هنا تجمع الطلاب والطالبات السعوديين في مدينة بورنموث

سلام عليكم..
كيف الحال يا اهل بورنموث ...
فيه سؤال سريع
انا حجزت على الخطوط السعودية بالتلفون
هل اقدر اقصر التذكرة من برونموث ؟ اذا ايه فمن وين ؟؟؟؟

تكفون قبل ما يلغى الحجز
تحياتي

اخوي ميدو مشاكل وش صار معاك بخصوص معهد انجلو ربين

افكر ادرس فيه بس متخوف كثرك

فيدنا بالتفاصيل

راسلت معهد فبورنموث وقالي ماعندهم ولا سعودي

بس مارتحتلهم مع ان المعهد مايعيبه شي

هذا رابطه للي يبيه
http://www.cavendishschool.com/

بخصوص التذكرة على الخطوط السعودية ..
سالتهم قالواا:
نقدر نقصها بالهاتف وتعطينا معلومات بطاقة اللي بتدفع بها
بعدين
نرسل التذكرة الالكترونية على بريدك.

قلت يعطيكم العافيه ماقصرتوا..

السلام عليكم

سيداتي آنساتي سادتي <<< لايزعلون منا التماسيح بس الولد يقالوهـ اتيكيت

اعزائي مرتادي ملتقى طلاب بورنموث
اولاً احب اقولكم عيدكم مبارك وكل عام وانتم بخير

انا وأعوزو بالله من كلمة انا راح اتوطأ بطن قصدي ارض بريطانيا يوم 13 اكتوبر القادم
راح اجلس في لندن مدري كم لين اخلص اموري مع الملحقيه بحكم انه تم الحاقي ببرنامج الابتعاث

بعدين وين بروح اكيد مو بورنموووث

انا كنت هناك عام 2004 ايام الثوب المخصر وفنيلة علاق
بس كنت في معهد من جنب امها اسمه انتر لنك في منطقة شارمنستر

لكني الان بعد بحث وتقحيص وتمحيص مرهـ شديد

لقيت لكم معهد مايخرش الميه على قولت اخواننا المصريين
اسمه Richard Language College
هذا موقعهم
http://www.rlc.co.uk/

مدري شفيه الموقع من جنبها شوي بعض روابطة ما تشتغل
لكنه معهد قوي جداً من الناحية التعليمية
فيه تعاون بينه وبين جامعة بورنموث ،، طلاب الجامعة الاجانب ياخذون فيه كورسات لغه
وأيضاً من مميزاته انه مركز معتمد لاختبارات IELTS و TOEIC

بصراحة انا كنت اسمع فيه من كنت هناك وسألت كذا شخص درسو فيه يمدحونه مررهـ

اتمنى اني اكون افدتكم ولو بالقليل

بحكم ان الحياة أخذ وعطاء من وجهة نظري الشخصية
زي ما افدتكم
ودي احد يفيدني

ابي اسأل اذا احد يخبرلي شقق للإيجار او بيوت للطلبة اقدر أأجر فيها غرفة

ودمتـم سالميـن ،،،

والله اخوي عرين اول شي كل عام وانت بخير

تاني شي بصراحه انا كل ما اسال احد عن المعهد يفتي

واحد يقلي ممتاز وواحد يقلي لا تروحو وواحد يقلي نص ونص ووووو

عشان كدا انا سار عندي قناعه باني اروح بنفسي واعاين ازا سلكت الامور كان بها وازا لا نحول من هناك مهي مشكله

وياريت اللي عندو اي معلومه صحيحه عن المعهد يقلنا يجماعه عيد لا تكونو بخيلين (معهد انجلو يوربيان)

السلام عليكم ورحمة الله وبركاته

كل الشكر لكاتب الموضع

انا بدرس في معهد اسمه mls في الاسكوير جنب الحديقه والبحر

واللي حاب يعرف عنه معلومات

انا حاضر



وكل عام وانتو بخير



اللهم صلي وسلم وبارك على سيدنا محمدوعلى اله وصحبه اجمعين

كل عام وانتم بخير

حاب اسأل عن هذا المعهد

1- هل العرب وبالذات السعوديين فيه كثير ؟؟؟

2- هل هو معهد جيد ويهتم بالطالب ام انه تجاري بحت وهمهم الرحلات ؟؟؟

3- اسعار السكن الله لايهينك سكن عائلي ( بيت او شقه ) مستقله لان العائلة معاي وهل توجد عوائل سعوديه ؟؟؟؟


4- الحضانة هل لديك معلومات عنها ؟؟؟


5- هل هي افضل ام ساوثامبتون لاني متردد بينها ؟؟؟؟؟؟؟

ودمتم في افضل حال .........

مررررحبا طلاب بورمث انا فهد من الرياض صارلي يومين هنا

انا في معهد ef

ابغى اسال ايش احسن معهد لغة في بورنموث
انا ان شاء الله راح اقدم عن طريق وكالة عطلات العمودي
عندهم 3 معهد معهد Kaplan Aspect و معهد EF و معهد M.l.S International هل مستوى المعهد كويس لاني بعد دراسة اللغة راح اكمل ماستر