استفسار USA to UK transferring

يالله الموضوع ذا من السنة الماضية ومحد رد علياااا :P

والله انا نفس حالتك . لكن انا مخلص لغه . وحصلت على وظيفه في السعوديه والوظيفه فضلت بببريطانيا عن امريكا .

وتشوف اببي نصايح

اخوي ركز معاي في كل كلمه اقولها لك وبالترتيب .. الله الله بالوقت ..

اول شي انصحك تخلص ٣٠ ساعه في امريكا .. عندك السمستر ذا وعندك الصيف لو يمديك .. عشان تقدر تطالبهم يشيلون عنك الفاونديشين يير في بريطانيا .. ويصير تدخل على السنه الاولى .. دايركت ( دراسة التخصص عندهم ٣ سنوات + سنه اولى فاونديشن تحضيريه )

ثاني شي لازم تشتغل على قبول الجامعه .. بتحتاج نسخه من السجل الاكاديمي .. صوره من شهادة الثنوي .. توصيات لو امكن .. كلها تراسل فيها الجامعات البريطانيه الي فيها تخصصك .. النظام في بريطانيا يختلف عن امريكا بموضوع مراسلة الجامعات .. مايحتاجون ترسل اوراقك رسميه بريد ممتاز وظروف مختومه وكل هالحوسه .. كل الي تسويه سكان .. وترسلها ايميل مع استفساراتك لهم .. في الي بيرد عليك ويعطيك القرار قبول او رفض وفي الي بيقولك قدم عن طريق البوابه الالكترونيه لطلاب البكالورويوس ( يوكاس ) عشان تعرف قرارنا .. انت ناقشهم وشوف وش طلباتهم وحاول تنشب لهم .. معك الين ٣٠ جون .. تقدم عن طريق هالبوابه ومسموح لك خمس جامعات تختار .. عشان كذا اقولك حاول تنشب لهم يعطونك القرار قبل لاتقدم عشان تضمن الخمس جامعات وتختار بينهم بعدين .

ثالث شي .. يجيك الرد من كذا جامعه تعطيك الاوكي تقولك قدم يالله عن طريق اليوكاس ونرسلك القبول طوالي .. وقتها تبدأ في دوامة الملحقيه والمزاجيه حقتهم .. تقدم عن طريق البوابه الالكترونيه .. تنرسل اوراقك للرياض .. لجنه تشوف وش وضع جامعة بريطانيا وش وضع قبولك ووش سبب النقل .. ممكن يقولون لك ممنوع النقل لبريطانيا لانه تكدس وكذا .. انت انشب لهم ودبر لك عذر ملكع .. لايغرك الي يقولك مقفله ومستحيل تنقل وكذا .. انا كلمت الملحقيه البريطانيه بنفسي ونشبت لهم الين ماجاوبني واحد قال ترا كل سنه يجينا عدد كبير محول من امريكا لاتخاف ..

اخر شي .. لاتطنش الموضوع الحين وتقول معاي الين ٣٠ - ٦ .. ترا التحويل لحاله يطول .. القبول يطول .. فأنصحك اضمن وضعك سريع سريع ..

بالتوفيق ياصاحبي والله ييسر لك امورك انشالله

بالنسبة للاجراءات الله اعلم بها وبالنسبة لمعادلة الدرجات حد علمى ان الجامعات البريطانية لا تقبل لكن ممكن مكتب تقديم متعاقد مع الجامعة يحاول وبالنسبة للجامعات ان شاء الله تجد Biomedical Science فى جامعات كثيرة و انصح بالاتصال على هذا المكتب هم يوفرون القبولات و يتعاملون مع تقريبا نصف جامعات بريطانيا واغلب المعاهد فان شاء الله يساعدوك والله يوفقك 2620 297 207 0044 واذا كان لديك اى استفسار راسلنى على الخاص

الله يسعدكم
كلكم

مرررره ما قصرتووووو

وانا حا ابدا اشوف جامعات من دحين

شكر لك من جد

اخوي الملحقيه مالها علاقه بموضوع الوزاره ،،، انا طلبي انرفض اكثر من مره علي بريطانيا بسبب التكدس مع العلم ان الجامعه اللي راسلتها مافيها الا ٣٠ سعودي من اصل ٢٥٠٠٠ طالب بالجامعه ،،، هناك لعبه سياسيه حسب ماوصلني وان الاوضاع مش اوكي بين البلدين من الاخر ... طيب انت حاولت بالملحقيه طيب وبعدين وش صار عليك هل قبولك ام رفضوك ؟