مساعدة جامعة كوفنتري ... و اسم مكان يوفر موافقه من جامعات بريطانيا

وعليكم السلام :
انتبهي من المكاتب اللي بالسعودية اكثرها نصابة خاصة اللي تطلب فلوس ،،، لانهم فقط يقدمون لك عن طريق موقع الجامعة نيابة عنك ويأخذوا فلوس ،،
فيه مكتب هنا في مانسشتر معتمد لكثير من الجامعات وهو اصلا معروف ومجاني القبول وله معارض يقيمها هنا بين فترة وفترة لجامعات بريطانية ،، اذا حابة اسم وموقع المكتب اقدر ارسله لك ..
بالمناسبة قبول الماستر من اسهل الاشياء والله سهل ما تتوقعي انت بنفسك تقدري تقدمي ، انا قبولاتي كلها بنفسي عملتها ...
نعم القبول يحتاج توصيتين علميتين من شخصين درسوك في الجامعة ..

بالنسبة لكوفنتري نعم مدينة جميلة وجامعتها قوية ،،
بالنسبة للتخصص ، والله ما اقدر اقول هذا التخصص حلو وقوي وهذا لا ،،، لكن نسبة كبيرة من المبتعثين يدرسون ادارة اعمال ماستر وهذا التخصص تشبع منه السوق مررررررررة وهو سهل ،،،، فيه تخصص جميل وحلو وحتى حلو البحث والدراسة فيه واسمه : ادارة اعمال دولية ،،، International Business وفيه تخصصات ثانية مثل ادارة الجودة ،،، لكن قليل الجامعات اللي تدرس هذا التخصص

والله يوفقك يارب ويسهل امورك ،،

الله يجزاك الف خير على المعلومه ودي بس لو تعلمني خطوات التقديم بجامعة كوفنتري معرف اقدم وتاخرت كثير وماتقصر

بشأن القبول

ومثل ما قال الأخ شخص طموح عن المكاتب والمكتب اللي في بريطانيا.لكن المكتب اللي يقول عنه هو محدود لبعض الجامعات لا يتواصلون مع كثير من الجامعات.


والقبول للماجستير من اسبوعين لثلاثة وهو جاهز.

لكن هناك اكثر من شخص لهم تواصل مع أي جامعة يجيبون قبولات مجانية حددي وش الجامعة اللي تبين وراسليني أعطيك أرقامهم.

لأن سياسة المنتدى تمنع وضع الأرقام أو شيء فيه دعاية.

خطوات التقديم هي كالتالي :
١- موقع الجامعة : عبي الابلكيشن وهو سهل والله سهل جدا : اسمك عنوانك معدلك شهادتك : اذا ما تعرفي عندك مترجم قوقل .
٢- ارفقي معها المستندات المطلوبة : صورة من جواز السفر - شهادة البكالرويوس - السجل الاكاديمي - توصيتين علميتين - خطاب الغرض من الدراسة وهذا تحصلي بالنت كثير جاهز فقط تغيري اسمك واسم الجامعة والتخصص.

اذا تحتاجي مساعدة بهذا الشي ابشري وابي دعواتك بس ..

الله يوفقك يارب

سؤالي هل جامعه كفنتوري فيها تكدس طلاب هذا العام ٢٠١٤ ارجوا الإفادة جزام الله كل خير لان عندي قبول فيها ولاكن خايف يكون تكدس للطلاب فيها.
تخصصي هو BSc (Hons) Biomedical Science and Applied Biomedical Science
ساعدوني جزاكم الله كل خير


( تمت المشاركة باستخدام تطبيق مبتعث )