المشاركة الأصلية كتبت بواسطة الافرنجي
هل اقدر اقدم دكتوراة في التربية او مناهج وطرق تتدريس او TESOL
بدون بربوزل
( تمت المشاركة باستخدام تطبيق مبتعث )
اخوي الافرنجي
بالنسبة لسؤالك العام .. الرد يكون فيه لا
لكن في حالات استثنائية بشرحها لك في الاسفل..
لأن أغلب الجامعات تطلب بربوزل قبل التقديم على الدكتوراه
الا الجامعات اللي ما يهمها غير الفلوس وترمي طالب الدكتوراة في بحر ما يقدر يطلع منه والعياذ بالله ..
بما انك تعرف التخصص اللي حاب تدرس فيه دكتوراه
فان شاء الله راح يكون سهل عليك تلاقي مشرف تتواصل معه
بالتالي عندك كذا خطوة : الأولى: اختار الجامعات ورشح منها 3 أو 4 بالكثير .
الثانية : من كل جامعة ادخل للقسم المطلوب (اقرا السيرة الذاتية للمدرسين بالقسم ) وشوف الدكتور اللي يناسب توجهاتك (من خلال المناشط المشارك فيها والبحوث اللي كتب عنها ومواضيع الطلاب المشرف هو عليهم)
الثالثة: اختار مشرف بعينه من كل جامعة (من الجامعات ال 3 اللي اخترتها اخر شيء واستقريت عليها) وراسله على اساس انك مهتم بالمجالات اللي يكتب هو عنها أو مشاريع (هو ) مشترك فيها وخبره انك حاصل على منحة للدكتوراه (ان شاء الله) وناوي تكمل معه ، ولكن ما عندك خلفية عن الموضوع المناسب للكتابة عنه .. وأنت في الوقت الراهن تبحث عن موضوع أصيل ومهم ممكن تكتب فيه للدكتوراه.
واذا سمحت اخوي اقرا في الردود السابقة الطريقة المقترحة لمراسلة الدكتور والمرفقات المطلوبة حتى لو كان ما عند بربوزل
الرابعة: اذا كان الدكتور جاد وحاب انه يشرف عليك راح يقترح عليك موضوع تكتب عنه .. وراح يستشيرك فيه وبيقولك ابحث في الموضوع الفلاني واقرا
وخبرني النتائج اللي طلعت عندك ..
طبعا لازم في هالحالة تلتزم بالجدية .. وتبحث وتقرا حتى تكون عندك خلفية عن الموضوع (ومنها تكتب تقرير مبسط )
بعد الاتفاق مع المشرف وتراضيتوا عن الموضوع أو حتى قبل لا تنتهي من كتابة التقرير .. راح يقولك سجل في الجامعة وأثناء التسجيل
راح يطلبون منك في العادة كتابة اسم الشخص اللي تواصلت معه (تكتب الدكتور) .. وهم على طول يرسلونه له ويرد بالموافقة ..
وان شاء الله امورك راح تكون في السليم ..
ملاحظات مهمة :
لمن تراسل الدكاترة .. انتظر بين دكتور والثاني اسبوع الى اسبوعين حتى ما تحصل اكثر من عرض وتفوت الكل.. لان راح يصير سوء فهم .. وما تحب تدخل في دوامة (لان قد يصادف انك تحتاج للدكتور نفسه)
..
السموحة على الاطالة .. ويا رب أكون أفدتك ..
تقديري لكل طلاب الدكتوراه
الخطوة الرابعة
سماء وطموح April 21st, 2014, 03:38 PM
7 " 
LinkBack URL
About LinkBacks
اتمنى ان ردي هذا راح ينفعك باذن الله وسامحيني على القصور
بالنسبة للبربوزل .. دامك مقتنعة فيه .. وحابة تكتبين في مجاله ..
الحل الاول تبحثين عن الدكتور اللي يلتقي معك في نقطة الاهتمام
1-
اول شيء تسوينه اختار الجامعات المهتمة بتخصصك .. مثال .. تخصصك تربوي : ابحثي عن الجامعات اللي بها تخصصات تربوية كثيرة .. يعني مو مقتصرة على شيء معين او تخصص تربوي عام لان عادة المشرفين تكون مجالات ااهتمامهم اوسع وفيه خيارات اكثر للمشرفين ..
وبما ان تخصصك تربوي مثلا حسب اللي كاتبته .. لقيت لك جامعة اكستر في عندهم عدد اكبر ومحاور اكبر في مجال التربية خصوصا الدكتورة وان شاء الله تلاقين المشرفين لامناسبين
2- تأكدي وانتي تراسلين المشرف .. انك قرأتي السيرة الذاتية بشكل دقيق ومتمعن . لانهم يكتبون عادة في صفحتهم الخاصة عن مجالات اهتمامهم Area of interest فتقدرين من خلال
هالمنطلق تذكرين في الايميل اللي راح ترسلينه له انك قراتي سيرته الذاتية ولاقيتي اوجه او نقاط تلاقي مع موضوع البحث .. وهذي النقطة مهمة جدا لان المشرف ضروري يعرف على اي اساس
انتي اخترتينه من بين الاف المشرفين .. ضروري يحس بقيمته وانك فعلا مقتنعه فيه وانك تبحثين عن مصلحة بحثك مو بس القبول
3- احيانا المشرفين يعقدون مشاريع ويترأسونها في مجال التخصص اللي تبحثين عنه , فبامكانك تكتبني له انك نويتي من خلال المشاريع اللي هو مشرف عليها يطلع على موضوع بحثك على اساس يشرف عليك
4- تأكدي من صيغة الايميل ؟! هالنقطة كثير مهمة .. اذا الاسلوب فيه فرض والاسلوب مو علمي .. او يحس انك شايفة نفسك عليه راح يضرك كثير. احيانا نستخدم كلمات وما نقيسها بس هم يتحسسون منها .. خاصة
عند الطلب .. تأكيد انك استخدمتي صيغ الطلب المؤدبة عندهم ..
5- عادة مراكز القبول راح يرمومك عن اي احد في حالات كان في مشرف ناوي رفع رصيده ويزيد عدد ال\طلاب اللي اشرف عليهم .. في هالحالة راح تكونين في ورطة حقيقة وراح تتعبين فعلا .. لهالسبب اعتبري مركز
القبول شيء مستحيل او اخر شيء تعتمدين عليه . للامانة مو في صالحك بالمرة .. واتعبي كم شهر ولا تتعبي الدهر كله ..
بالتوفيق لك ويا رب اكون افدتك
تقديري يا دريم وبالتوفيق