارة من شركة ليموزين توصلني من المطار لين الفندق وممكن كمان تنسق مع الفندق اللي انت حاجزة يرسلولك سيارة للمطار بس ترى انا سألتهم ولقيت أسعارهم جدا عالية توصل 100 باوند في حين شركة الليموزين اخذت مني 35 فقط..

بالنسبة لتسجيل الجواز اذا كان مكتوب في جوازك لابد من التسجيل فلابد من التسجيل خلال الفترة المذكورة وممكن لو تتأخر شوي بس مو أكثر من أسبوع تأخير حسب إفادتهم لي لما رحت أسجل وممكن انك تسجل وانت في مانشيستر (( وتاخذلهم معاك الجواز + صورتين شمسية + 34 باوند كاش عن كل جواز + بطاقة الطالب من الجامعة او المعهد او العمل لو كنت موظف)) ولما تروح شيفيلد تراجع مكتب التسجيل ومعاك شهادة التسجيل اللي عطوك اياها في مانشيستر + الجواز + بطاقة الطالب وهم يحولوك لقسم شيفيلد ويعطوك شهادة ثانية وما يحتاج تدفع الرسوم مرة ثانية.

أما المركز الصحي فانا للآن لم اسجل فيه لاني ناوي اروح ساوثهامبتون بعد شهر وقلت اسجل من هناك وهم عطوني في الطار كرت تسجيل وطلبوا ارسلهم هو بالبريد واحط فيه عنواني الثابت ولم ارسله للان.. اما عن انه مجاني فاعتقد ذلك ..

اخوي مهران ممكن تقولي كيف طريقة حجزك للفندق الي بلندن وكم سعره واش اسمه

وممكن رقم شركة اليموزين الي استقبلتك

الفندق اللي سكنت فيه فهو الهوليدي إن وترى في اكثر من واحد بلندن منها ما هو قريب من الملحقية وما هو بعيد جدا جدا عنها فالقريب واللي سكنت انا فيه هو Holiday Inn Kensington وفيه قربه محطة اندر جراوند تبعد عنه قريب 150متر ومنها تروح على هايد بارك كورنر مستخدما بيكاديللي لاين. وسعر الفندق من مكتب سياحي من جدة 850 ريال تقريبا لليلة للغرفة المزدوجة.. بس ترى في فنادق اقرب للملحقية وبنفس المستوى بس انا مشكلتي يوم بغيت احجز مالقيت عندهم امكانية ومنها فندقين لمجموعة ثيستيل وكمان في غيرهم كثير
اما الانتقال من المطار أنا كلمت شركة في لندن لتأجير السيارات وطلبت منهم يطلعون لي سيارة بإسمي لمطار لندن على موعد الرحلة وكل هذا بمبلغ 35 باوند فقط وهذا اسمهم CAB 33 ةوهذا رقمهم 00442077014321

غالي سعر الفندق للي يبي يجلس م 4-5 ايام
طيب هذي الشركة لما كلمتهم وانت بالسعودية دفعتلهم ولا لما نوصل لندن نحاسبهم

؟؟؟
وكذلك الفندق لما احجز متي يكون الدفع ؟؟

مشكور اخوي مهران على المساعده

مشكور اخوي مهران على المساعده

غالي سعر الفندق للي يبي يجلس م 4-5 ايام
طيب هذي الشركة لما كلمتهم وانت بالسعودية دفعتلهم ولا لما نوصل لندن نحاسبهم

؟؟؟
وكذلك الفندق لما احجز متي يكون الدفع ؟؟


فعلا الفندق غالي شوى مع اني جلست اربع ايام يعني ثلاث ليالي بس نظيف وهذا اقرب فندق حصلته عند وكيل سفري لاني اتاخرت كثير في الحجز ولاحجزت غير قبل السفر بيومين لذلك كانت الخيارات محدودة مع ان فندق ثيستل فيكتوريا والقريب من الملحقية((700 متر)) كان عندهم امكانية لين قبل موعد سفري باربع ايام لكن يوم جيت احجز ما لقيت مكان كذلك لان موعد رحلتي كان يوافق يوم اجازة نهاية الاسبوع ..
اما عن الدفع فانا حاسبت مكتب السياحة عن الفندق كاملا من جدة ساعة ما سوالي الحجز واعطاني الفاوتشر اما حساب السيارة فاعطيته للسواق بعد ما وصلني للفندق..

طيب عفوا ...

هو ليش ما طلبت سيارة من الاوتيل نفسه تاخذكم من المطاااار ؟؟؟؟ و لا السيارة الخاصة افضل؟؟؟