استفسار أنا موظف حكومي مقبل على الزواج من معيدة تستعد لبعثة

سؤالك حوسة وأنا أخوك، مو واضح وش السالفة:

- "شريكة عمرك" تحضر ماجستير في اللغة الإنجليزية، وعندها بعثة 10 أشهر! يعني الحين الـ 10 أشهر هذي بعثة إيش؟؟؟ ماجستير مثلاً؟ طيب أوكيه ماجستير، طبعاً راح تكون أكثر من عشرة أشهر لأنها يمكن أن تنهي الماستر في بريطانيا في عشرة أشهر لكن يبقى أنها لازم تنتظر لين التخرج وبكذا راح تكون حوالي 12 إلى 15 شهر.

لكن يبقى السؤال كيف راح تدرس ماجستير وهي تحضر الحين الماجستير في السعودية؟

- نفترض أن ابتعاثها دكتوراه؟
دكتوراه، ما ينفع دكتوراه عشرة أشهر.

- نفترض ابتعاثها لغة فقط، هذي ممكنة.

- نفترض أنك أخطأت يوم قلت إنها تحضر الماجستير في اللغة الإنجليزية، والمقصود أنها تحضر نفسها لدراسة الماجستير في بريطانيا.
كذا معقول.


- المكافأة واحدة سواء التحقت بالمعهد أو ما التحقت، هلحين نفس المكافأة اللي هي تأخذها بتأخذها أنت وطبعا هي تنزل في حسابها هي، ما صار فيه فرق الحين.


- نجي لسؤالك: أنت وش وضعك وش تسوي هل تدرس لغة أو تدرس ماجستير هل تدرس نفس تخصصك أو تخصص ثاني؟؟

النصيحة الأولى هي: خلك على تخصصك لا تدرس تخصص ثاني، كثير مثلك درسوا بكلورويس لغة إنجليزية وماجستير تخصص ثاني وما استفادوا شيء ورجعوا درسوا ماجستير نفس تخصص البكلورويوس، الماجستير الللي بتاخذها في اللغة الإنجليزية راح تفيدك في عملك الحالي وترفع مستواك، واحتمال تلاقي لك ترقية ووظيفة أحسن في الوزارة.

- بالنسبة هل تدرس ماجستير أو لغة؟
أنت إذا مستواك كويس في اللغة اختبر لغة وجب درجة حلوة وقدم ماجستير وادرسوا كلكم درجة الماجستير، وبإمكانك دراسة تخصص TESOLor Applied Linguistics هذا أنسب لك بما أنك تشتغل في قطاع وزارة التربية والتعليم.
أما لو كانت لغتك ما تؤهلك لدراسة الماجستير، فأرى أنك تدرس لغة هناك تطور لغتك، وتجهز نفسك لو درست هي دكتوراه فيما بعد، تكون أنت جاهز للدراسة الأكاديمية أيضاً.

وبالتوفيق لك.

- - - مشاركة محدثة - - -

ملاحظة: سؤالك هذا في غير مكانه، أتمنى من مشرف الملتقى نقله إما لملتقى بريطانيا أو ملتقى أعضاء هيئة التدرس والمعيدين والمحاضرين.

جزاك الله خير على ردك.
الموضوع لا يتعلق بها, بل بي أنا.

البنت راح تروح هناك وتأخذ ماجستير انجليزي. علما أنها معيدة الآن بالجامعة للسنة الثانية. وانا سمعت انه عندي فقط الحق بأخذ اجازة استثنائية من العمل بدون راتب. وانا لا اريد هذا الشيء. وبحثت بالانترنت ووجدت انه ممكن اطلع معها (مرافق) ويصرف لي مكافئة بشرط أني أدرس هناك. وأنا ابحث عن المكافئة الي تساعدنا على العيش هناك.

لذلك, سؤالي كما ذكرته من قبل باختصار أكثر:
أريد اسماء معاهد استطيع الدراسة فيها لو كتقوية لغة فقط تستمر لحوالي سنة تقريبا وهي نفس الفترة التي ستأخذ فيها البنت الماجستير. يعني عشان ما اقعد عاطل باطل في بريطانيا لا شغل ولا مشغله بونفس الوقت استفيد من وقتي ويجينا مكافئتين.

واذا عندكم نصائح اضافية اكون شاكر.. واسف على التأخر بالرد والتعليق لظروف سفر

اذا كانت لغتك الانجليزيه تؤهلك للحصول على ايلتس قدم على ماستر انت بعد وأدرس .. واذا ما تقدر تاخذه استغل هالفتره بدراسة اللغه ..

نفس جوابي عليك سابقاً:
أنت راح تستلم نفس المكافأة سواء درست أو ما درست طالما أنك مرافق معهاـ وإذا صرت تدرس مرحلة أكاديمية (وليس لغة) يزيد المبلغ شيء بسيط جداً.
بالنسبة للمعاهد سبق وقلت لك إن موضوعك ليس في مكانه، يفترض أن تضعه في قسم الدولة التي تريد الابتعاث لها.

١) يصرف لأي مرافق (يدرس ولا ما يدرس ) مكافأة مرافق
٢) يحق للمرافق دراسة اللغة
٣) إذا جبت قبول أكاديمي غير مشروط ( يعني تبي تدرس بالجامعه) تصبح طالب مبتعث
٤) بالنسبه لمعاهد اللغة لا تشيل هم كلها زي بعض و في كل مكان
وفقنا ووفقكم الله

السلام عليكم
بحكم انك موظف حكومي لا يصرف لك مكافاه او تدرس او حتى تامين صحي الا بتقديم الاجازاه الاستثنائيه .....
بالتوفيق

اخوي محاسبة المستقبل صادق .. والشباب ماقصروا معك ..

الحل الوحيد احد اثنين :
اما تجيب اجازة دراسية وتطلع تكمل الماجستير
او تاخذ اجازة استثنائية واذا رحت لبريطانيا تلتحق بالبعثة

كلهم بدون راتب

( تمت المشاركة باستخدام تطبيق مبتعث )