Tier 4 وماآ ادراآكـ ما Tier 4 .... !!!

منجد اكثر حاجة شايلة همها حجز الرحلة احس قرار ابتعاثي ماحيصدر من الجامعة الا في الوقت الاخير وعلى اساس قرار الابتعاث نحجز يعني هل يصير الحجز قبل اسبوع مثلا.... احسها ماتجي خصوصا الرحلات اكيد بتكون فل علشان الصيف والناس مسافره .... والله مدري ايش الحل؟! ايش نصيحتكم بالنسبة للحجز

اها انتي مبتعثة من جامعة، راح بالي انه على حسابك.

شوفي اللي سويته انا بنفسي أني ما بدأت في أي إجراء إلا يوم استلمت قرار الإبتعاث في يدي، وبعدين على ما اذكر اني حجزت من نفس المكتب حق الطيار اللي في الجامعة وبعدها قدمت على الفيزا.

ولا تشيلين هم الأمور راح تتيسر أهم شيء صدور قرار الإبتعاث.

بالتوفيق

الله يجزاك خير ..... طيب لو تاخر صدور قرار الابتعاث

حتى لو تأخر صدور قرار الإبتعاث انتي ما لك علاقة بالحجز الجامعة راح تعطيك "امر اركاب" والطيار راح يحجز لك حتى لو بعد يومين أو ثلاثة، لكن اهم شيء انه يكون عندك وقت كافي للتقديم على الفيزا بعد صدور قرار الإبتعاث، هذا هو الشيء اللي لازم تنتبهي له.

وبالتوفيق

اهاا علشان كذة انا استفسر لانه حاسة قرار الابتعاث ممكن يطول وفي اشياء معينة لازم اعملها ..... ليش مايمدي اقدم الفيزا قبل صدور القرار؟ سمعت انه اقدر اقدم الفيزا وبعدين ممكن الجامعة تعوضني ولا لازم قرار الابتعاث شرط اساسي في التقديم على الفيزا ..... ؟! ارشدني جزاك الله خير

قرار الإبتعاث مو شرط اساسي في التقديم على الفيزا يكفي الضمان المالي اللي من الجامعة ترفقينه مع الأوراق ولو ان قرار الإبتعاث يضيف إلى اوراقك اللي راح تقديمينها عليهم.

وتقدرين تقدمين على الفيزا قبل صدور قرار الإبتعاث لكن هل تضمنين الموافقة على ابتعاثك وصدور قرار الإبتعاث من الجامعة؟ مو تسوين الفيزا وكل شيء وبعدين ما يصدر قرار الإبتعاث لا سمح الله لأي سبب من الأسباب، وكذا راح تحطين نفسك في دوامه لأن فيزتك اللي طلعتيها دراسية وليست سياحية.

عموماً الأفضل البدء في إجراءات الفيزا بعد صدور قرار الإبتعاث وسواءً قدمت على الفيزا قبل أو بعد صدور قرار الإبتعاث كلها صحيحة ولكن الشغلة مجرد ترتيب إجراءات لا أقل ولا أكثر وعشان الواحد يمشي عالمضمون، وبالنسبة للتعويض انت إذا رحتي مقر البعثة ارفعي الإيصالات للملحقية وهم راح يعوضونك.

بالتوفيق