موعد تقديم أوراق الفيزا - Female and Family Section أو Student Application-Tier 4؟

السلام عليكم و رحمة الله وبركاته
هلا اخوي ابراهيم
بما انك طالب لازم تخنار قسم Student Application-Tier 4
ولو اخذت في اي قسم ثاني ما راح يسمحوا.
انا زميلتي مبتعثة واختارت قسم العوائل علىى اساس انو قسم نساء
لما قدمت ورقت الموعد رفضوا لانها مقدمة على ابتعاث و خيروها تلغي الموعد و تاخذ واحد ثاني من قسم Student Application-Tier 4 او دفع 280 ريال
طبعا دفعت و دخولها.
ذا كان في جدة
بس بصراحة ما اعرف بالنسبة لمرافق , اذا ككان عندوه قبول او لا يروح فين. اتصل عليهم و اسأل
اتمنى اني قدرت اجاوب على استفسارك ولو جزء بسيط
بالتوفيق

عليكم السلام ورحمة الله وبركاته، مرحبا أختي bint_madinah .. ربي يعطيك العافية ويشكر لك تعوانك معاي.

أنا أول شيء حجزت على موعد Student Application-Tier 4، وبغيت احجز لمرافقتي على نفس الموعد، غيرت وحجزت على Female and Family Section لنا الإثنين اعتماداً على ... :
خيارات حجز الموعد - ملتقى الطلاب السعوديين في بريطانيا

الكلام اللي في الرابط يشْكل عليه قضية المقابلات الجديدة، وهذي (على حسب كلام زميل لي راح لهم) ما تكون إلا بعد الظهر، ويُلاحظ أن مواعيد Student Application-Tier 4 تكون بعد الظهر؛ ذلك لأن المقابلات بعد الظهر (والله أعلم)، لكن ماذا عن المرافق إذا حجز المبتعث الأساسي على موعد Student Application-Tier 4؟

كررت الاتصال على أرقام مركز الفيزا وراسلتهم بالايميل، لكن يبدو أنه لازم لهم من زيارة فعلية.

ربي يوفقني وياك وييسر أمورنا.

اخوي المقدم على tier4 لازم يحجز موعد student application tier4 فقط.. وهم يجرون المقابلات من 12 الى 2 الظهر لذلك لو تروح للمكتب اللي بجانب مركز التأشيرات فشارع ام الحمام يحجز لك على اقرب موعد أفضل لك .. بينما الفيز الثانية ماتحتاج مواعيد ولامقابلات تروح وتاخذ دور وعليك الانتظار بس .. متى تضطر لحجز موعد ؟. في ايام الزحمة فقط مثل هالايام

ايش دا الغلب
هو الموضوع من جد عويص ولا احنا اللي ندقق بزيادة !!!!


مرافقي قدم على فيزا طالب زائر، هل نروح سوا كفاميلي ولا كل واحد لوحده ؟

شوفي ياستي حسب تجربتي واحد من امرين:
اما تحجزي موعد لك ولأخوك اون لاين وتتوجهوا في نفس الموعد، كل حسب فيزته،وبإمكانك تحجزي موعد مسبق على اثره تدفعي وتمشي امورك في نفس اليوم.
او اذا كنتوا بتصدروا لكم فيزا طالب زائر فكل مافي الامر تتوجهوا للمكتب دون موعد تاخذي لك رقم من الرسبشن كفاميلي ابوينتمنت وتنتظري دوركم

هلا أختي سافيرا .. ربي يوفقك ويجزاك خير. ممكن أعرف اسم المكتب اللي بشارع أم الحمام؟

شكراً جزيلاً.

للفائدة: قدمت أمس من دون موعد، اضطريت إني ادفع رسوم الـ Premium Service بـ 280 ريال؛ لأن ما حجزت موعد.
المرافق برضو يحتاج موعد بـ Family Section، وإذا ما حجز موعد عادي يقدر يقدم بس بـ 280 للـ Premium Service.

ملاحظة: الأسبوع الماضي جيت أبي أحجز موعد، حصلت فقط يومين لموعد Tier 4، وما اعتقد هذي تغطي المتقدمين من هذي الفئة، لاحظت بالأمس كثرة المتقدمين من دون مواعيد، وطبعاً الكل راح يجبر بدفع 280 ريال للـ Premium Service ... أخشى أن هناك عملية Business المكتب قاعد يؤديها!

يعني ممكن يجي الواحد بدون موعد و بيدفع 280 و يدخل عادي ؟

في احد يعرف اذا لازم المبتعثة و المرافق لازم يقدموا مع بعض او لا ؟ وهل تتاخر فيزا المبتعثة لو هي قدمت اوراقها لفيزا المرافق ما قدم لسى؟ او يتعامل كل واحد لحاله
و هل صحيح الكلام انو اذا الواحد اول مرة يروح بيرطانيا ممكن تتاخر الفيزا؟
وفي العادة كم تتاخذ فيزا تاير 4 من خبراتكم
شكرا

ملاحظة: الأخ ما يعتبر مرافق، يعني ما تكتبيه في الأبليكيشن على إنه دبندنت ( هذا حسب علمي، واتأكدي أفضل )
أنا قدمت لحالي على تاير4 وطلعت فيزتي وخلصت الحمدلله، وأخويا حيقدم على طالب زائر بس لسا ما قدم للآن
بالنسبة للموعد فاحجزي من النت، ما يحتاج تدفعي بريميوم عشان موعد
أنا حجزت عادي من النت وأعطاني الموعد بعدها بيومين على طول
بخصوص المدة: قدمت على الفيزا في جدة 27 مايو وأخذت 3 اسابيع مع الزحمة، استلمتها 16 يونيو