بعض الاستفسارات عن مدينة مانشستر والمعاهد هناك

يا اخى وفقك الله كل هذه الاسئله يجيبك عليها شخص يتحدث العربية من هذا المكتب وهم افضل ناس يوفروا لك الدراسة والسكن وكل شئ وهذا يوفر عليك مجهود ووقت ومال ايضا 2620 297 207 0044

أخي أنا ذهبت اليوم الى مكتب الطيار في مدينة تبوك وسألته عن دراسة اللغة الانجليزية في بريطانيا وتحديدا مانشستر فطرح علي معهد EF وكابلان .. فسألته عن معهد كابلان وعن التكلفة لمدة ثلاثة أشهر ابتداءا من 20 / 6 / 2013 م فقال لي ان السعر بحدود 28 - 29 الف ريال شاملة المعهد والسكن مع عائلة والاستقبال في المطار فقط بدون سعر التذاكر والفيزا .. فما رأيك في ذلك

وأتمنى من الاخوة الكرام اجابتي على اسئلتي التي بالأعلى ... شاكرا ومقدرا لكم تعاونكم

اولاً بالتوفيق ان شاء الله
والله يسهل امورك ويحقق لك ما تتمناه
بالنسبة لاسئلتك باجاوبك باللي اعرفه واحتمال اجوبتي تكون خاطئة

ماهو الافضل .. السكن مع عائلة أو السكن منفرداً
بحكم ان فترة اقامتك راح تكون قصيرة افضل العائلة لاكتساب لغة افضل من السكن لوحدك
هل السكن مع العائلة يشمل الفطور والغداء والعشاء
اغلب السكن مع العوائل يشمل وجبتين فقط
كم يبعد السكن عن المعهد غالبا
هذا يرجع لمكان المعهد والسكن لكن بإمكانك الاتفاق مع المعهد لتوفير سكن يكون قريب منه
هل بامكانني استخراج حساب بنكي هناك ؟
نعم بإمكانك
ماهي افضل وسيلة للتنقل في مدينة ما نشستر
بحكم فترتك القصيرة المواصلات العامة راح تكون الأفضل يعني مايحتاج تشتري سيارة
عند الوصول لمطار مانشستر هل يكون هنالك احد لاستقبالي أم ان اتصرف بمفردي
برضو ترجع لترتيبك مع المعهد أو العائلة اللي بتسكن معها او تشوف احد يستقبلك هناك وبإمكانك التصرف بمفردك
هذا اللي اقدر اجاوبك عليه واتمنى الأخوان الدارسين هناك يفيدونك اكثر

بسم الله نبدأ ..

ياخوي أسألتك كثيره خخخخ بس بحاول أجاوبكـ عليهـا ..

الدراسه بمانشستر ممتعه مدينه كبيرهـ وما تطفش فيها غير أنها موب غاليه زي لندن وبعد أمنهـ ..

كابلان هو الأفضل كتنظيم ودراسهـ وإدارهـ وأهتمام وأنشطهـ .

الطقس في الفتره اللى حددتها ممتاز ودافئ وهو الأحلى طووول السنهـ ..

الأفضل أنك أنت تخلص أموركـ .. وطبعاَ عشان تطلع فيزا لازم قبول من المعهد وبعد ضمان مالي من البنك .. قبول المعهد تقدر تراسلهم أو تشوف أحد يدرس هناكـ ويساعدكـ ...

السكن مع عائلهـ مفيد إذا الله وفقك بعائله كويسهـ وخاصه إذا عندهم أطفال يساعدونكـ باللغه .. طبعا مع العائله السكن معاهم يشمل الفطور والعشا .. وجبتين يومياً .. السكن يعتمد على المكان بس يكون تقريباً ٢٠ دقيقه إلى ساعه بالباص ..

الخطوط والأسعار متقاربه بس الأماراتيه والقطريه والأتحاد هي الأرخص وطبعا كويسهـ ..

زي ما قلت لك تقديم الفيزا لازم قبول وتقدر تراسلهم عن طريق الأيميل من موقعهم أو تشوف احد بالمعهد يساعدكـ ..

استخراج الفيزا اسبوع واحد اذا أوراق مكتمله أن شاء الله ... حساب بالبنك ما أدري لأنك بتجلس بس شهرين ممكن يوافقون وممكن لا ..

وصولك للمطار ما يستقبلونك المعهد أنت تخلص أمورك ويكون معاك العنوان حق المعهد أو الفندق اللى بتسكن فيهـ لين تشوف العائله اللى بيوفرها لك المعهد ... والأمور سهله ..

لا تخلي معاك مبلغ كبير يعني ميه باوند وكثير بعد .. لأن بطاقات البنوك تشتغل بكل الصرافات ما واجهتنا مشاكل معها ..

وسيله التنقل بالباصات أو الترام أو القطار بين المدن ..

بالنسبه للضرائب فيه بس اذا كان معهدك معتمد ومسجل عند مصلحه الضرائب فما راح تدفع شي ...

الأنشطه زي ما قلت لك بعض المعاهد عندهم انشطه يوميه زيارات متاحف واحتفالات وزياره مدن قريبه وتقدر تستفيد منها ..

وبسـ كذآ أكون أن شاء الله جاوبتكـ على كل شي والحمدلله

اخي العزيز

معهد كابلان من المعاهد الجيدة في مانشتر من حيث الدراسة ولكن سعره غالي بعض الشي
ويوجد العديد من المعاهد الجيدة الاخرى في مانشتر مثل معهد انتو وكان يتبع لجامعة مانشتر وتدريسه للانجليزي العام ممتازة وسعره افضل من كابلان . وكذلك معهد A2Z هو من المعاهد الجيدة ونسبة العرب فيه ليست كثيرة ويعتمد على طرية جديدة في التدريس وهي التعليم عن طريق المحادثة واسعاره تعتبر الارخص في مانشتر

واستطيع الحصول على قبول لك في اي من المعاهد بدون رسوم لاني لا انصحك ابد بالمكاتب لانهم اغلبهم هدفهم مادي .
واتمنى لك التوفيق

اخي صاحب الهمة
ماهو رابط موقع معهد انتو
وكيف تقدر تجيب فيه قبول لشخص اخر بدون رسوم؟
ورسوم التسجيل هادي الكل يدفعها سواء اللي طالع على حسابه الخاص واللي طالع تبع عمله؟*

اخي العزيز
هذا رابط المعهد INTO Manchester - Study in Manchester : INTO UK
الرسوم التي اقصدها ان اغلب المكاتب ياخذ منك رسوم للتسجيل لك في المعهد والحصول لك على القبول ام نحن فلدينا اتفاقيات مع المعاهد بحيث يدفع الطالب رسوم المعهد فقط وتكون مباشرة الي حسابهم .

اتمنى اكون افدتك

شكرا لك اخي صاحب الهمة
جزاك الله خير
..