طلاب برمنقهام ساعدوني تكفون

مرحبا
النتيجة تطلع في آخر يوم في الكورس، قد تكون الأمور تغيرت بس كان زميل درس الترجمة في نفس القسم وانا درست لغويات
وكان مضطر يدخل برنامج اللغة لأنه كان حاصل على 6 في الايلتس
بالنسبة للأوراق أرسليها فيديكس ما تأخذ إلا حوالي 48 ساعة
وسلمي على كرس، وبول، وجينيت، وكارمن، وبقية أعضاء هيئة التدريس

الله يووووفقك ماقصرت ... ابشر يوصل هههه . في ناس يمدحون البريد الممتاز ... يعني فيديكس احسن منه ...؟؟؟؟

نصيحتي لا تعتمدي على البريد الممتاز
ترين يضيعون أوراقك وتتأخر احيانا
أنا جربت المراسلة لأمريكا
وجربت كل الطرق
بريد ممتاز
فيديكس
دي إتش إل
أرامكس
أفضها فيديكس ودي إتش إل

دامك معيدة ما شاء الله لا تبخلي بمية أو ميتين ريال ههه

اختي بخصوص القبول دائما الجامعات البريطانية يطلعونه لك خلال اسبوعين بالكثير .. أما الفترة من الكورس للغة ودراسة الماستر 10 ايام هم غالبا كذا يعطونك فترة قصيرة وسلامتك أي استشارات ثانية بـ 150 ريال أرخص من اللي فوقي

اوووك يعطيك الف عاااافية ...... على مسؤوووليتك برسلها فيديكس ... وياويلك وياسواد ليلك لو ضيعوا ورقي ..ههههههه

جميل جدا الله يسهل امرك ... طيب معليش سؤال .. زميلاتي طلعوا كندا .. وكانت الجامعة هناك تبي المظروف حق الورق ابيض وعليه ختم من جميع الزوايا مدري ليه ...لكن سؤالي هل في اشياء ضرورية اكتبها ع المظروف غير العنوان حق الجامعة ..؟؟؟؟

في سؤال ثاني .. الان بعد ما ارسل اوراقي .. ع بال مايطلع القبول حق ا كورس اللغة ... هل في اشياء اسويها خلال الفترة هذي ؟؟ ولا انتظر لين عاد تجيني الاوراق اللي تسمح اني اطلع فيزا ...

تحملوني الله يسعدكم .. مامعكم مني فكة الا لين يفرجها الله واشيل قشي واطلع ....

وعندي سؤال لو سمحتوا عن المعاهد .. الان زوجي ميييييح في الانقلش ويبي لغة سنة ... ويبي يكون معاي بنفس الجامعة ... يقدر يكمل بالمعهد حق الجامعة عادي ؟؟ ولا عندهم شروط ؟؟؟

بالنسبة للمظروف، بريطانيا ما يدققون كثير عادي إن شاء الله.
التدقيق في كندا وأمريكا صحيح، حتى ما يسمح لك بإرسال المظروف بنفسك لازم يكون مرسل من الجامعة، ولو أرسلتها بنفسك ونسيت وكتبت أن المرسل أنت، يلغون قبولك، أما بريطانيا يا حليلهم حتى باقي جامعات تقبل منك صور بدون أصل ولا شيء، من ضمنها جامعة برمنقهام إلى أمد قريب كانت تقبل بصورة طبق الأصل ترسلها لهم أنت بنفسك أو تحضرها لهم.

بالنسبة لزوجك، أذكر أن معهد الجامعة يشترط أن يكون مستواك 4 علشان تدخل أقل مستوى عندهم، لكن وقتها كان هناك طلبات من الطلاب بفتح مستويات مبتدئة، ولذلك ما أدري وش وضع المعهد حالياً.
لكن فيه نقطة مهمة وهي: أن المبنى اللي يدرس فيه الطلاب مرحلة البري ماستر والبري سيشنال كورس هذا مكانه عند المكتبة وسط الجامعة قريب من مركز دراسات اللغة الإنجليزية الذي فيه برنامج الماجستير للغويات والترجمة.
أما مبنى معهد اللغة العادي فهو خارج الجامعة ويبد يمكن 10 دقائق بالباص فلذلك ما راح يكون زوجك معك في المعهد إذا كان بيدرس لغة بل سيكون في مبنى خارج الجامعة إذا كان فيه مستويات مبتدئة.
هذا الوضع اللي أذكره خلال دراستي للماجستير عامي 2009 و2010، أكيد تغيرت أشياء بعدها.

لكن هناك معهد في الستي سنتر اسمه Brasshouse تابع للحكومة وهو معهد جيينرال تأهيلي يبدأ من مستويات متدنية، وهو جيد فكثير من الطلاب يدرسون فيه أولا ثم ينتقلون لمعهد الجامعة في المراحل الأخيرة.
وهو قريب من الجامعة مسافة عشر دقائق بالباص، ويمكنكم السكن في السيتي سنتر، بحيث تركبين الباص للجامعة مسافة عشرة دقائق، وزوجك يدرس في المعهد مسافة 5 دقائق بالباص أو حتى يمكن مشي لو سكنتم قرب المعهد.
هناك معهد اسمه جنوب برمنقهام كوليج، هذا سيئ وكثير من الطلاب يذمونه، وهو أيضا في الستي سنتر لكنه مضيعة وقت.

الله يوفقك دنيا وااااااخره ... ويسهل امرررررررك وين ماكنت ... جدا جدا شاكرة لك ...