ماجستير محاسبة أو مالية في بريطانيا

السلام عليكم ورحمة الله وبركاته

عندي أكثر من سؤال .. يا ليت اللي عنده خلفية عن الإجابات يفيدنا ويسعفنا الله يوفقه

أنا تخصصي محاسبة ومعي قبول من معهد نيو كوليج مانشستر في يناير إن شاء الله

1- هل أفضل معهد في مانشستر هو نيو كوليج ؟
2- هل جامعة مانشستر تعطي قبول مشروط في المحاسبة لعام 2016 ؟ أو اخذ 2015 ثم اطلب تأجيل ؟
3- بما إن جامعة مانشستر جامعة قوية وعريقة ، هل دراستها في تخصصات البزنس متعبة ؟ أو ما تفرق كثير بينها وبين MMU ؟
4- أفضل سكن في مانشستر للعزاب والعوائل ؟

شكراً مقدماً .. والله يوفق ويسعد كل من جاوب

الافضل تاخذ قبول 2015 وبعدين ممكن تاجيله بس اقل شئ تضمن قبول
الجامعه صعبه وماتقارن بمانشستر متروبوليتنان
الشئ الوحيد اللي يجمعهم انهم على نفس الشارع وماتحس بفرق في المبنى او الحياه الجامعيه لان المباني ماتفرق عن بعض

الشئ الاخير ماتفرق مانشستر عن مانشستر متروبوليتنان بالسعوديه ولا احد درى عنك وين دارس بيشوفون كلمه مانشستر وبس!
فالافضل تدرس في متروبوليتنان وتوسع صدرك

الله يعطيك العافية وشكراً لك

طيب بالنسبة لمعاهد اللغة في مانشستر ؟ والسكن ؟

اولا بالنسبة للمعهد: معهد نيو كوليج لا يعتبر من المعاهد المفضلة للدراسة من وجهة نظري لان المعهد جديد وهو قائم بالدرجة الاولى ع السعوديين . ٩٩.٩٩٪ من المعهد سعوديين..

ثانيا : جامعة مانشستر جامعة قوية والدراسة فيها الى حد ما مضغوطة لكن تمشي مثل ما غيرك مشى.

جامعة مانشستر متروبليتن أوقفت الان بسبب التكدس، وطبعا فيه فرق بالسعودية لما تتخرج من جامعة مانشستر عن لما تتخرج من متروبليتن .. الان الوضع اختلف وبالسعودية صاروا يعرفوا تصانيف الجامعات.

ان كانت لغتك فوق ٣ ايلتس أنصحك بمعهد جامعة مانشستر، ان كانت لغتك اقل وما معك ايلتس عندك معهد انتو مانشستر، كابلان، بيرلتز .. ادرس فيها فترة حتى تجيب درجة الايلتس المطلوبة لمعهد مانشستر بعدها انتقل لمعهد جامعة مانشستر..

موفق

شخص طموح .. الله يوفقك ويسعدك على المعلومات

أنا ابي معهد يكون جداً شديد ويهتم بالطالب ، ويكون فيه واجبات واختبارات كثيرة تشغل الطالب

هل معهد جامعة مانشستر من هالنوعية ؟

معهد جامعة مانشستر يعتبر الأفضل لكن يشترط ٣ بالايلتس وكورساته محددة (جانوري،ابريل، جون، سيبتمبر)..

اقدر ادرس بمعهد جامعة مانشستر وبعده ادرس ماستر بجامعة ثانية
خصوصا ان ابتعاثي حيكون عن طريق وزارة الداخلية..
تحياتي

تقدر تدرس باي معهد ببريطانيا ولما تحقق شرط الايلتس للماستر تنتقل لجامعتك

السلام عليكم ورحمة الله وبركاته

صباح (مساء) الخير

لو سمحتوا من خبرتكم في بريطانيا أبغى أسماء جامعات سهلة الدراسة فيها تخصص محاسبة (أو التخصصات المالية بصفة عامة) مرحلة ماجستير
وتكون معترف فيها طبعاً

لأني عندي أكثر من قبول بس ماتدري تروح هناك تلقى الجامعة معقدة ولا الدراسة فيها صعبة وتفشل لا قدر الله

أرجوا الإفادة ولكم الشكر

ياشباب 11 مشاهدة ولا رد
وين الخبراء